Xalqın etirazları - müxalifət liderlərinin məqalələri... |
Müəllif: Admin | Bölmə: Xəbərlər | Vaxt: 16-01-2016, 20:06 | Şərh sayı: (0) | Baxılıb: 204
Xalqın etirazları - müxalifət liderlərinin məqalələri...
Natiq Miri: “Müxalifət proseslərə qarışsa, yeni həbs dalğası başlaya bilər”əÖlkəmizdəki iqtisadi böhran son günlər bəzi bölgələrdə bahalaşma əleyhinə etiraz aksiyalarının keçirilməsinə səbəb oldu. Bu cür vəziyyətlərdə müxalifət önə çıxır, təşəbbüsü götürür. Azərbaycanda isə bunun əksini gördük: etiraz aksiyaları müxalifətdən kənar baş verdi. Devalvasiyadan sonra müxalif siyasətçilər bildirirdilər ki, mitinq keçirsələr, xalq qoşulmayacaq. Amma xalq hakimiyyəti də, müxalifəti də təəccübləndirdi - ölkənin bir neçə bölgəsində aksiyalar keçirildi.
Hadisələrin bu cür qızğın vaxtlarında müxalifət liderləri blogger fəaliyyətinə üstünlük verib. Onlar sosial şəbəkələrdə köşə yazır, hakimiyyətə böhrandan çıxış yolu göstərir. Sanki müxtəlif variantlarla bu düşərgə aksiyalar keçirməkdən yayınır.
Politoloq Natiq Miri hər bir fəaliyyətin imkan səviyyəsində mümkün olduğunu qeyd etdi: “Bu gün müxalifətin iddiaları hazırkı imkanlarına adekvat deyil. Eyni zamanda, müxalifət ikinci devalvasiyanın fonunda, sosial xarakter daşıyan etiraz aksiyalarının başlamasına hazır deyildi. Buna görə də, proseslərin önündə gedə bilmədi. Hakimiyyət cəmiyyəti necə hazırlıqsız vəziyyətdə başlı-başına buraxdısa, eynilə müxalifət də bu vəziyyətdə yaxalandı. Rayonlardakı aksiyalarda bunun şahidi olduq. İndiki halda müxalifət hazırlıqsız önə çıxmaqla, aksiyalar təşkil etməklə nəticə qazanacağına əmin deyil. Çünki o gücdə olmadıqlarına özləri də əmindirlər. Təşkilatçılıq yolunda müəyyən addımlar ata bilərlər. Amma bu, həmin siyasi qüvvələrin əleyhinə ciddi şəkildə işləyə bilər. Çünki müxalifətin təşkil etmədiyi son aksiyalarda hakimiyyət birbaşa onları ittiham etdi. Siyasi partiyalardan bəzi funksionerlərin həbs olunması halları ortada var. Amma bu gün müşahidə aparsaq, görürük ki, aksiyalarda iştirak edənlər həmin həbs edilən funksionerləri müdafiə etmirlər. Bu baxımdan tələb olunan mühit hələ hazır deyil. Sadəcə ciblərinə dəyən təsiri artıq hiss ediblər. Buna görə də, bu cür reaksiyalar baş verdi. Müxalifətin indiki durumda önə çıxması yeni həbs dalğasının başlamasına səbəb ola bilər. Ona görə bu zamanı müxalifət dəqiq dəyərləndirməli, indidən belə proseslərə hazırlaşmalıdır”.
Politoloq hakimiyyətin barışıq mühiti yaratmasının vacibliyindən də söz açdı: “Müxalifət hakimiyyət strukturlarında təmsil olunmalı, məsuliyyətin altına çiynini qoymağı bacarmalıdır. Hökumət bunu etsə, daha yaxşı olar. Bunlar olmadığı sürəcdə, müxalifət bu cür proseslərə hazırlıqlı olmalıdır. Çünki hakimiyyət qədər müxalifət də xalqın məsuliyyətini daşıyır”.
Cavanşir ABBASLI
musavat.com
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər