Rəcət zamanı dünyaya qayıdış |
Müəllif: Admin | Bölmə: Məqalələr | Vaxt: 8-10-2015, 21:19 | Şərh sayı: (0) | Baxılıb: 380
Rəcət zamanı dünyaya qayıdış
İmam Mehdinin (ə.f) zühurundan sonra iki qrup insanın bu dünyaya yenidən qayıtması və yaşaması rəcət hesab edilir. Bu iki dəstədən biri iman əhli, digəri isə küfr əhlidir. Görəsən bu qayıdışın fəlsəfəsi nədir? Belə bir nəticə əldə edə bilərik ki, birinci dəstə təkamülə çatmaq, ikinci dəstə isə dünya küfrünü daha çox dadmaq üçün dünyaya qayıdış edəcəklər. Adətən həqiqi möminlər kamal dərəcəsinə çatmaqda çətinlik çəkir, bir çox maneələrə rast gəlirlər və bu səbəbdən təkamülləri yarımçıq qalır. Bu təkamülü tamamlamaq üçün dünyaya yenidən qayıdış etmək lazımdır. Onlar haqq və ədalətin hakim olmasına şahid olacaq, belə bir hökümətdə yaşayacaq və şəhadət şərbəti içmək üçün fürsətə nail olacaqlar. Həqiqi möminlərdən bir çoxu məsum imamların yanına gəlir, şəhid ola bilmədiklərindən şikayət edir və kədərlənirdilər. Belə bir fikir vardır ki, rəcətdən əvvəl dünyadan köçmüş möminlər qayıdış edərək şəhidlik məqamına çatacaqlar. İmam Rzadan (ə) bu haqda hədis nəql olunmuşdur: “Yataqda ölən mömin rəcətdə öldürülər. Öldürülən mömin rəcətdə yatağında ölər.” Rəcətdən əvvəl düşmən fitnəsi nəticəsində müvəffəqiyyət qazana bilməyən din rəhbərləri yarım qalmış işlərini rəcətdən sonra tamamlayarlar. Küfr əhli isə Cəhənnəm əzabından savayı bu dünyaya qayıdış edərək Firon və Nəmrud, Ad və Səmud qövmləri kimi dünya əzabına da mübtəla olacaqlar. İmam Sadiq (ə) buyurub: “Rəcət ümumi deyil, xüsusidir. Yalnız xalis iman və ya xalis şirkə malik olan dəstə rəcət edəcəkdir.” İmam Sadiqdən (ə) İmam Mehdinin (ə.f) zühuru barədə sual edildikdə, Həzrət (ə) cavab verir ki, Mehdi (ə.f) zühur etdikdə ilahi mələklər qəbirdə olan möminlərə “Ey Allahın bəndəsi! Mövlan zühur etmişdir. Ona qoşulmaq və ya ilahi nemətlərlə qalmaq istəsən, azadsan” deyərlər. Nəticə etibarı ilə deyə bilərik ki, təbii əcəli ilə deyil, qətl səbəbi ilə ölmüş şəxs zühurdan sonra rəcət edəcəkdir. Rəcət etdikdən sonra əvvəl görə bilmədiklərini görəcək, bütün ömür boyu arzuladığı şəhadətə çatacaqdır.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər