Qeyb dövrü və İmam Mehdinin (ə.f) xüsusiyyətləri hədislərdə |
Müəllif: Admin | Bölmə: Məqalələr | Vaxt: 1-10-2015, 18:29 | Şərh sayı: (0) | Baxılıb: 552
Qeyb dövrü və İmam Mehdinin (ə.f) xüsusiyyətləri hədislərdə
Məhdəviyyəti sübut edən dəlillərdən biri də qeyb dövrü və İmam Mehdinin (ə.f) xüsusiyyətləri barədə nəql olunan mötəbər hədislərdir. Peyğəmbər (s) zamanı və sonrakı dövrlərdə Əhli-Beyt imamlararı (ə) Mehdinin (ə.f) doğulacağı, xüsusiyyətləri, qeyb və zühur dövrü barəsində bir çox məlumatlar vermişlər. Peyğəmbər (s)buyurmuşdur: “Ey Cabir, onlar mənim canişinim və məndən sonra müsəlmanların imamlarıdır. Onların birincisi Əli ibn Əbu Talib, ondan sonra Həsən, Hüseyn, Əli ibn Hüseyn, Muhəmməd ibn Əli, Cəfər ibn Muhəmməd Sadiq, Musa ibn Cəfər, Əli ibn Musa, Muhəmməd ibn Əli, Əli ibn Muhəmməd və Həsən ibn Əlidir. Ondan sonra adı adımdan, künyəsi künyəmdən olan, Allahın bəndələri arasında saxladığı (Bəqiyyətullah), Həsən ibn Əlinin oğlu müsəlmanların imamı və rəhbəridir. Allah-Taala onun vasitəsilə Şərq və Qərbi birləşdirəcək. O, dostlarından gizli qalacaq kəsdir. Onun qeyb dövrü o qədər uzun çəkəcək ki, bir çoxları (onun varlığında) tərəddüd edəcəklər. Yalnız sınanmış qəlblər (qeyb dövründə) möhkəm və sabit qalacaqlar. ” (“Yənabiül-Məvəddət”, Hənəfi Qunduzi, s.494-495) “Müntəxəbül-əsər” kitabının müəllifi vəd olunmuş İmam Mehdi (ə.c), onun xüsusiyyətləri və qeyb dövrü ilə əlaqədar hədisləri aşağıdakı kimi təsnif etmişdir: 58 hədisdə imamların on iki nəfər, onlardan birincisinin Əli (ə), sonuncusunun Mehdi (ə.f) olması qeyd olunur. 657 hədisdə Həzrət Mehdinin (ə.c) zühurundan xəbər verilir. 48 hədisdə onun ad və künyəsinin Peyğəmbərin (s) ad və künyəsindən olması yazılır. 214 hədisdə İmam Əlinin (ə), 192 hədisdə Həzrət Fatimənin (s.ə), 185 hədisdə İmam Hüseynin (ə), 185 hədisdə İmam Əli ibn Hüseyn Zeynulabidinin (ə), 103 hədisdə İmam Muhəmməd Baqir (ə) və İmam Cəfər Sadiqin (ə), 101 hədisdə İmam Musa ibn Cəfər Kazimin (ə), 95 hədisdə İmam Rzanın (ə), 90 hədisdə İmam Muhəmməd Təqi Cavadın (ə), 146 hədisdə İmam Həsən Əskərinin (ə) övladlarından olması vurğulanır. 148 hədisdə İmam Hüseynin (ə) doqquzuncu övladı olması nəql olunmuşdur. 147 hədisdə İmam Mehdinin (ə.f) atasının adının Həsən (ə) olduğu qeyd edilir. 123 hədisdə dünyanı ədalətlə dolduracağından yazılır. 91 hədisdə İmam Mehdinin (ə.f) qeyb dövrünün uzun çəkəcəyi, 318 hədisdə İmam Mehdinin (ə.f) ömrünün uzun olacağı, 47 hədisdə İslam dininin onun tərəfindən dünyaya yayılacağı, Allah-Taalanın vəd etdiyi saleh şəxslərin xilafət dönəminin gerçəkləşəcəyi, 136 hədisdə on ikinci və axırıncı imam olması, 10 hədisdə iki (kiçik və böyük) qeyb dövrünün olacağı, 14 hədisdə dünyaya gəlişinin gizli olacağı qeyd edilir. (“Müntəxəbül-əsər”, s.23 26)
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər