İmam Əskərinin (ə) oğlu barədə dediyi mütəvatir hədis varmı? |
Müəllif: Admin | Bölmə: Sual-Cavab | Vaxt: 19-01-2016, 18:58 | Şərh sayı: (0) | Baxılıb: 320
İmam Əskərinin (ə) oğlu barədə dediyi mütəvatir hədis varmı?
Sual: İmam Mehdinin (ə.f) doğulması barədə İmam Həsən Əskəri (ə) tərəfindən buyurulan mütəvatir hədis varmı?Cavab: İmam Mehdinin (ə.f) imamətini müxtəlif yollarla sübut etsək, bu mövzuda konkret və tələb olunan nəticə əldə edə bilərik. Bu müzakirə bütün imamların imamlığı ilə əlaqəlidir:
1. Bundan əvvəlki məqalələrdə işarə etdik ki, İmam Həsən Əskəri (ə) tərəfindən oğlu İmam Mehdinin (ə.f) imaməti barədə buyurulan çoxlu sayda sənədi səhih olan hədislər bizə çatmışdır.
2. İmamətin əsası barədə araşdırma apararkən bizə məlum oldu ki, yer üzü heç vaxt höccətsiz qala bilməz. Bunu sübut etmək üçün qəti və yəqin dəlillərə ehtiyac duyulur. Ancaq bir imamdan sonrakı imamın kim olması isə başqa bir mövzudur. Bunun sübuta yetirilməsi üçün sənədi səhih olan xəbəri-vahid[1] hədis də kifayətdir.
3. Həzrət Peyğəmbər (s) və imamların hər birindən bu barədə çoxlu sayda nəql olunan və təvatür həddinə çatmış hədislər vardır.
4. Nübuvvətin sübuta yetirilmə yollarından biri və bəlkə də ən əsası möcüzədir. İmamətin, həmçinin hər bir imamın imamlığının sübuta yetirilməsi üçün bu yoldan da istifadə edə bilərik. Hər bir imamın imamətini onun möcüzə göstərməyi ilə də sübut etmək olar. Birinci imamın özündən sonrakı imamın kim olduğunu deməsi sonrakı imamın kim olmasının dəlilidir. Həmin imam öz imamlığını digərlərinə sübut emək üçün möcüzə də göstərməlidir. Necə ki öncəki peyğəmbərlər bizim Peyğəmbəri tanıtdırmış və bizim Peyğəmbər öz peyğəmbərliyini sübut etmək üçün möcüzə göstərməli olmuşdur. Birinci imamı qəbul edənlər onun sözü ilə ikinci imamı qəbul edə bilərlər.
5. Tutaq ki, imamlardan bəzisi barəsində qeyd edilmiş hədislər “vahid xəbər”dir. Ancaq bu cür səpkidə olan digər rəvayətlərə də nəzər salsaq görərik ki, bizi qəti şəkildə və arxayınçılıqla həmin hədislərin anlamına çatdıracaqdır. Xüsusi bir şəxsin imaməti üzərində imamiyyə əshabının icması[2] və şiələrin bu məsələni qəbul etməsi Bəni-Üməyyə, həmçinin Bəni-Abbas hakimləri tərəfindən şiələrə, Əhli-beyt imamları və onlara tabe olan şəxslərə qarşı göstərdikləri şiddətli siyasi təzyiqlər və həmin zamanda tüğyan edən siyasi durum belə bir vəziyyətin yaranmasına rəvac verdiyini açıq şəkildə göstərir.
6. İmam Həsən Əskəri (ə), Peyğəmbər (s) və həmçinin digər imamların hər biri İmam Mehdinin (ə.f) imamlığı barəsində hədis və rəvayətlər nəql etmişlər. Bu barədə olan hədislərin daha mühüm olanlarını hərtərəfli araşdırdıqda və İmamdan (ə.f) müşahidə edilmiş möcüzələri, həmçinin digər cəhətləri də gözdən keçirtdikdə İmam Mehdinin (ə.f) imamət məsələsinin təvatür həddinə çatdığının və bu məsələnin sübut olunduğunun şahidi oluruq.
[1] Hədis elminin terminidir. Adətən bir məsələ haqqında bir nəfər tərəfindən nəql olunmuş hədisə deyilir.
[2] Yekdil fikirdə olmaları
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər