"Obyektlər öz-özünə partlamır" |
Müəllif: Admin | Bölmə: Xəbərlər | Vaxt: 9-10-2015, 09:54 | Şərh sayı: (0) | Baxılıb: 360
"Obyektlər öz-özünə partlamır"
Rusiyanın Müdafiə Nazirliyi Xəzərdən gəmilər vasitəsi ilə atılan raketlərin İrana düşməsi xəbərini təkzib edib.
"Report" xəbər verir ki, bu barədə Rusiya hərbi idarəsinin rəsmi nümayəndəsi general-mayor İqor Konaşenkov bəyanat yayıb.
"Biz CNN-dən fərqli olaraq anonim mənbələrə istinadən danışmırıq, əksinə raketlərimizin atılmasını və onlar tərəfindən hədəflərin vurulmasını əməli olaraq real vaxt rejimində göstəririk", - deyə o bildirib.
"Ümumi danışa bilmərəm, lakin bu sahədə çalışan istənilən peşəkar bilir ki, bu kimi əməliyyatlar aparılan zaman, həmişə hədəfin zərbədən əvvəlki və sonrakı təsviri qeydə alınır. Bununla yanaşı, Suriya üzərində gecə-gündüz bizim pilotsuz uçan aparatlar qrupumuz işləyir", - deyə o bildirib.
"Ona görə, dünən yüksək dəqiqlikli silah ilə Suriyada İŞİD-in infrastrukturuna endirdiyimiz zərbələr Pentaqon və Lenqlidəki həmkarlarımız üçün nə qədər xoşagəlməz və "gözlənilməz" olsa da, hər halda gəmilərdən atılan bütün raketlər öz hədəflərini tapıb", - deyə general qeyd edib.
"Bu faktdır. Yoxsa terrorçu İŞİD qruplaşmasının Suriyada bir-birindən əhəmiyyətli dərəcədə aralı yerləşən obyektlərinin ötən gün öz-özünə partlamasını etiraf etməli olardıq. Özü də sinxron olaraq", - deyə o bildirib.
Milli.Az
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər