2016-cı ildə İŞİD məhv ediləcəkmi? |
Müəllif: Admin | Bölmə: Xəbərlər | Vaxt: 29-12-2015, 14:35 | Şərh sayı: (0) | Baxılıb: 459
2016-cı ildə İŞİD məhv ediləcəkmi?
Böyük dövlətlər bu problemdən maraqları üçün istifadə edirlər...
Artıq 2015-ci il son günlərini yaşayır. Bir sıra problemlər kimi, dünyanı ağuşuna alan İŞİD problemi də bu il həll yolunu tapmadı. Doğrudur, ilin sonlarına yaxın bununla bağlı bəzi təqdirəlayiq addımlar atıldı. Xüsusilə, Fransa terrorundan sonra. Lakin dünya ölkələrini daim təhdid altında saxlayan bu problem hələ də qalmaqda davam edir.
Bu ilin noyabrında Türkiyənin Antalya şəhərində keçirilən G20 sammitindən sonra İŞİD probleminin aradan qalxacağına inam böyük idi. Lakin sammitindən dərhal sonra Türkiyə-Rusiya münasibətlərində yaranan məlum gərginlik İŞİD məsələsinin həllini arxa plana atdı. Bu baxımdan üzümüzə gələn ilin necə keçəcəyi, ilk növbədə, bu problemin həll olub-olunmayacağı hazırda dünyanın qarşısında duran əsas məsələlərdən biridir.
MTN-nin sabiq polkovniki İlham İsmayıl 2016-cı ildə İŞİD probleminin aradan qaldırılacağına inanmır: “2016-cı ilə bu ilki kimi problem qalmır. Amma dünyanın gücləri arasında gedən mübarizə-faktiki olaraq mübarizə gedir, fikir ayrılığı yoxdur- İŞİD probleminin aradan qalxmasına imkan verməyəcək. Hələ də Bəşər Əsəd məsələsi həll olunmayıb. Suriyanın gələcəyi müəmmalı qalır. Rusiya, nisbətən də İran bu məsələlərdə geri çəkilməyib. İŞİD məsələsi kontrolda olsa da, aradan çıxmayacaq. Kontrolu ABŞ və Avropadakı müttəfiqləri, xüsusilə, Türkiyə nəzarətdə saxlayacaq. 2016-cı ildə bu problemlərin həll olunacağı gözlənilmir. Rusiyanın vəziyyəti get-gedə gərginləşir. Neftin qiymətinin aşağı düşməsi davam edir. Üzümüzə gələ il Rusiya üçün çox çətin keçəcək. Rusiyanın gərginliyi bütövlükdə Putinin gərginliyidir. Nəticədə Putinin gərginliyi getdikcə artmaqdadır. Onun aqressivliyi artdıqca, Suriya məsələsi uzana bilər. Çox təəssüf ki, bu belədir. İŞİD bir gücdür. Özü də çox problemli gücdür. Kimsə özünü güclü göstərəndə, mütləq onun arxasında bir maraq dayanır. Təəssüf ki, bu maraqların arxasında böyük dövlət durur. İŞİD-ın işini 24 saat ərzində də bitirmək olar. Amma böyük dövlətlərin marağı heç inanmıram ki, buna imkan versin”.
İ.İsmayıl İŞİD-in özündən böyük dövlətlərin istifadə etdiyini düşünür: “Təkcə İŞİD yox, bir güc ortaya çıxanda, müəyyən dövlətlər çalışır ki, bu gücdən istifadə etsin. Birinci və ikinci dünya müharibələrindən sonra güclü dövlətlər arasında problemlər həll olunmaq üzrə çatmışdı. Lakin atom bombası meydana çıxandan sonra bu alınmadı. Lakin müharibə vəziyyətinə də çatmadı. XX əsrin sonlarında güclənən terror təşkilatları XXI əsrdə daha mütəşəkkil formada ortaya çıxdı. İndi tamam fərqli situasiyadır. İŞİD torpaq tutur, dövlət qurur. Dövlət arasındakı münasibətlərdə İŞİD-dan yararlanma var. Birdən-birə bu məsələnin həlli çox çətindir. Hələ yeri gələndə bu terror qruplaşmasından istifadə edəcəklər. Bu məsələnin həlli Rusiyadan asılıdır. Rusiya Suriya məsələsində geri çəkilsə, problem sürətlə həll olunacaq”.
Sabiq MTN-çi Türkiyə-Rusiya münasibətlərinin ilin sonlarında gərginləşməsinin İŞİD probleminin həllinə imkan verməməsi fikirləri ilə razı deyil: “Rus təyyarəsinin vurulması münasibətləri gərginləşdirdi. Amma Türkiyə, Rusiya, ABŞ, Fransa və digər dövlətlər bu məsələnin həlli üçün koalisiyaya gəlmişdilər. Quru qoşunlarının əməliyyatları ilə bu məsələ həll olunan deyildi. Çox güman ki, Türkiyə əməliyyatlara başlamalı idi. Lakin bu bir qədər dayandırıldı. Suriyanın taleyi həll olunmadığına görə. Rusiya mövqeyini gücləndirmək üçün yalandan Türkiyənin İŞİD-ı dəstəkləməsi ilə bağlı fikirlər səsləndirdi. Səhərisi gün Türkiyə-Rusiya münasibətləri istiləşsə belə, Suriya məsələsi həll olunmayınca, İŞİD problemi qalacaq. Amma hər iki ölkənin tezliklə münasibətlərinin düzələcəyi ehtimal olunmur. Rusiya gecə-gündüz Türkiyəyə qarşı öz planlarını qurur”.
İlham bəy Azərbaycanın da İŞİD-in terrorrunda sığortalanmadığını qeyd edib: “Azərbaycan bu məsələlərdə koalisiya şəklində mövqeyini ortaya qoyub. Terrora qarşı mübarizədə ölkəmiz konkret mövqe tutub. Hesab edirəm ki, bundan sonra da tutmalıdır. Azərbaycanın hədəfə gəlməsi mümkündür. Ona görə ki, Fransada baş verən terror hadisəsindən sonra Amerikanın kəskin mövqeyi var idi. İŞİD həmin vaxt ABŞ-ı hədələdi və nəticədə iki kamikadze-ər-arvad Kaliforniyada böyük hadisə törətdilər. Səhərisi gün Azərbaycanı hədəf götürdüklərini elan edə bilərlər. Ölkəmizdə hələ də radikal dindarların kökü kəsilməyib. Hələ xeyli hissəsi var, xeyli hissəsi də Suriyada döyüşür. Terrordan sığortalanmamışıq. Amma böyük şəkildə İŞİD-ın hədəfi deyilik. Sadəcə təzyiq vasitəsi kimi istifadə oluna bilər. 2016-cı ildə ölkəmizdə iqtisadi krizis daha da artacaq. Bu amildən də istifadə edənlər ola bilər. Ayıq-sayıq olmalıyıq. Dövlət təhlükəsizliyə ciddi fikir verməlidir. 2016-cı il Azərbaycan üçün siyasi-iqtisadi və təhlükəsizlik baxımından gərgin il olacaq”.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər