İmam Mehdi (ə.f) barədə əqli araşdırma (Yeddinci hissə) |
Müəllif: Admin | Bölmə: Xəbərlər, Slide | Vaxt: 11-02-2016, 10:10 | Şərh sayı: (0) | Baxılıb: 275
İmam Mehdi (ə.f) barədə əqli araşdırma (Yeddinci hissə)
Dördüncü müqəddimə. İmam Mehdinin (ə.f) varlığıBu müqəddimə əqli deyil, hissidir. Ona görə ki, bu müqəddimə nəql olunanlara əsaslanır. Əvvəldə də qeyd etdiyimiz kimi, hissi müqəddimə dəlilin əqli olmasına heç bir zərər yetirmir. Çünki əqli dəlillər iki qrupa bölünür: a) Müstəqillati əqli – bütün müqəddimələri əqli yola əsaslanan arqumentlər; b) Qeyri-müstəqillati əqli – bəzi müqəddimələri əqli, bəziləri isə nəqli yola əsaslanan arqumentlər. Nəql olunanlara əsaslanan bu müqəddiməyə başqa yerlərdə daha ətraflı və geniş toxunulduğundan biz ixtisara riyayət edib bir neçə məqama işarə edəcəyik.
İmam Mehdinin (ə.f) dünyaya gəlməsi on iki imamçı şiələr arasında yekdilliklə qəbul olunan və heç bir şübhə doğurmayan bir məsələdir. Çünki məşhur rəyə əsasən, İmam (ə.f) 255-ci hicri ilinin şəban ayının 15-i dünyaya gəlmişdir.[1] Atası İmam Həsən Əskəri (ə), anası isə Nərcis Xatundur (s.ə). İmam Mehdinin (ə.f) imamət dövrü 260-cı hicri ilindən başladı.
Əhli-sünnə vəd olunmuş Mehdinin (ə.f) gələcəyinə və bunda heç bir şəkk-şübhə olmadığına inanır. Lakin onun doğulmasını qəbul etmirlər. Onlar Mehdinin (ə.f) Peyğəmbər (s) və Fatimənin (s.ə) övladı olmasını qəbul edir, lakin doğulmadığını deyirlər. Lakin onların bəzi alimləri Mehdinin (ə.f) doğulduğuna inanır və hətta onun İmam Həsən Əskərinin (ə) oğlu olduğunu da qeyd edirlər. Ürfanı baxışa sahib olan əhli-sünnə alimləri həzrətin doğulduğuna inanır. Lakin kamil bir insan olaraq.
İmamın (ə.f) doğulması barədə bir neçə nümunəyə işarə edək:
İmam Həsən Əskərinin (ə) oğlunun doğulmasını təsdiqləməsi;[2]
İmam Cavadın (ə) qızı və İmam Əskərinin bibisi Həkimə Xatunun onun doğulmasına şəhadət verməsi;[3]
İbrahim ibn İdris Əbu Əhməd, İbrahim ibn Əbduh Nişapuri, Əhməd ibn İshaq Qumi və Səd ibn Abdullah Əşəri kimi şəxslərin İmam Həsən Əskərinin (ə.f) həyatda olduğu dövrdə İmam Mehdini (ə.f) görmələrinə şəhadət vermələri;[4]
Qısamüddətli qeyb dövründə İmamla (ə.f) görüşən (istər vəkillər, istərsə də qeyriləri) şəxslərin şəhadəti; [5]
Türeyf Xadim, Əbul Ədyan Xadim və Əbu Ğanim Xadim kimi İmam Mehdini (ə.f) görmüş İmam Həsən Əskərinin (ə) evinin xidmətçilərinin şəhadəti;[6]
Əbu Nəsr Səhl ibn Abdullah Davud ibn Süleyman Buxari, Seyid Əmri (V (h.q) əsrin tanınmış nəsəbşünası), Fəxr Razi Şafei və s. kimi əhli-sünnənin bəzi nəsəbşünas alimlərinin təsdiq etmələri;[7]
Kəmalüddin Muhəmməd ibn Təlhə Şafei, Səbt ibn Cövzi, Muhəmməd ibn Yusif Əbu Əbdullah Gənci Şafeyi, Nuruddin Əli ibn Muhəmməd ibn Səbbağ Maliki, Fəzl ibn Ruzbəhan və s. kimi əhli-sünnə alimlərinin İmam Mehdinin (ə.f) İmam Həsən Əskərinin (ə) övladı olduğunu etiraf etmələri.[8]
Bu deyilənlərin təsdiqi Peyğəmbərdən (s) nəql olunan bir hədisdə öz əksini tapmışdır: “Məndən sonra İslamın 12 xəlifəsi olacaqdır. Onun birincisi Əli (ə), sonuncusu isə İmam Mehdidir (ə.f)“.
Qeyd olunanlardan əlavə, İmam Mehdinin (ə) doğulmasını və həyatda olmasını təsdiqləyən inkarı qeyri-mümkün olan yüzlərcə dəlillər vardır. Dörd müqəddimədən ibarət bu kiçik yazıda, xüsusilə də səbr və məntiqi bölgü müqəddiməsinə əsasən, İmam Mehdinin (ə.f) imamətini isbat etmiş olduq.
[1] Bəziləri doğum tarixi kimi 254 və 256-cı hicri illərini göstərmişlər.
[2] Üsuli-Kafi, c/1, səh/328, 76-cı fəsil, hədis/2.
[3] Şeyx Səduq, Kəmalüd-din, c/2, 42-ci fəsil, hədis/5 və 6.
[4] Samir əl-Umeydi, Mehdi Müntəzər dər əndişeyi İslami, səh/168-198.
[5] Şeyx Səduq, Kəmalüddin, c/2, 43-cü fəsil.
[6] Həmin mənbə.
[7] Dər intizare Quqnus, səh/188-198.
[8] Əl-fusulul- muhimmə, səh/291, Əl-Bəyan fi əxbari Sahibəzzəman, səh/521, fəsil/25, İbn Cövzi, Təzkirətül-Xəvass, səh/363, İbn Təlhə Şafei, Mətalibul suvəl, c/2, səh/79, fəsil/12.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər