Bəzi yollarda piyada vuran sürücü məsuliyyətə cəlb edilməyəcək |
Müəllif: Admin | Bölmə: Xəbərlər | Vaxt: 2-02-2016, 15:33 | Şərh sayı: (0) | Baxılıb: 162
Bəzi yollarda piyada vuran sürücü məsuliyyətə cəlb edilməyəcək
İnzibati Xətalar Məcəlləsinin yeni layihəsində yüksək hərəkət sürəti müəyyən olunan yollarda sürücü ilə piyadaların qarşılıqlı münasibətinə dair maraqlı müddəa var."Avtosfer"-in məlumatına görə, indiyə qədər bizim qanunvericilikdə belə bir şey olmayıb. Birbaşa olaraq nəzərə tutulur ki, əgər magistral yollarda 110 km/saat və daha yüksək sürət həddi müəyyən olunubsa və həmin yolda piyada keçidi olmayan yerdə sürücü piyadanı vurarsa, piyadanın sağlamlığına yüngül zərər dəyərsə, buna görə sürücü heç bir məsuliyyət daşımır. Dolayısı ilə bu o deməkdir ki, bu halda sürücünün heç bir məsuliyyət yoxdur. Məsuliyyəti istisnasız olaraq piyada daşıyır.
Piyadanın sağlamlığına az ağır, yaxud ağır zərər dəyərsə və ya ölərsə, bu, artıq cinayət xarakterli yol nəqliyyat hadisəsi sayılır. Bu halda əvvəlki kimi araşdırma aparılacaq, ekspertiza qiymət verəcək, qəzanın qarşısını almaq, piyadanı vurmamaq üçün sürücünün texniki imkanı var idisə, lakin bundan istifadə etmədisə, o zaman cinayət məsuliyyətinə cəlb olunacaq. Yox, əgər heç bir texniki imkanı yox idisə, tədbir görsə də qəzadan qaçmaq mümkün olmamışdırsa, onda sürücü heç bir məsuliyyət daşımır.
Ümumiyyətlə, bu müddəa ona yönəlib ki, bizim ölkəmizdə sürücü-piyada münasibətində indiyə qədər mövcud olan subyektivliyi bir qədər azaltsın. Yəni hamıya məlumdur ki, yol nəqliyyat hadisəsində əgər piyada zərər çəkirdisə, istisnasız olaraq hamı düşünürdü ki, burada sürücü birmənalı olaraq günahkardır, piyadanın heç bir günahı yoxdur. Amma İnzibati Xətalar Məcəlləsi deyir ki, yüksək sürət müəyyən olunan yerdə, keçiddən kənarda piyada vurularsa, bu, yüngül zərərlə nəticələnərsə, sürücünün heç bir günahı yoxdur. Bu həm də bir mesajdır ki, cinayət xarakterli yol nəqliyyat hadisələri də araşdırılarkən yanaşma obyektiv olmalıdır, subyektivliyə yol verilməməlidir.
Qeyd edək ki, İnzibati Xətalar Məcəlləsi mayın 1-dən qüvvəyə minəcək.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər