AŞPA-dan Emənistana zərbə |
Müəllif: Admin | Bölmə: Xəbərlər | Vaxt: 5-11-2015, 23:38 | Şərh sayı: (0) | Baxılıb: 306
AŞPA-dan Emənistana zərbə
Avropa Şurası Parlament Assambleyası uzun müddətdən bəri gərgin olan Avropa-Azərbaycan münasibətlərinin fonunda ölkəmizlə bağlı qətnamə layihəsini müzakirə edib.
Milli.Az anspress-ə istinadən bildirir ki, qətnamə layihəsində əsas mürzakirə mövzusu Azərbaycan - Ermənistan Dağlıq Qarabağ münaqişəsi ətrafında gərginləşən münasibətlər olub.
"Ermənistan silahlı qüvvələri və digər qanunsuz silahlı dəstələr Dağlıq Qarabağ və Azərbaycanın digər işğal olunmuş ərazilərindən çıxarılmalı və ATƏT -in Minsk Qrupu prosesi çərçivəsində Azərbaycanın bu ərazilərdə tam suverenliyi bərpa edilməlidir",-deyə müzakirələrdə bildirilir.
Müzakirələr noyabrın 5-də Avropa Şurası Parlament Assambleyasının Demokratiya və Siyasi Məsələlər Komitəsinin məruzəçisi Robert Valterin "Azərbaycanın Dağlıq Qarabağ və digər işğal olunmuş ərazilərində zorakılığın artmasına dair" hazırladığı hesabat əsasında əsasında baş tutub.
Sənəddə Ermənistan və Dağlıq Qarabağ arasında dəhlizin, həmçinin Azərbaycanın digər ərazisindən Naxçıvana çıxışın təmin olunması da daxil olmaqla, etimad tədbirləri ilə birlikdə təhlükəsizlik və daxili özünüidarəçiliyi təmin etmək məqsədilə Dağlıq Qarabağın müvəqqəti statusunu müəyyən etmək üçün Minsk Qrupunun plenar iclasının keçirilməsinə çağırılır.Yeni Azərbaycan Partiyasının Siyasi Şurasının üzvü Aydın Mirzəzadənin sözlərinə görə, qətnamə layihəsi Azərbaycanın mövqeyini tam əks etdirməsə də, ölkəmizin nüfuzu baxımıdan müsbət qiymətləndirmək olar:
"Layihəni Azərbaycanın mövqeyini tam əks etdirdiyini demək düzgün olmazdı. Çünki assambleyada Ermənistanı dəstəkləyən qruplar da var. Amma Ermənistan indiyə qədər öz xeyrinə qətnamələrin qəbul olunmasına nail ola bilmir". Aydın Mirzəzadənin sözlərinə görə, Azərbaycanın regiona iqtisadi və siyasi təsirləri Avropa dairələrini ölkəmizlə bağlı ədalətli qətnamələr qəbul etməsinə vadar edir: "Bütün beynəlxalq təşkilatlar Azərbaycanla bağlı qətnamələrində ərazi bütövlüyümüzün pozulduğunu göstərir. Bundan sonra da Azərbaycanla bağlı belə qərarəların qəbul olunmasını görə bilərik".
20 ilidən çoxdur ki, Azərbaycanla Ermənistan arasında münaqişənin davam etməsi təmas xətində yüzlərlə insanın hayatını itirməsi ilə nəticələnib. Bunu Avropa Şurası Parlament Assambleyasının üzvüləri də etiraf edib. Müzakirələr zamanı bildirilib ki, Dağlıq Qarabağ problemi digər beynəlxalq böhranların fonunda kənarda qalıb: "Bir qədər də ləngimə bu "dondurulmuş" münaqişənin həllini daha da ağırlaşdıracaq. Hansı ki, bu münaqişə 2014-cü ilin əvvəlindən 100-ə yaxın insanın ölümünə səbəb olub və Avropa Şurasının iki üzv ölkəsi arasında real müharibəyə çevrilə bilər".Komitə Azərbaycan və Ermənistanı 2001-ci ildə Avropa Şurasına üzv olarkən Dağlıq Qarabağ münaqişəsinin həlli üçün yalnız sülh xarakterli vasitələrdən istifadə etmək barədə üzərilərinə götürdükləri öhdəliyi yerinə yetirməyə çağıraraq hər iki hökuməti silahlı qüvvələrdən istifadə etməkdən çəkinməyə səsləyir. Məlumdur ki, Azərbaycan və Ermənistan Avropa Şurasına üzv olarkən təşkilat münaqişə tərəflərinə nazazılığın aradan qaldırılması üçün kömək edəcəyinə dair öhdəlik götürüb. Hazırda isə Azərbaycan və Ermənistan arasında münaqişə daha da alovlanmaqdadır.
Milli.Az
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər