Rəcət nədir? |
Müəllif: Admin | Bölmə: Sual-Cavab | Vaxt: 12-10-2015, 11:06 | Şərh sayı: (0) | Baxılıb: 451
Rəcət nədir?
“Rəcət” lüğətdə “qayıtmaq”, dini terminologiyada isə “insanların öldükdən sonra bu dünyaya və qiyamətdən öncə qayıtması” mənasınadır. Bu, imam Zamanın (ə) ümumbəşəri hərəkatı zamanı baş verəcəkdir. Bu müddəanın nə əql ilə ziddiyyəti var, nə də vəhy məntiqi ilə.
İslam dini, eləcə də digər ilahi dinlərə görə insanın cövhərini və əsasını mücərrəd ruh təşkil edir. Ona nəfs də deyilir. Bədən çürüdükdən, fani olub aradan getdikdən sonra ruh qalır və öz əbədi həyatını davam etdirir. Digər tərəfdən, böyük Allah mütləq qüdrət sahibidir və heç bir maneə Onun qüdrətini məhdudlaşdıra bilməz.
Qeyd etdiyimiz bu iki müqəddimədən rəcət məsələsinin əqli baxımdan mümkünlüyü aydın olur. Müəyyən qədər təfəkkür etməklə məlum olur ki, insanlardan bir qrupunun həyata qaytarılması onların ilkin yaradılışından qat-qat asandır. Deməli, insanları ilk dəfə yaradan Allah, şübhəsiz, onları yenidən qaytarmağa da qadirdir.
Vəhy məntiqi əsasında rəcətin nümunələri keçmiş ümmət-lərdə mövcud olmuşdur.
Quran bu barədə buyurur:
وَاِذْ قُلْتُمْ يَا مُوسَي لَن نُّؤْمِنَ لَكَ حَتَّي نَرَي اللَّهَ جَهْرَةً فَاَخَذَتْكُمُ الصَّاعِقَةُ وَاَنتُمْ تَنظُرُونَ ثُمَّ بَعَثْنَاكُمْ مِنْ بَعْدِ مَوْتِكُمْ لَعَلَّكُمْ تَشْكُرُونَ
“Yada salın o zamanı ki, siz (yəhudilər) dediniz: Ey Musa, biz böyük Allahı aşkar şəkildə görməyincə sənə iman gətirməyəcəyik. Beləliklə, gözünüz baxa-baxa sizi ildırım vurdu. Sonra sizi, öldüyünüzdən sonra diriltdik ki, bəlkə şükr edəsiniz.” (əl-Bəqərə, 55-56)
Digər bir ayədə Hz.İsanın (ə) dilindən buyurulur:
وَ اُحْيِ الْمَوْتَي بِاِذْنِ اللّهِ
“Ölüləri Allahın izni ilə dirildirəm.” (Ali-İmran 49)
14Qurani-Kərim təkcə rəcətin mümkünlüyünü deyil, o cümlədən, bəzi insanların (qiyamətdən öncə) öldükdən sonar yenidən həyata qayıtmalarını da təsdiq edir. Buna Quranın aşağıda qeyd edəcəyimiz iki ayəsi işarə edir:
وَاِذَا وَقَعَ الْقَوْلُ عَلَيْهِمْ اَخْرَجْنَا لَهُمْ دَابَّةً مِنَ الْاَرْضِ تُكَلِّمُهُمْ اَنَّ النَّاسَ كَانُوا بِآيَاتِنَا لَا يُوقِنُونَ وَيَوْمَ نَحْشُرُ مِن كُلِّ اُمَّةٍ فَوْجًا مِمَّن يُكَذِّبُ بِآيَاتِنَا فَهُمْ يُوزَعُون
Onlara verilən əzab vədi yerinə yetdikdə onlar üçün yerdən bir canlı çıxardarıq ki, yer əhli ilə danışsın. Çünki insanlar Bizim ayələrimizə yəqinlik tapmırlar. Hər bir ümmətdən Bizim ayələrimizi təkzib və inkar edən dəstələri toplayacağımız o gün, onlar bir yerdə cəm edilər və tutulub saxlanılar. (Nəml 82-83)
Rəcət məsələsini bu iki şərif ayə əsasında isbat etmək üçün yaxşı olar ki, aşağıda qeyd edəcəyimiz məsələyə də diqqət yetirək:
1-İslam müfəssirlərinin inancına görə bu iki ayə qiyamətlə əlaqədar məsələni bəyan edir. Birinci ayədə qiyamətdən öncə baş verən hadisələrə işarə edilir. Belə ki, Cəlaləddin Süyuti özünün “Əd-dürrül Mənsur” adlı təfsirində ibni Əbi Şeybədən, o da Hüzeyfədən nəql edir ki, (ayədəki) “xürucul-dabbə” (yərdən canlının çıxması) qiyamətdən öncə baş verən hadisələrdir.( Əd-Dürrül Mənsur,c.5, səh.77, Nəm surəsinin 82-ci ayəsinin təfsirində)
2-Şübhəsiz, qiyamət günündə ümmətin arasındanmüəyyən bir qrup deyil, bütün insanlar dirildiləcəkdir. Quran qiyamətdə bütün insanların dirildilib məhşər səhnəsinə gətiriləcəyi barədə belə buyurur:
ذلِكَ يَوْمٌ مَحْمُوعٌ لَهُ النَّاسُ
“O (Qiyamət) elə bir gündür ki, bütün insanlar bir yerə toplanar.” (Hud 103, Əd-Dürrül Mənsur, c.3, səh. 349)
Başqa bir ayədə buyurulur:
وَيَوْمَ نُسَيِّرُ الْجِبَالَ وَتَرَي الْاَرْضَ بَارِزَةً وَحَشَرْنَاهُمْ فَلَمْ نُغَادِرْ مِنْهُمْ اَحَدًا
“Və (yada sal) o gün(ü) ki, dağları hərəkətə gətirərik və (o vaxt) yeri (bütün yer üzünü) hamar və aşkar görərsən. Və (o zaman) onları toplayar və onlardan birini belə yerdə qoymarıq..” (Kəhf 47)
Deməli, qiyamət günündə bütün insanlar dirildiləcəkdir və bu, hər hansı qrupa məxsus deyildir.
3-Qeyd olunan ikinci ayə isə bütün insanların deyil, müəyyən ümmətlərin arasından xüsusi bir qrupun dirildiləcəyini aşkar şəkildə bəyan edir. Çünki həmin ayədə buyurulur:
وَيَوْمَ نَحْشُرُ مِن كُلِّ اُمَّةٍ فَوْجًا مِمَّن يُكَذِّبُ بِآيَاتِنَا فَهُمْ يُوزَعُون
“Və o gün hər ümmətin arasından Bizim ayələrimizi təkzib edən bir qrupu dirildərik.”
Bu cümlə həmin gündə bütün insanların dirildiləcəyinə aşkar dəlildir.
Bu üç müqəddimədən aydın olur ki, ilahi ayələri təkzib edən insanlardan xüsusi bir dəstənin dirildilməsi ilə (bu, ikinci ayədən məlum olur) qiyamətdən öncə baş verən bir hadisəyə işarə olunur. Çünki qiyamət günündə insanların dirildilməsi bütün bəşər övladına şamildir və heç də xüsusi bir qrupla məhdudlaşmır. Deməli, bir qrup insanın qiyamət baş verməmişdən öncə dirildilməsi isbat olunur. Bu da “rəcət” adlanır. Quranın həqiqi təfsirçiləri olan Peyğəmbər (s) və onun Əhli-beyti (ə) bu barədə əlavə izahlar da vermişlər.
İmam Sadiq (ə) buyurur:
ايَّامُ اللّهِ ثَلَاثَةٌ يَوْمُ الْقَائِم وَ يَوْمُ الْكَرَّةِ وَ يَوْمُ الْقِيَامَةِ
“Allah günləri üçdür: Hz.Məhdinin qiyam etdiyi gün, rəcət günü və Qiyamət günü.”
İmam (ə) başqa bir yerdə isə belə buyurur:
لَيْسَ مِنَّا مَنْ لَمْ يُؤْمِنْ بِكَرَّتِنَا
“Bizim dünyaya yenidən qayıdışımızı qəbul etməyən şəxs bizdən deyildir.”
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər