İmam Mehdinin (ə.f) dünyaya gəlişi ilə əlaqədar sənədi səhih olan hədis varmı? |
Müəllif: Admin | Bölmə: Slide, Sual-Cavab | Vaxt: 1-01-2016, 19:32 | Şərh sayı: (0) | Baxılıb: 436
İmam Mehdinin (ə.f) dünyaya gəlişi ilə əlaqədar sənədi səhih olan hədis varmı?
İmam Mehdinin (ə.f) dünyaya gəlişi barədə sənədləri araşdırarkən görərik ki, onlar arasında sənədi səhih, həsən və müvəssəq hədislər vardır. Belə ki onlardan bəzilərinə diqqət edək: 1. Kuleyni səhih sənədlə Muhəmməd ibn Abdullah və Muhəmməd ibn Yəhyadan, onlar da Abdullah ibn Cəfər Hümeyridən nəql edirlər ki, o, belə buyurub: اجتمعت أنا والشيخ أبوعمرو؛ عند أحمد بن إسحاق فغمزنى أحمد بن إسحاق أن أسأله عن الخلف، فقلت له: يا أباعمرو! إنّى أريد أن أسألک عن شىء وما أنا بشآکٍّ فيما أريد أن أسألک عنه، فإنّ اعتقادى ودينى أنّ الأرض لاتخلو من حجّة إلّا إذا کان قبل يوم القيامة بأربعين يوماً فإذا کان ذلک رفعت الحجّة وأغلق باب التوبة... ولکنّى أحببت أن أزداد يقيناً. ثمّ قال: سل حاجتک؟ فقلت له: أنت رأيت الخلف من بعد أبىمحمّد (ص) فقال: أى واللَّه ورقبته مثل ذا، وأومأ بيده... «Mən, Şeyx Əbu Əmr, Osman ibn Səid Əmri və Əhməd ibn İshaq Fəğməzəninin yanında toplaşdıq. Əhməd ibn İshaq xələf (İmam Əskəridən (ə) sonrakı canişin) barədə soruşmağım üçün Əbu Əmrə işarə etdi. Dedim: «Ey Əbu Əmr! Bir şey haqqında sənə sual vermək istəyirəm, amma haqqında sual vermək istədiyim şey barədə şübhəm yoxdur. Şübhəsiz ki, mənim etiqadıma və dinimə görə dəlilin aradan qalxacağı və tövbə qapısının bağlanacağı Qiyamət gününə qırx gün qalsa belə, yer üzü höccətsiz ola bilməz. Lakin yəqinimi artırmaq istəyirəm». Dedi: «İstəyini soruş». Ona dedim: «Sən Əbu Muhəmməddən (İmam Həsən Əskəri) sonrakı xələfi gördün?» Dedi: «Bəli, and olsun Allaha! Onun boynu bu cür idi və əli ilə göstərdi...» («Kafi», c.1, səh.329-330) Bu hədisi səhih sənədlərlə Şeyx Səduq da nəql etmişdir («Kəmalud-din», səh.441). 2. Kuleyni səhih sənədlə Hüseyn ibn Əlanın belə buyurduğunu nəql etmişdir: قلت لأبىعبداللَّه (ع): تکون الأرض ليس فيها إمام؟ قال: لا. Əbu Abdullaha (ə) dedim: «Yer üzü imamsız ola bilərmi?» Dedi: «Xeyr» («Kafi», c.1, səh.178). 3. Kuleyni yenə də səhih sənədlə İmam Sadiqin (ə) belə buyurduğunu nəql etmişdir: إنّ الأرض لا تخلو إلاّ وفيها إمام «Həqiqətən, yer üzü İmam olmadan qala bilməz» (Həmin mənbə, c.2). 4. Kuleyni səhih sənədlə Həsən ibn Əli Vəşşanın İmam Rzadan (ə) belə soruşduğunu nəql etmişdir: الحسين بن محمد، عن معلى بن محمد، عن الوشاء قال: سألت أبا الحسن الرضا عليه السلام هل تبقى الارض بغير إمام؟ قال: لا قلت: إنا نروي أنها لا تبقى إلا أن يسخط الله عزوجل على العباد؟ قال: لا تبقى إذا لساخت «Yer imamsız qala bilərmi?» Dedi: «Xeyr». Dedim: «Həqiqətən, biz rəvayət edirik ki, yer üzü yalnız Allah bəndələrinə qəzəbləndikdə imamsız qala bilər». Dedi: «Qala bilməz, əks təqdirdə yer üzü batar» («Üsuli-Kafi», «Ənnəl-ardə lə təxlu min huccətin» babı, səh.179). 5. Kuleyni səhih sənədlə Əbu Haşim Cəfərinin belə dediyini nəql etmişdir: قلت لأبىمحمّد (ص): جلالتک تمنعنى من مسألتک فتأذن لى أن أسألک؟ فقال: سل. قلت: يا سيّدى! هل لک ولد؟ فقال: نعم. فقلت: فإن بک حدث فأين أسال عنه. فقال: بالمدينة Əbu Muhəmmədə dedim: «Sizin əzəmətiniz bir neçə məsələni sizdən soruşmağıma mane olur. Sizə sual verməyə icazə verirsinizmi?» Dedi: «Soruş». Dedim: «Ey sərvərim, sizin oğlunuz varmı?» Dedi: «Bəli». Dedim: «Əgər başınıza bir iş gəlsə, onu harada tapıb sualımı verim?» Dedi: «Mədinədə» (Həmin mənbə, c.2, səh.328). 6. Səhih sənədlə Muhəmməd ibn Əli ibn Bilaldan belə buyurduğunu nəql edir: خرج إلىّ من أبىمحمّد قبل مضيّه بسنتين يخبرنى بالخلف من بعده ثمّ خرج إلىّ من قبل مضيّه بثلاثةايام يخبرنى بالخلف من بعده «İmam Həsən Əskərinin (ə) şəhadətindən iki il əvvəl Həzrətdən bir məktub əlimə çatdı. Orada o Həzrətin canişinindən xəbər verilmişdi. Həmçinin şəhadətindən üç gün əvvəl başqa bir məktub da çatdı ki, yenə özündən sonrakı canişindən xəbər vermişdi» (Həmin mənbə, c.1). 7. Kuleyni səhih sənədlə Zürarənin İmam Sadiqdən (ə) belə eşitdiyini nəql edir: إنّ للغلام غيبة قبل أن يقوم. قال قلت: ولِمَ؟ قال: يخاف وأومأ بيده إلى بطنه، ثمّ قال: يا زرارة! وهو المنتظر وهو الّذى يشکّ فى ولادته «Həqiqətən, onun (Mehdi) qiyamından əvvəl qeyb həyatı vardır». Dedim: «Nə üçün?» Buyurdu: «Qorxur» (İmamın qeyb səbəblərindən biri də onun canının təhlükədə olmasıdır). Sonra isə əli ilə qarnına işarə edərək dedi: «Ey Zürarə! O, həmin gözlənilən şəxsdir ki, onun dünyaya gəlişi barədə şəkkə düşərlər» (Həmin mənbə, c. 5, səh.337). 8. Şeyx Səduq Davud ibn Qasim Cəfəridən tam sənədlə İmam Hadinin (ə) belə buyurduğunu nəql etmişdir: الخلف من بعدى الحسن، فکيف لکم بالخلف من بعد الخلف؟ فقلت: ولِمَ جعلنى اللَّه فداک؟ فقال: إنّکم لاترون شخصه ولايحلّ لکم ذکره باسمه. فقلت: فکيف نذکره؟ فقال: قولوا الحجّة من آل محمّد «Məndən sonra canişin Həsəndir. Canişindən sonrakı canişinə olan nisbətiniz necədir?» Dedim: «Nə üçün (necədir)? Allah məni sizə fəda etsin» Dedi: «Həqiqətən, siz onun kimliyini görməyəcəksiz və sizə onun adını çəkməyə icazə verilmir». Dedim: «Bəs adını necə çəkək?» Dedi: «Ali Muhəmmədin höccəti deyin!» («Kəmalud-din», «Kafi»)
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər