İmam Mehdinin (ə.f) xüsusi naibləri |
Müəllif: Admin | Bölmə: Slide, Məqalələr | Vaxt: 1-01-2016, 19:29 | Şərh sayı: (0) | Baxılıb: 1124
İmam Mehdinin (ə.f) xüsusi naibləri
İmam Mehdinin (ə.f) kiçik qeyb dövrü h.q 329-cu ilədək davam etmişdir. Bu 69 il ərzində o, düşmənlərdən gizli yaşasa da, özünün dörd böyük səhabəsi ilə daim əlaqə saxlamışdır. Bu dörd naib xalqın sual və problemlərini İmam Mehdiyə (ə.f), İmamın cavablarını isə onlara çatdırmışdır. Osman ibn Səid Əmri – On bir yaşından İmam Hadinin (ə) xidmətində olmuşdur. Mütəvəkkil və digər zalım hakimlərin ağır və qorxulu hakimiyyəti illərində yağ satmaq adı ilə İslam maarifinin şiələrə ötürülməsində çox böyük rol oynamışdır. Əvvəlki iki imamın vəkil və naiblərindən olan Osman İmam Mehdinin (ə.f) ilk xüsusi naibi (vasitəsiz nümayəndəsi) olmuşdur. O, h.q 300-cü ildə vəfat etmiş və Bağdadda dəfn olunmuşdur. Muhəmməd ibn Osman Əmri – Atasının vəfatından sonra İmam Mehdinin (ə.f) xüsusi naibi olmaq şərəfinə nail olmuşdur. Fiqh və hədis elmlərində bir neçə kitab yazmış, dəfələrlə İmam (ə.f) tərəfindən tərif və təsdiq olunmuşdur. Həzrət Mehdi (ə.f) onun barəsində buyurmuşdur: انه ثقتى و كتابه كتابى “O, mənim inanıb etimad göstərdiyim şəxsdir. Onun yazdığı mənim yazdığımdır”. O, h.q 305-ci il cəmadiul-əvvəl ayının sonunda dünyadan köçdü. Hüseyn ibn Ruh Novbəxti – Muhəmməd ibn Osman öz vəfatından bir müddət qabaq İmamın (ə.f) əmri ilə Hüseyn Novbəxtinin naib olacağını elan etdi. O, böyük alim, təqva və fəziləti ilə məşhur olan bir insan idi. Nəql olunmuş elmi mübahisələri onun elminin çoxluğundan və mənəvi qüdrətindən xəbər verir. Hüseyn ibn Ruh Novbəxti o qədər iradəli və dözümlü idi ki, onunla bir zamanda yaşamış alimlərdən biri deyir: “Düşmənlər onu tikə-tikə doğrasalar belə, heç zaman İmam Zamanın (ə.f) yerini bildirməz”. O, 21 il xüsusi naiblik etdikdən sonra 326-cı ildə vəfat etdi və Bağdadda dəfn olundu. Əli ibn Muhəmməd Seymuri – Onun zamanında "Kafi" kitabının müəllifi Muhəmməd ibn Yəqub Kuleyni kimi böyük elm, təqva sahiblərinin və görkəmli tədqiqatçıların olduğu halda, məhz o, İmam Mehdinin (ə.f) xüsusi naibi olmaq şərəfini qazanmışdır. Ölümündən altı gün qabaq İmam Mehdi (ə.f) ona yazdığı məktubunda ölümü barədə xəbər vermiş və böyük qeyb dövrünün başlanmasını bildirmişdir. Əli ibn Muhəmməd 329-cu il şəban ayının 15-də vəfat etmişdir.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər