Zühurdan öncə qətlə yetiriləcək “Nəfsi-Zəkiyyə” kimdir? |
Müəllif: Admin | Bölmə: Sual-Cavab | Vaxt: 29-02-2016, 09:54 | Şərh sayı: (0) | Baxılıb: 2054
Zühurdan öncə qətlə yetiriləcək “Nəfsi-Zəkiyyə” kimdir?
Hədislərdə İmam Mehdinin (ə.f) “Nəfsi-Zəkiyyə”nin qətlindən sonra zühur edəcəyi bildirilir. Belə ki İmam Sadiq (ə) buyurur: “Qaimin qiyamı Nəfsi-Zəkiyyənin qətlə yetirilməsi arasında fasilə 15 gecədən çox deyil.” [1]Şeyx Müfid deyir: “Zühur əlamətlərindən biri də Nəfsi-Zəkiyyənin 70 salehlə birlikdə Kufə yaxınlığında qətlə yetirilməsidir.” [2]
Bəzi hədislərdə qeyd edilir ki, Nəfsi-Zəkiyyə İmam Mehdi (ə.f) tərəfindən təbliğ əmri аlаn şəxsdir və bu şəxs rükn və məqam arasında şəhadətə çatacaq.” [3]
Bəziləri güman edir ki, Nəfsi-Zəkiyyə Abbasi xəlifələrindən olan Mənsurun dövründə qiyam qaldırmış Məhəmməd ibn Abdullah ibn Həsən ibn Əli ibn Əbutalibdir. Amma bu ehtimalın ziddinə bir sıra dəlillər var:
1. Hədislərdə Nəfsi-Zəkiyyənin rükn və məqam arasında öldürüləcəyi bildirilir. Məhəmməd ibn Abdullah ibn Həsən isə başqa yerdə şəhadətə çatmışdır.
2. Bəzi rəvayətlərə əsasən, İmam Mehdinin (ə.f) zühuru ilə Nəfsi-Zəkiyyənin qətlə yetirilməsi arasında 15 gecə fasilə var.
3. Məhəmməd ibn Abdullah ibn Həsən İmam Mehdinin (ə.f) mövludundan öncə qətlə yetirilmişdir.
4. Məhəmməd ibn Abdullahın niyyəti xalis olmamış, “Məqatilüt-Talibin” kitabında bildirildiyinə görə isə bu şəxs "Mehdilik" iddiasında olmuşdur. Atası onu Bəni-Üməyyənin süqutundan və Bəni-Abbas dövləti təsis olunmamış Mehdi (ə.f) kimi tanıtdırırdı.[4]
5. İmam Sadiq (ə) buyurur: “Nəfsi-Zəkiyyə” qətlə yetirildikdən sonra İmam Mehdi zühur edəcək.”[5]
[1] Əliəsğər Rizvani, Əsrin İmamı Mehdi (ə.f) ilə tanışlıq, səh/212
[2] Əl-İrşad, c/2, səh/368
[3] Biharül-ənvar, c/52, səh/307
[4] Məqatilüt-talibin, səh/174
[5] Üsuli-Kafi, c/8, səh/225,
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər