O, fitnə-fəsad atəşini söndürəcəkdir |
Müəllif: Admin | Bölmə: Məqalələr | Vaxt: 21-01-2016, 14:31 | Şərh sayı: (0) | Baxılıb: 315
O, fitnə-fəsad atəşini söndürəcəkdir
Hafiz Əbu Nəim özünün İmam Mehdi (ə.f) barəsində olan «Qırx hədis» kitabında İslam Peyğəmbərindən (s) belə nəql edir:Peyğəmbəri-Əkrəm (s) buyurmuşdur: «Dünya əhalisinin əli peyğəmbərlər əsrindən üzüləcəyi zaman fitnə-fəsad (pozğunluq, əxlaqsızlıq, zülm və insan qırğınları – mütərcim) bütün yerlərdə aşkar olacaqdır. Belə bir zamanda İmam Mehdi (ə.f) adında bir nəfər qiyam edəcəkdir (Fitnələri yatırdar və peyğəmbərlər əsri ilə övliya əsrini birləşdirmək rolunu oynayar). Onun insanlara gətirdiyi bu hədiyyə çox ləzzətlidir» (Çünki bu qiyam hər yeri əhatə edəcək və ədalət şərbəti ilə yoğrulacaq).
Qısa izah:
İnsanlar peyğəmbərlərin təlim-tərbiyəsindən nə qədər uzaq olublarsa, zülm, fitnə-fəsad, qalmaqal, müharibə və təcavüzlər bir o qədər də artmışdır. Texnikanın yüksək inkişafına baxmayaraq, insanlar arasında rəhmsizlik, xudbinlik və dünyapərəstlik qat-qat artmışdır. Dağıdıcı vasitələrdən və texniki alətlərdən istifadə edilməklə dünya dəhşətli hadisələrə doğru sürüklənir. Təcavüz və istismara məruz qalmış xalqların vəziyyəti getdikcə pisləşir. Əlbəttə, Rəhman və Rəhim olan Allah razı olmaz ki, bu aləm zalımların, insan sifətli şeytanların və qaniçənlərin cövlangahına çevrilsin.
Nəhayət, Allah tərəfindən fitnə-fəsad atəşini söndürmək üçün göndərilən İmam Mehdi (ə.f) adlı bir nəfər ədalətsizliyə son qoymaq, əmin-amanlıq, asayiş və nizam-intizam yaratmaq üçün qiyam edəcəkdir.[1]
[1] Nicat günü kitabından
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər