Moskvadan növbəti “7 rayon qaytarılsın” mesajı |
Müəllif: Admin | Bölmə: Xəbərlər | Vaxt: 9-01-2016, 11:07 | Şərh sayı: (0) | Baxılıb: 291
Moskvadan növbəti “7 rayon qaytarılsın” mesajı
Politoloq: “Bu plana görə, bəzi rayonlar bizə qaytarılacaq, Dağlıq Qarabağ isə ermənilərdə qalacaq...”
Rusiyadan yenidən işğal olunmuş Azərbaycan ərazilərinin işğaldan azad olunmasının zəruriliyi barədə mesaj verilib. Bu dəfə Rusiya-Azərbaycan Parlamentlərarası Dostluq qrupunun rəhbəri Dmitri Savelyev anoloji açıqlama ilə çıxış edib.
“Dağlıq Qarabağ münaqişəsinin nizamlanmasında ilk olaraq, ən vacib məsələ ətraf 7 rayonun azad edilməsidir”-deyə, D.Savelyev “moscow-baku.ru saytına müsahibəsində bildirib. O əlavə edib ki, Rusiya Dağlıq Qarabağ münaqişəsinin nizamlanmasında daha fəal mövqe tutmalıdır: “Bu il münaqişənin nizamlanmasında irəliləyiş əldə ediləcəyinə çox ümid edirəm. Arada müəyyən çıxılmaz vəziyyətlər yaransa da, iş düzgün istiqamətdə aparılır”.
Politoloq Arzu Nağıyev “Yeni Müsavat”a açıqlamasında bildirdi ki, ABŞ və Rusiya yenə də Dağlıq Qarabağ münaqişəsinin həllində nüfuz davasına çıxılar: “Belə ki, ATƏT-in Minsk qrupunun həmsədr dövlətləri deklarativ qərar və bəyantlardan o yana keçə bilmədikləri üçün hazırda təşəbbüsü ələ almağa çalışırlar. 7 rayonun qaytarılması məsələsi isə bir müddət əvvəl Rusiyanın xarici işlər naziri Lavrov tərəfindən də səsləndirildi. Lakin bu iddialar da bəyanatdan o yana keçmədi və hətta bundan sonra təmas xəttində və sərhəddə cəbhədə vəziyyət daha da gərginləşdi. Yəni Dmitri Savelyevin verdiyi məlumat yeni bir məsələ deyil. Bütün beynəlxalq təşkilatlar və ictimaiyyət bilir ki, Rusiya Dağlıq Qarabağ münaqişəsinin həllində əsas açar fiqurlardan biridir. Yəni bu gün Rusiya deyirsə ki, 7 rayon qaytarılmalıdır, deməli, Ermənistan hər hansı bir rolu və qərar vermək iqtidarında olmayan dövlətdir”.
A.Nağıyevin fikrincə, eyni zamanda ABŞ formatı dəyişmək naminə öz növbəsində icmaların görüşməsi təklifini irəli sürür, konqresdə dinləmələr keçirir və təşəbbüsü ələ almaqla Rusiyanın rolunu kiçiltməyə çalışır: “Bir sözlə, əsas məsələ nüfuz qazanmaqdır. Məlumdur ki, Dağlıq Qarabağ münaqişəsinin həllində əsas məsələ beynəlxalq qurumlar tərəfindən tanınan Azərbaycanın ərazi bütövlüyüdür, sonradan digər addımlar atılmalıdır. Yəni bu da Madrid prinsiplərində öz əksini tapıb. Düşünürəm ki, bizim əsas vəzifəmiz güclü ordunun formalaşdırılması və güc nümayişi vasitəsilə Ermənistani və onun havadarlarını sülh danışıqları masasına əyləşdirməkdir. Əks təqdirdə nüfuz davası və təşəbbüs naminə danışıqlar uzanacaq və bizim xeyrimizə olmayan status -kvo saxlanılacaq”.
Politoloq Hikmət Hacızadə də Moskvanın səmimiliyinə inanmır: “Rusiyanin həqiqi plani bu münaqişədə barış yaradmaq deyil, ”sülhməramli qoşunlar" adi ilə öz ordusunu Azərbaycana qaytarmaqdir. Bu plana görə bəzi rayonlar bizə qaytarılacaq, Dağlıq Qarabağ isə ermənilərdə qalacaq. Ətraf rayonlar boşaldılandan sonra ermənilərin tələbi ilə onların “təhlükəsizliyi” üçün təmas xəttinə sülhməramli qoşunlar yeridiləcək. Bu qoşunlar təbii ki, Rusiyanın qoşunları olacaq. Plan bu qədər sadədir".
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər