Azərbaycanın dini cameəsində son günlər ərzində baş verənlərin xronikası |
Müəllif: Admin | Bölmə: Xəbərlər | Vaxt: 11-11-2015, 10:37 | Şərh sayı: (0) | Baxılıb: 348
Azərbaycanın dini cameəsində son günlər ərzində baş verənlərin xronikası
İslam. az son 2 gündə dini cameədə baş verən hadisələrin xronikasını oxucuların diqqətinə təqdim edir.
7 noyabr. Axşam "Xəzər" Tv efirində Tale Bağırzadə əleyhinə süjet verildi. Süjetdə Tale Bağırzadə və onun rəhbərlik eydiyi MBH İŞİD, “Taliban”, “Boko Haram” kimi təşkilatlarla eyniləşdirilərək Azərbaycanı Suriya və İraqın vəziyyətinə salmaq istəməkdə ittiham olundu. Eyni zamanda T. Bağırzadənin bu il QMİ-nin dəvəti ilə İrandan Azərbaycana səfərə gəlmiş ayətullah N. Həmədani ilə görüşdə onun əlini öpməsi kadrları nümayiş etdirilərək xarici (konkret olaraq İran) xüsusi xidmət orqanlarına işləməkdə ittiham olundu.
****
Elə həmin axşam FB-də dindarların bu verilişə kəskin reaksiyası başladı. Dindarların əsas ittihamı bundan ibarət idi ki, bu süjetdə konkret T. Bağırzadə deyil, onun mənsub olduğu və Azərbaycanda 75% dindarların da mənsub olduğu məzhəb hədəf götürülmüş və ittiham olunmuşdur.
****
Diqqət çəkən məqam ondan ibarət oldu ki, bu süjetdən sonra Tale Bağırzadənin fikirlərini bölüşməyən dindarlar və ilahiyyatçılar da bu TV-ləri və onların sifarişçilərini kəskin tənqid edərək faktiki Bağırzadəni müdafiə etməyə başladılar
****
Elə həmin axşam FB-də anonim adlarla özünü dindar kimi təqdim edən profillər peyda oldu və dindarları sabah, 8 noyabr tarixində iğtişaşlara, hakimiyyətə qarşı çıxmağa təhrik etməyə başladı. Çağırışların anonimliyi, profillərin yeniliyi və süni aktivlik imitasiyası yaradılması, çağırışların stili deməyə əsas verdi ki, bu profillər eyni mərkəzdən idarə olunaraq dindarları təxribata çəkmək məqsədi güdür və süni qarşıdurma yaratmağa cəhd edir.
****
8 noyabr. Mətbuatda bir sıra ekspert və ilahiyyatçılar TV-lərdə hazırlanmış süjetlərin qeyri peşəkarlığı və FB-dəki qeyd olunan anonim aktivliyi nəzərə alaraq ölkə daxilində hansısa qüvvələrin dindarlardan istifadə edərək cəmiyyətdə iğtişaş yaratmağa cəhd etdiklərini elan etdilər.
*****
Qeyd olunan fikirləri Taleh Bağırzadəyə yaxın qüvvələr də yayaraq öz tərəfdarlarını heç bir aksiyaya getməməyə çağırdılar. Bu gün üçün, Şəhid Milli Qəhrəman Mübariz İbrahimovun məzarını nəzərdə tutulmuş kütləvi yürüşlə ziyarət etmə planı daha az və dağınıq formada ziyarətlə əvəzləndi.
Ziyarət aksiyaları zamanı heç bir insident yaşanmadı.
****
Baş verən hadisələrdən cəmiyyətdə nüfuzu aşağı olan müxtəlif müxalifət qüvvələrin də dividend qazanmaq cəhdləri açıq aydın sezilməyə başladı.
****
P.S. Biz yalnız hadisələrin xronikasını verdik. Hadisələrin əsil səbəb və motivləri yəqin ki, sonra bilinəcək. Lakin qeyd olunmalı bəzi həqiqətlər var.
Əvvəla, T. Bağırzadənin rəhbərlik etdiyi qruplar tərəfindən Sabunçu hadisələrində güc nümayişi cəhdi həqiqətən olmuşdu və bunu bir sıra ilahiyyatçılar da tənqid edərək qeyri məqbul adlandırdılar. Onların fikrincə bu, baş verənlərə qeyri-adekvat cavabdır və ilk növbədə dindarlar və dini durum üçün mənfi nəticələrə səbəb olur.
İkincisi, baş verən olaylara müdaxilə zamanı bəzi dövlət qurumları və media tərəfindən də qeyri-peşəkarlıq nümayiş etdirildi ki, bu da nəticədə hətta Müsəlman Birliyi Hərəkatına yaxın olmayan dindar və ilahiyyatçılarda qıcıq yaratdı. Etirazlara səbəb oldu.
Bununla belə qeyd etmək lazımdır ki, baş verən hadisələrin hansısa ciddi qarşıdurma nəticələrinə gətirib çıxara biləcəyi də mümkün deyil. Belə ki, ümumilikdə, dini cameədə radikal meyllər aşağı səviyyədədi... Əlbəttə, kimlərsə bu meyllərin inkişafı üçün şərait yaratmasa.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər