Müxtəlif ölkələrdə Həcc ziyarətinin qiyməti nə qədərdir? |
Müəllif: Admin | Bölmə: Xəbərlər | Vaxt: 2-09-2016, 22:12 | Şərh sayı: (0) | Baxılıb: 481
Müxtəlif ölkələrdə Həcc ziyarətinin qiyməti nə qədərdir?
Artıq azərbaycanlı zəvvarlardan ibarət ilk qrup Həcc ziyarətini yerinə yetirmək üçün Səudiyyə Ərəbistanına yola düşüb. Xatırladaq ki, səfərin qiyməti xidmət səviyyəsindən asılı olaraq 3500-4500 dollar arasında dəyişir. Məhz bu qiymətlərlə əlaqəli zaman-zaman müxtəlif fikirlər səsləndirilib. İslam.az öz növbəsində dünyanın müxtəlif guşələrində yerləşən bir neçə ölkədən Həcc ziyarətinə yollananların hansı məbləği ödədiklərinə dair araşdırma aparıb.Yaxın qonşumuzdan başlayaq. Türkiyə vətəndaşı Həcc əməllərini yerinə yetirmək üçün yaradılan şəraitdən asılı olaraq 3750, 5250 və ya 6800 dollar ödəməlidir. Rusiyadan yola çıxan müsəlmanlar üçün Səudiyyəyə səfər təqribən 3500 – 4000 dollar təşkil edir (Qeyd edək ki, təyyarələr Moskva, Kazan, Minvodı və ölkənin digər şəhərlərindən yola düşür).
İndi isə keçmiş Sovetlər Birliyi respublikalarına nəzər salaq. Qırğızıstanlıların müqəddəs torpaqlara səfəri orta hesabla 2500, qazaxıstanlılar üçün isə 3000 dollar təşkil edir.
Dünyanın lider dövlətlərindən olan ABŞ vətəndaşları Həcc ziyarəti üçün təqribən 8000, Böyük Britaniya vətəndaşları isə 6500 dollar ödəməlidirlər.
Afrika qitəsinin qərbində yerləşən Nigeriya müsəlmanları üçün Ərəbistan yarımadasına yolçuluq 4000 – 4500 dollara başa gəlir. Nəhayət, 30 milyonluq əhalisinin 60 faizdən çoxunu müsəlmanlar təşkil edən Malayziyada Həcc ziyarətinin qiyməti təqribən 4000 dollar təşkil edir.
Qeyd: Ziyarəti təşkil edən turistik agentliklərdən asılı olaraq qiymətlər cüzi dərəcədə fərqlənə bilər.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər