Həcc ziyarəti də bahalaşır |
Müəllif: Admin | Bölmə: Xəbərlər | Vaxt: 11-01-2016, 18:40 | Şərh sayı: (0) | Baxılıb: 225
Həcc ziyarəti də bahalaşır
Azərbaycandan bu il Həcc ziyarətinə gedəcək zəvvarların səfərinin təşkili ilə bağlı Qafqaz Müsəlmanları İdarəsinin (QMİ) nümayəndə heyəti yanvarın sonunda Səudiyyə Ərəbistanına səfər edəcək. QMİ-dən APA-ya verilən məlumata görə, səfərin məqsədi ziyarətlə bağlı təşkilatı məsələlərin Səudiyyə Ərəbistanının Həcc Nazirliyi ilə müzakirə olunmasıdır.
Fevralın 10-dan sonra isə Azərbaycanda builki Həcc ziyarəti ilə bağlı sənədlərin qəbuluna start veriləcək.
Builki Həcc ziyarətində səfər xərclərinin əvvəlki illərə nisbətən artacağı da bildirilir. Buna səbəb kimi manatın dollara nisbətdə bu il kəskin ucuzlaşması göstərilir. Ziyarət xərcləri isə artıq ötən ildən ABŞ dolları ilə hesablanır.
Qeyd edək ki, ötən ildən azərbaycanlı zəvvarların səfər xərclərinin ABŞ dolları ilə aparılmasına başlanılıb. Ötən Həcc ziyarəti zamanı daha yaxşı şəraitli hotellərdə qalmaq, bahalı yeməklərlə təmin olunmaq, o cümlədən hotellərdə 4 nəfərlik otaqlarda yerləşmək 5750 dollar, nisbətən ucuz şəraitli, 6 nəfərlik otaqlı hotellərdə qalmaq isə 4700 dollar olub. Ötən il Azərbaycandan Həcc ziyarətinə 2400 zəvvar gedib, onlardan 3-ü Məkkədə dünyasını dəyişib və orada dəfn olunub.
Azərbaycanda Həcc ziyarətinə sənəd qəbulunu yalnız QMİ aparır.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər