Hamilə gecələrin bic balaları və yaxud analoqsuz ölkə olmağın "üstünlüyü" |
Müəllif: Admin | Bölmə: Xəbərlər | Vaxt: 12-01-2016, 23:59 | Şərh sayı: (0) | Baxılıb: 298
Hamilə gecələrin bic balaları və yaxud analoqsuz ölkə olmağın "üstünlüyü"
Axır günlər yatırsan durursan bir "filfilo möcüzəsi" səni salamlayır. Day indi "sabahın xeyir" əvəzinə adamın qulağı bir loxəbərə müntəzir. Həbib də Almaniyada oturub amadədi ölkədə nə pis iş var reklam eləsin. Nə Həbiblə işimiz var, nə də onun "qəh...rəmanlığına" müntəzirik. Azarımız budu ki, day bu qədər də yox da... təzyiqi adamı aldığı lo və şad xəbərlərdən "rezki" insult, infarkt, parez və yaxud da ən azından komaya ən qısa yolla çatdıra bilər. Deməyə ehtiyac var ki, belə etməyin, eləməyin? Amma var.Məsələçün, Ucarda, Sabirabadda piket olur, götürüb adam balası adam kimi bunu yazırlar ki, adamlar bahaçılıqdan narazılıq edir, əmbə Lənkəranda piket olanda, ayağı altında müavinlərinin qara qoçu ağ qoçla qoşa-qoşa qurban kəsdikləri Taleh Qaraşov açıqlama verir... deməzsənmi, bu alkaşların işidi, "poxmel"lərini öldürmək üçün "buyanit".
Xəbəri də hamıdan qabağa kim düşüb rəsmən yaysa yaxşıdı? Lənkəranlı. Analoqsuz ölkə bə nətəri olur? Sonra da durub iqtidar politotloqlarını qınayırlar ki, bə bu "analoqsuz ölkə" termini hardan çıxdı? Əvvəla, Lənkəranda araq davası heç vaxt döyülməz. Bineyi-qədimdən burası məlum. İkincisi də ki, dədəle nətəri "razqon" götürübsə, "bulanıq suda" - etiraz qarışıqlığında icra başçısını "dost" tutmaq istəyib.
Nə isə, keçək məmləkətin ərzi-halına. Çün məmləkətdə baş verənlərlə müqayisədə Lənkərandan əldə olunan analoqsuz açıqlama çox xırda nəmənə.
Deməli, millət "çörək vay, araq vay" derkən, qəfil xəbər gəlsin ki, kartlarsız da spritli içki almaq olar. Terminallar da ki, öz yerində.
Demişdim də, bu "alkokart"ın tətbiqi bir elə faciəli dəyil. Olsa nə ziyanı, olmasa nə ziyanı. İndi həm olacaq, həm də olmayacaq. Di hı... gedin zəhərlənin.
Düzəldi hər işiniz?
Dərd bu deyil. Dərd hər gələn gecənin "hardansa" hamilə qalıb, sabah-sabah "bic balaları"yla bizi salamlamasıdı. Dünən bir, bu gün iki...
Amma və lakin, bu dərd olsa da, dərdin yüngülüdü. Dərdin ağırı mənim canım qədər sevdiyim manatın hələ bir altı ay da dollarla, yevroyla savaşda qələbə ehtimalının sıfıra bərabər olmasıdı. Bir qəpiklik iqtisadçımız olmadığından, beş qəpiklik astroloqlarımızın manata fal açarkən ölkəm qədər sevdiyim manatı bu miskinlikdə görməkləri çox naqolay.
Fəqət... bu elə bir ağrı ki, ən yaxşı bədii əsəri oxumaqla da, ən gözəl mahnını dinləməklə də, ən güclü filmə baxmaqla da adamın kafasından getmir. Hətta dünyanı sənə unutduran ən gözəl qadın sənindirsə belə, manatın belə uduzması və belə üzməsi onu da sənin ağuşundan alıb atacaq uzaq sahillərə, necə ki artıq nə qədər işçini çölə atıb, nə qədər müəssisə bağlanıb, nə qədər obyektin fatihəsi oxunub, nə qədər... nə qədər... nə qədər..., əlqərəz.
Ancaq və lakin mən nə müxalifətçilər kimi höküməti, nə də iqtisadçılar kimi hansısa iqtisadi qanunauyğunluğu qəsd edib etiraz mitinqinə qoşulmuram - bu gün dünyaya meydan oxuyan Almaniyada inflyasiya milyon faizə çatırdı düz yüz il qabaq.
Sadəcə, ölkəni bir analoji vəziyyətə gətirmək lazımdı ki, problem yarananda həlli məlum düsturlarla həyata keçirilsin. Yoxsa ki analoqsuz təyiniylə... belə hamilə gecələr hələ bizi çox bic balalarıyla analoqsuz vəziyyətdə qoyacaq!
Məndən analoqsuz bu qədər demək, bundan artığı analojiyə gəlir.
Yoxsa ki, camaat araq üçün mitinqə qalxıb. Taleh Qaraşov dedi, biz də yedik...
musavat.com
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər