Müsəlmanlar xristianları terrorçulardan necə qorudu... |
Müəllif: Admin | Bölmə: Xəbərlər | Vaxt: 22-12-2015, 03:29 | Şərh sayı: (0) | Baxılıb: 258
Müsəlmanlar xristianları terrorçulardan necə qorudu...
“Düşmən xristianların bir neçəsini öldürdük...”
Somalinin “Əş-Şəbab” terrorçu qruplaşması Kenyaya məxsus avtobusa silahlı hücum edib. Hücum zamanı 2 nəfər öldürülüb. 4 nəfər isə yaralanıb. Terrorçular müsəlman sərnişinlərdən xristianları ələ verməyi tələb ediblər. Ancaq müsəlmanlar terrorçuların əmrini yerinə yetirməkdən imtina ediblər.
Bu barədə “Reuters” xəbər agentliyi məlumat yayıb. Agentlik bildirib ki, eyni ərazidə keçən il “Əş-Şəbab” terrorçu qruplaşması tərəfindən 28 nəfər qeyri-müsəlman edam edilmişdi.
Hadisə zamanı sərnişinlərin arasında olan Abdi Məhəmməd Abdi “Reuters”ə deyib ki, 10 nəfər terrorçu avtobusu ələ keçirmişdi: “Öncə onlar avtobusu gülləbaran etmişdi. Qışqıraraq deyirdilər ki, müsəlmanlar xristianlarlardan ayrılıb bir kənara çəkilsinlər. Ancaq müsəlmanlar terrorçuların bu əmrini yerinə yetirməkdən imtina etdilər”.
O daha sonra əlavə edib: “ Biz xristianlara müsəlmanlara xas olan əşyaları ötürdük ki, terrorçular xristianları seçə bilməsinlər. Biz sıxlaşaraq bir yerdə dayandıq. Terrorçular bizi hədələdilər ki, hamınızı güllədən keçirəcəyik. Ancaq biz öz bacı və qardaşlarımızı yalqız qoymadıq. Sonda onlar çıxıb gedəsi oldular. Gedərkən dedilər ki, tezliklə geri dönəcəyik”.
Agentlik qeyd edir ki, bəzi hücumlar zamanı isə “Əş-Şəbab” müsəlman və qeyri-müsəlmanlara fərq qoymadan hər kəsi güllələyib.
Agentlik bu xəbəri “Əş-Şəbab”ın mətbuat katibi Şeyx Əbdüləziz Abu Musabla da dəqiqləşdirib. Terrorçuların sözçüsü deyib ki, bəli, biz düşmən xristianların bir neçəsini öldürdük, bir neçəsini isə yaraladıq. Somalinin Müdafiə Nazirliyi isə bu məsələyə münasibət bildirmək istəməyib.
“Əş-Şəbab” bir daha bəyan edib ki, Somali rəsmilərinin yeritdiyi siyasətə etiraz edirlər və rəsmi Moqadişo Afrika Birliyindən öz hərbi kontingentini geri çəkməyənə qədər bu kimi hücumlar davam edəcək.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər