Putindən Türkiyəyə çox ağır ittiham: "O çəlləklərdə qanımız var" |
Müəllif: Admin | Bölmə: Xəbərlər | Vaxt: 27-11-2015, 14:05 | Şərh sayı: (0) | Baxılıb: 360
Putindən Türkiyəyə çox ağır ittiham: "O çəlləklərdə qanımız var"
"İŞİD terror təşkilatı Suriyada ələ keçirdiyi ərazilərdə çıxardığı nefti Türkiyəyə daşıyaraq satır. Enerjidaşıyıcılarının qanunsuz dövriyyəsi artıq sənaye miqyasına çatıb".
Milli.Az RT-yə istinadən bildirir ki, Rusiya prezidenti Vladimir Putin Moskvada Fransanın dövlət başçısı Fransua Ollandla keçirdiyi birgə mətbuat konfransında belə deyib.
Onun sözlərinə görə, aerokosmik kəşfiyyat zamanı əldə olunmuş məlumatlar aşkar göstərir ki, İŞİD Suriyadan nefti Türkiyəyə daşıyır.
"Neft haradansa başqa yerdən yox, məhz bu ərazilərdən daşınır. Biz də o maşınların haraya yönləndiklərini havadan görürük. Neft daşıyan avtomobillər gecə-gündüz Türkiyəyə gedir. Terrorçuların neftinin Türkiyədə məhv olunduğu barədə deyilənlərə şübhələnirəm. Əgər Türkiyənin hakimiyyət dairələri o nefti məhv edirlərsə, yandırırlarsa, biz yandırılan neftin tüstüsünü görmürük", - V.Putin söyləyib.
Rusiya prezidenti İŞİD-in qanunsuz neft ticarətinin rəsmi Ankaranın xəbəri olmadan aparıldığına da inanmadığını deyib: "Fərz edirik ki, Türkiyənin ali siyasi rəhbərliyi bu barədə heç nə bilmir. İnanmaq çətin olsa da, nəzəri baxımdan bu, mümkündür. Əgər Türkiyə rəhbərliyi heç nə bilmirsə, qoy bilsin. Ola bilər ki, orada korrupsiya, sövdələşmə elementləri var - qoy özləri araşdırsınlar".
Rusiya prezidenti daha sonra bildirib ki, terrorçular Suriyada hasil edib satdıqları neftin pullarını terror aktlarının maliyyələşdirməsinə yönəldirlər.
O, Parisdəki teraktları və Rusiyanın "Airbus A321" sərnişin təyyarəsinin Misir səmasında partladılmasını xatırladıb.
"Bununla bağlı BMT Təhlükəsizlik Şurasının xüsusi qətnaməsi var ki, sənəd terrorçulardan neft almağı birbaşa yasaqlayır. Terrorçuların daşıdıqları çəlləklərdə sadəcə, neft deyil. Orada vətəndaşlarımızın qanıdır. Çünki terrorçular həmin pullara silah, sursat alır, sonra qanlı aksiyaları gerçəkləşdirirlər", - V.Putin deyib.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər