Ərdoğan: "Putin mənə mərd adam deyirdi" |
Müəllif: Admin | Bölmə: Xəbərlər | Vaxt: 2-12-2015, 23:42 | Şərh sayı: (0) | Baxılıb: 246
Ərdoğan: "Putin mənə mərd adam deyirdi"
Parisdə keçirilən iqlim sammitindən Qətərə rəsmi səfərə gedən Türkiyə prezidenti Rəcəb Tayyib Ərdoğan təyyarədə Türkiyə ilə Rusiya arasında olan gərginliyi şərh edib.
Ixlas.Az anspress-ə istinadən xəbər verir ki, Ərdoğan Putinin onun barəsində mərd, cəsur, dürüst dövlət adamı və s. bu kimi fikirlər səsləndirdiyini bildirib. "Putin mənim barəmdə hər zaman müsbət fikirlər səsləndirib. Mənimlə bağlı bütün bəyanatları mənim mərdliyim və cəsurluğum barədə olub. Dürüst dövlət adamı olmağım barədə də bir çox sözü var. Xüsusilə bizim Berluskoni, Şröder və onunla keçirdiyimiz üçtərəfli və dördtərəfli görüşlərdə mənim barəmdə həmişə bu istiqamətdə sözlər deyib".
Rusiyanın hadisələrə hissi yanaşdığını deyən Türkiyə prezidenti onların nümayiş etdirdiyi davranışın diplomatik olmadığını vurğulayıb. Ərdoğan həmçinin rəsmi Moskvanın o dəqiqə sanksiyalardan danışmasının xoş bir hərəkət olmadığını bildirib.
"Hamı Rusiyaya qarşı sanksiya tətbiq edəndə Türkiyə bu yola getməyib. Onlar bizim strateji ortağımızdır. Biz onlara ərzaq verəcəyik dedik, amma onların elədiklərinə baxın. Biz ərzaq məhsulları almayacağıq deyir və biznesmenlərimizə əziyyət verirlər. Bunlar dövlətin ciddiyyətinə yaraşmayan hərəkətlərdir. Türkiyə bu istiqamətdə öz əsalətini mühafizə edir. Biz onlarla eyni dili danışmayacağıq. Biz diplomatik dildən istifadə edirik və onların da dillərini dəyişdirmələrini gözləyirik".
Jurnalistlərdən birinin gərginlik son həddə çatarsa, Türkiyədəki rusların deportasiya olunub-olunmayacağı barədə sualına Ərdoğan bu cür hərəkətin Türkiyəyə və türklərə yaraşmayacağını deyərək belə bir şey olmayacağını deyib.
Noyabrın 24-də Türkiyə hərbi aviasiyasına aid "F-16" qırıcıları bu ölkənin Suriya ilə sərhədində Rusiyanın "SU-24" hərbi qırıcısını vurub. Rusiya təyyarəsinin Türkiyənin hava sərhədini pozduğu bildirilir. Qarşı tərəfə 30 saniyəlik intervalla 10 dəfə xəbərdarlıq olunmasına baxmayaraq "SU-24"ün pilotu bunlara məhəl qoymayıb. Bu hadisədən sonra iki ölkə arasında gərginlik yaranıb. Hər iki ölkənin prezidenti və dövlət rəsmiləri hadisədən sonra bir-birlərinə qarşı kəskin ittihamlarla çıxış edib.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər