Kəffarə |
Müəllif: Admin | Bölmə: Sual-Cavab | Vaxt: 16-06-2016, 18:37 | Şərh sayı: (0) | Baxılıb: 367
Kəffarə
Sual: Kəffarə nədir?Cavab: «Kəffarə» «küfr» sözündən olub örtmək mə`nasını bildirir. Dini terminologiyada «kəffarə» ibarətdir: baş vermiş müəyyən günaha görə sədəqə vermək, qurban kəsmək və ya bu kimi digər şər`i bir iş görmək.
Kəffarə günahın tə`sirini aradan qaldırıb, onu insandan uzaqlaşdırdığı üçün ona «kəffarə» deyilir. Kafir insan da Allah, qiyamət, nübüvvət və bu kimi həqiqətləri inkar etdiyi və özündən uzaqlaşdırdığı üçün «kafir» adlanır. Kəffarə bütün şəriətlər və dinlərdə ilahi üsullara zidd hərəkətlərin qarşısını almaq üçün həyata keçirilir. Onun mühüm tə`sirlərindən biri də Allah-təalanın razılığını qazanmaq və Onun qəzəbini soyutmaqdır.
Kəffarə bir neçə növə bölünür: müəyyən, müxəyyər, mürəttəb, və müxəyyər, həmçinin cəm kəffarə. Bunların hər birinin mə`nası və aid olduğu sahələr qarşıda açıqlanacaqdır.
Sual: Cəm kəffarəsi nədir?
Cavab: Bir qul azad etmək, iki ay oruc tutmaq, altmış yoxsulu yedirtmək kəffarələrinin hər üçünü yerinə yetirmək cəm kəffarəsi adlanır. Bu kəffarə iki yerdə həyata keçirilir: İnsan öz orucunu haram bir işlə batil etdikdə və günahsız müsəlmanı qəsdən öldürdükdə.
Qeyd: Dövrümüzdə qul və quldarlıq olmadığı üçün yuxarıda qeyd olunmuş iki kəffarə birgə həyata keçirilməlidir.
Sual: Oruc kəffarəsi neçə növdür?
Cavab: Oruc kəffarəsi 4 növdür:
1. Ramazan ayında qəsdən orucu yemək kəffarəsi; qul azad etmək; iki ay oruc tutmaq və altmış yoxsulu yedirtmək.
2. Zöhrdən (günortadan) sonra ramazan ayının qəza orucunu qəsdən pozmağın kəffarəsi; on yoxsulu yedirtmək və imkan olmadıqda üç gün oruc tutmaq.
3. Müəyyən nəzir orucunun kəffarəsi: ramazan ayında qəsdən oruc yemək kəffarəsi kimi. Bə`ziləri (Təbrizi və Vəhid) onun kəffarəsini and kəffarəsi bilirlər və bu kəffarə qul azad etmək, on yoxsulu yedirtmək və ya on yoxsulu geyindirməkdir. İmkan olmadıqda isə üç gün oruc tutmaqdan ibarətdir.
4. E`tikaf gününün oruc kəffarəsi: ramazan ayında qəsdən oruc yeməyin kəffarəsi kimi.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər