Müstəhəb oruc |
Müəllif: Admin | Bölmə: Sual-Cavab | Vaxt: 10-06-2016, 20:12 | Şərh sayı: (0) | Baxılıb: 524
Müstəhəb oruc
Sual: İnsan səfərdə müstəhəb oruc tuta bilərmi?Cavab: İmam Xomeyni, Xamenei və Nuri: Xeyr, səfərdə müstəhəb oruc tutmağa icazə yoxdur. Mədinə istisnadır. Orada duaların qəbul olmasından ötrü 3 gün müstəhəb oruc tutmağa icazə var və oruc tutmaq üçün 3-cü, 4-cü və cümə günləri seçilməlidir.
Behcət, Safi və Fazil: Xeyr, səfərdə müstəhəb oruc tutmağa icazə yoxdur, yalnız Mədinədə istəklərin qəbul olması üçün 3 gün müstəhəb oruc tuta bilər və oruc tutmaq üçün 3-cü, 4-cü və cümə günlərini seçmək yaxşıdır.
Təbrizi, Sistani, Məkarim və Vəhid: Xeyr, səfərdə müstəhəb oruc tutmağa icazə yoxdur; yalnız Mədinə istisnadır. İstəklərin qəbul olması üçün orada 3 gün müstəhəb oruc tutmağa icazə var və vacib ehtiyat budur ki, oruc tutmaq üçün 3-cü, 4-cü və cümə günləri seçilsin.
Sual: Qəza orucu olan şəxs müstəhəb oruc tuta bilərmi?
Cavab: Bütün müctəhidlərin rə`yi: Xeyr, qəza orucu olan şəxsin müstəhəb oruc tutmasına icazə verilmir.
Sual: Oruc kəffarəsi olan şəxs müstəhəb oruc tuta bilərmi?
Cavab: İmam Xomeyni, Təbrizi, Xamenei və Nuri: Xeyr, oruc kəffarəsi olan şəxsin müstəhəb oruc tutmasına icazə yoxdur.
Safi, Fazil, Məkarim və Vəhid: Vacib ehtiyata əsasən, oruc kəffarəsi olan şəxsin müstəhəb oruc tutmasına icazə yoxdur.
Behcət və Sistani: Bəli, oruc kəffarəsi olan şəxsin müstəhəb oruc tutmasının eybi yoxdur.
Sual: Cənabətli olan insan sübh azanından sonra qüsl edib müstəhəb oruc tuta bilərmi?
Cavab: Bütün müctəhidlərin rə`yi: Bu halda müstəhəb oruc tutmağın eybi yoxdur və belə oruc düzdür.
Sual: Dost yemək təklif edərsə, müstəhəb oruc tutan şəxsin hökmü nədir?
Cavab: Bütün müctəhidlərin rə`yi: Orucu açmaq müstəhəbdir.
Sual: Müstəhəb orucu batil etmək olarmı?
Cavab: Bütün müctəhidlərin rə`yi: Bəli, eybi yoxdur. Amma (zöhrdən) günortadan sonra olarsa məkruhdur.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər