İstimna |
Müəllif: Admin | Bölmə: Sual-Cavab | Vaxt: 4-06-2016, 18:12 | Şərh sayı: (0) | Baxılıb: 1176
İstimna
Sual: İstimna nədir?Cavab: Bütün müctəhidlərin rə`yi: İnsanın özü və ya başqası ilə gördüyü iş nəticəsində ondan sperma gələrsə, bu iş istimna sayılır. İstimna haramdır və sperma xaric olduqda cənabət qüslü vacib olur.
Sual: Əgər bir şəxs ramazan ayında orucunu qəsdən istimna etməklə batil edərsə, hökmü nədir?
Cavab: Bütün müctəhidlərin rə`yi (Xamenei, Sistani və Safidən başqa): Qəzadan əlavə, vacib ehtiyata əsasən, «cəm kəffarə» (60 gün oruc və 60 yoxsula təam vermək) ödəsin.
Safi: Qəzadan başqa, gərək cəm kəffarə ödəsin.
Xamenei və Sistani: Qəzadan əlavə kəffarə də vardır və müstəhəb ehtiyata əsasən, cəm kəffarə ödəməlidir.
Sual: Cavanlıq dövründə bə`zən ramazan ayında istimna edirdim, amma onun haramlığından xəbərim yox idi. Orucu batil etməsini bilmirdim. Vəzifəm nədir?
Cavab: İmam Xomeyni, Safi və Nuri: Əgər nadanlıq elə bir həddə olmuşsa ki, orucun batil olma ehtimalını verməmisiniz, kəffarə vacib deyil; amma vacib ehtiyata əsasən, istimna etdiyiniz günləri qəza etməlisiniz.
Təbrizi və Vəhid: Gərək istimna etdiyiniz günlərin orucunu qəza edəsiniz. Amma kəffarə vacib deyil.
Sistani: Kəffarə ödəmək vacib deyil. Əgər nadanlıq elə bir həddə olmuşsa ki, orucun batil olmasını da ehtimal verməmisiniz, həmin halda orucların qəzası da vacib deyil.
Behcət, Xamenei və Fazil: Əgər nadanlıq elə bir həddə olmuşsa ki, orucun batil olma ehtimalını verməmisiniz, onda kəffarə vacib olmaz. Amma istimna etdiyiniz günlərin orucunu qəza etməlisiniz.
Məkarim: Vacib ehtiyata əsasən, istimna etdiyiniz günlərin qəzasını yerinə yetirin. Amma kəffarə vacib deyil.
Sual: Bir şəxs ramazan ayında sperma xaric etmək qəsdi olmadan özü ilə oynayarsa və xəbəri olmadan ondan sperma xaric olarsa, orucu batildirmi?
Cavab: Bütün müctəhidlərin rə`yi: Əgər öncədən ehtimal versə ki, bu işlə ondan sperma xaric olacaq, orucu batildir.
Sual: Əgər sperma xaric etmək qəsdi ilə özü ilə oynasa və sperma xaric olma həddinə çatmasa, orucu batildirmi?
Cavab: İmam Xomeyni, Xamenei və Fazil: Xeyr, orucu batil deyil.
Behcət, Safi, Məkarim, Nuri: Əgər sperma xaric etmək məqsədi ilə özü ilə oynayarsa, sperma gəlməsə də, orucu batil olar.
Təbrizi: Əgər sperma xaric etmək məqsədi ilə özü ilə oynayarsa, ondan sperma gəlib-gəlməməsinə baxmayaraq gərək orucu tamamlasın və ramazan ayından sonra qəza etsin.
Sistani və Vəhid: Əgər sperma xaric etmək qəsdi ilə özü ilə oynasa (sperma gəlməməsinə baxmayaraq) vacib ehtiyata əsasən, orucu tamamlasın və ramazan ayından sonra qəza etin.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər