Mirzə Sakit: Avropanı özünüzə güldürməyin |
Müəllif: Admin | Bölmə: Xəbərlər | Vaxt: 26-12-2015, 13:21 | Şərh sayı: (0) | Baxılıb: 259
Mirzə Sakit: Avropanı özünüzə güldürməyin
Belçikada mühacir həyatı yaşayan satirik şair Mirzə Sakit Hollandiyada eyni statusda olan həmvətəni və həmkarı Fikrət Hüseynlinin ona verdiyi cavaba cavab olaraq redaksiyamıza yeni yazısını götürüb. Bu yazını da verir və tərəflədən mübahisə apararkən etik qaydalara riayət etmələrini tələb ediik.
Qeyd edək ki, bu mübahisələr Mirzə Sakitlə mühacir jurnalist Elbəyi Həsənlinin arasında olan inbox yazışmalarının Facebooka çıxarılmasından başlayıb. Hər iki şəxs iddia edir ki, bu yazışmalar saxtalaşdırılıb. Şair Mirzə Sakit isə hesab edir ki, onları gözdən salmaq məqsədi ilə bu hərəkəti Hollandiyada mühacir olan Fikrət Hüseyinli törədib. Bu iddianın qarşılığında F. Hüseynli cavab haqqından istifadə edərək, musavat.com-da yazı dərc etdirib. İndi isə Mirzə Sakit həmin cavaba münasibət bildirən yazısını yollayıb.
Mirzə Sakitin Fikrət Hüseynliyə ünvanladığı yazı belədir:
...Ay bala, cənab Mark facebooku yaratdı ki, insanlar bir-biri ilə sağlam ünsiyyət qursunlar, dünyada baş verənləri oxusunlar, maariflənsinlər, gerizəkalılar tənəzzüldən qurtulub tərəqqiyə doğu addımlasınlar...
Mark müəllim nə biləydi axı eşşək palanı tikənlər gəlib onun yaratdığı texnikanı biabır gününə qoyacaqlar… Zatən palançılıq ayıb peşə olmasa da, amma və lakin naşı palançılıqla sivil dünyanın yaratdığı bu gözəl texnikanın içinə burnunu nə soxusan axı...
Ay bala, indi dünya dəyişib, bu sənin üçün dağda mal otarmaq deyil haa, bir şeyə yamaq vurursansa da elə yama ki, kənardan hiss olunmasın, sənin vurduğun yamağın tikişləri yeddi min kilometrdən bilinir, sapları da sallağ-sallağ... Bilmirəm hansı materilla yamayırsansa ya parçan zaydı, ya iynən, ya da elə çox güman ki, özün zaysan..
Ay bala, bax bir söz də deyim sənə, o yamağı görən dostların var haa, konkret olaraq “Yurdçu” dostların, yəqin ki, onlar da o yamağın çoox keyfiyyətsiz olduğunu görüblər, bə onlardan birinin vicdanı olmadımı sənə irad tutub deyələr ki, səndən yamağçı çıxmaz… Axı onlar da, sən də süsənli-sünbüllü, tər bənövşəli vətənimizdə azadlığın, haqqın-ədalətin bərpa olmasını istəmirdinizmi? Bəs nədən o “haqq carçıları”nın birində cəsarət olmadı deyə ki, ay uşaq sən hələ nohura qələm sancırsan, sən nə bilirsən yamağ nədi...
Ay bala, o zad var ee, “Azərbaycan saatı” verilişi… bax sən o verilişdə əlində də qələm tutub demokratiyadan, plüralizmdən, ədalətdən elə göyçəkcəsinə danışırsan ki, heç elə bil sapları sallanan o yamaqçı sən deyilsən… Demokratiya yazığın nə günahı var ki, sən ondan danışırsan, bəyəm demokratiya bir şairlə bir jurnalistə şər-qaryaxma deməkdimi… Əgər sənin və sənin o yöndəmsiz yamağına balıq kimi susan dostlarının aləmində demokratiya şər-şəbədə deməkdirsə də o zaman Hafiz Hacıyev sizdən mərfətli adam imiş ki..
Ay bala, deyirsən ki, şair yamanca pul hərisidi, yəni ki, puldan ötrü ölür ee, “sino gedir”... Yoldaş yamaqçı, şair puldan ötrü “sino getsəydi” və pula hər şeydən ali bir gərək kimi baxsaydı sən bilən bu yaşında şairin bu qürbət eldə nə ölümü var idi axı… Elə vətəndəcə pul əldə edə bilməzdimi, bir halda ki, deyirsən pulgirdi şair. Pulgir üçün də puldan başqa heç bir müqəddəslik yoxdu… Bax şair 5 uşaqla, 7 nəfərlik külfəti ilə əyilmədi, şairin cibinə kişi kimi dostlar pul da qoyublar, bunu da ayıb hesab edənlər çox yaramaz və “svoliç” adamlardılar... Şair külfətinin yaşaması üçün kimlərdənsə borc da ala bilər… Amma sənin bir xirtdəyin var onu da ora-bura yamaq vurmaqla yenə doydura bilmirsən, ey bədbəxt yamaqçı… Və xatırladım ki, bu dəfə yamaq vuranda orda əlavə et: Mən heç vaxt "Qadoy alım" sözünü işlətmirəm, işlətdiyim söz "Qadooyalım"dı, ay ağılsız cocuğ...
Ay bala, yaxşı tutaq ki, deyirsən mənim o ilmələri süzülüb-tökülən yamaqdan xəbərim yoxdu… Bəs xəbərin yoxdusa da o yamağın altında yazılan kommentlərin arasında zəhrin çatlaya-çatlaya nə vurnuxursan, niyə özünə əl qatıb şüvənlik edərək hamını inandırmağa çalışırsan ki, yox bu yamaq super yamağdı, tayı-bərabəri yoxdu… Deyirsən ki, görmürsünüzmü “Elbəyi-Mirzə ittifaqı” Avropada və dünyada yaşayan azərbaycanlıların hamısını təhqir edib... Vicdanlı və Mark qağanın feysbukundan mütəxəsis kimi anlaqlı adamlar orda yazıb sənə bildirirlər ki, ay nohura qələm sancan mərdimazar, bu yamaq dünyanın ən əbləh və sarsaq yamağıdı… Sən isə altdakı üstəki kommentlər arasında girinc günə qalaraq tər dabanından axa-axa hamıya sübut etmək istəyirsən ki, yox ee bu yamaq beynəlxalq dərəcəli diploma layiq görülmüş yamaqdır… Xeyir ola a bala, yamağını niyə tərifləyirsən axı, camaatı kor bilmisənmi...
Ay bala, türmədə “Krıtiy işverənlər” (Adları pis səsləndiyindən burda açıq yazmıaram) var… Sənin Avropada yaşayıb Avropanın sivilizasiyasını dərk və qəbul etmək anlayışın heç vaxt olmayacaq, sən çalış türmədəki o “Krıtiy işverənlər”lə saziş imzala və onlarla əməkdaşlığa başla… Həə bir də onu deyim, şairin kitab nəşri və nəşrin harada olmasını, nəşr olunan məkanda şair kiminləsə görüşəcəksə bu səni çoxmu maraqlandırır… Sən və sənin o qondarma “Dağlıq Qarabağ Respublikası” kimi olan dostların bəs deyirdiniz bu hakimiyyət insanların şəxsi həyatlarına burnunu soxur, bəs sən burnunu hara soxursan, ay saxta yamağçı… Bax iki dəfə “Azadlıq” qəzetinə yazı göndərdim amma dərc etmədilər, dedilər ki, dərc edə bilmərik, çünki bizim demokratiyamız vaxtı keçmiş xəmir kimi qıcqırıb ləyənin qırağlarından axıb-tökülür, dedilər biz “Azərbaycan saatı”nda hakimiyyətə qarşı üsyana keçib gözlərindəki tükü götürmək istəyirik, amma özümüzün gözümüzdəki tirlər imkan vermir ki, dünya düzənində baş verənləri olduğu kimi görək...
Ay bala, özünüzü Avropaya güldürməyin, gedin səmərəli işlərlə məşğul olun… Avropa Məhkəməsindəki işimin uğurundan mənə bir az pul-kompensasiya ayırıblar, yetimin əlində qoğal görüb dillənən kimi ikidən-bir bunu nə hallandırırsınız, ay yamaqçılar, o qədər dərdim-sərim var ki o pul heç yüzdə beşini ödəməz… bir də ki, o puldan kimə nə qədər verəcəyəmm, ya verməyəcəyəm sən mənim cib büdcəmin rəsmi nəzarətçisisənmi a bala...
Həə son olaraq a bala, deyim ki, həyatınızı yamağçılığa həsr etmisinizsə də heç olmasa bu sahədə bir az püxtələşin, şiliyi sallanan yamağına susan o “haqq carçıları” dostlarına da de ki, vicdanlarını axtarıb tapsınlar, hakimiyyətə qarşı nəsə yazmaq, nəsə demək hələ vicdanlı olmaqlarından xəbər vermir… Vicdan çox gözəl və gərəkli müqəddəslikdir, cənab “Yevro-Yamaqçı”...
musavat.com
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər