"Qarabağda müharibə istənilən an genişmiqyaslı xarakter ala bilər" |
Müəllif: Admin | Bölmə: Xəbərlər | Vaxt: 28-04-2016, 15:30 | Şərh sayı: (0) | Baxılıb: 690
"Qarabağda müharibə istənilən an genişmiqyaslı xarakter ala bilər"
ABŞ kəşfiyyatının kölgəsi kimi tanınan "Stratfor" Qlobal Analitik Mərkəzinin təhlilçiləri Dağlıq Qarabağ münaqişəsi ilə bağlı proqnozlarını açıqlayıb.Ixlas.Az anspress-ə istinadən bildirir ki, təhlilçilər yazırlar ki, münaqişə bölgəsindəki son hadisələr göstərir ki, vəziyyət hər an gərginləşə bilər.
"Cəbhə xəttində son 20 ilin ən böyük toqquşmalarından 3 həftəyə yaxın bir müddət keçir. Atışma səngisə də, siyasi bəyanatların verilməsi davam edir. Rusiya, Türkiyə, eləcə də Qərb münaqişənin həlli ilə bağlı diplomatik səyləri gücləndirir".
"Stratfor" analitikləri son həftələr ərzində bölgəyə səfərlər edənlərdən, Rusiya və Türkiyənin bəyanatlarından da yazırlar.
"Azərbaycan gərginliyi müvəqqəti artırdı, ancaq daha böyük müharibəyə çevrilməsinə imkan vermədi. Bu strategiya Bakının geniş strateji maraqlarına xidmət edir - böyük regional oyunçuların diqqətini çəkməklə, münaqişənin danışıqlar yoluyla həlli perspektivini gücləndirdi. Bununla Bakı siyasi baxımdan status-kvonu uğurla sınağa çəkdi", - deyə qeyd edirlər.
Nəşr danışıqların "Madrid prinsipləri"nə əsaslandığını yazır. "Ancaq yekun razılaşma yolunda böyük əngəllər dayanır. Əsas əngəl isə İrəvanın Dağlıq Qarabağda status-kvonu saxlamaq istəyidir. Ermənistan prezidenti Sarkisyan son toqquşmaların sülh sazişi şansını azaltdığını da etiraf edib".
"Stratfor"un proqnozlərına görə, danışıqlar yenidən bərpa oluna bilər. "Sarkisyanın çıxışından belə nəticə çıxarmaq olmaz ki, danışıqlar bərpa olunmayacaq. Ancaq hətta əgər Ermənistan hökuməti Moskvanın təzyiqinə tabe olsa və bəzi güzəştlərə razılaşsa belə, Dağlıq Qarabağın hazırkı statusunun dəyişdirilməsinə getməyəcək. Bu məsələyə ermənilər o qədər emosional və siyasi yanaşırlar ki, bu hökumətə hətta devrilmə təhlükəsi yaradar".
Təhlilçilər növbəti həftələrdə Dağlıq Qarabağ prpbleminin həlli ilə bağlı diplomatik danışıqların güclənəcəyini düşünürlər. "Münaqişənin həllində nüfuza sahib olan regional oyunçular tərəflərə sülh danışıqlarına görə təzyiq göstərəcək. Ancaq yaxın perspektivdə münaqişənin hətta qismən həlli mümkün görünmür. Çünki sazişi əngəlləmək istəyən maraqlı tərəflər var. Dağlıq Qarabağda münaqişənin qızışması ehtimalı qalacaq ki, bunun da təsiri bu kiçik mübahisəli ərazinin sərhədlərini xeyli aşır. Belə məqamda Dağlıq Qarabağ münaqişəsi istənilən an qızışa bilər".
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər