Stalinin 11 qeyri-adi zarafatı... |
Müəllif: Admin | Bölmə: Xəbərlər | Vaxt: 25-01-2016, 23:29 | Şərh sayı: (0) | Baxılıb: 285
Stalinin 11 qeyri-adi zarafatı...
İosif Stalin xüsusi yumor hissinə malik olub. O, həm də çox hazırcavab imiş. Hərdən öz qərarlarını və hökmlərini yumorla bildirirmiş. Bu yumoru eşidənlər isə o an qorxudan gülüş hissindən çox uzaq olublar.Qaziler.az Rusiya mətbuatına istinadən bu zarafatları təqdim edir:
1. ”Pobeda” avtomobilinin işlənib hazırlanması zamanı onun “Vətən” adlandırlması nəzərdə tutulubmuş. Bu barədə eşidən Stalin istehzalı şəkildə soruşur: “ Yaxşı, bizim Vətən neçəyə olacaq?”
Avtomobilin adı dərhal dəyişdirilir.
2. Bir dəfə Stalinə çatdırırlar ki, bəs marşal Rokosovskinin məşuqəsi var və o, məşhur gözəl aktrisa Valentina Serovadır. İndi biz onlarla neyləyəcəyik?
Stalin ağzından qəlyanı çıxararaq bir az düşündükdən sonra deyir:
-Neyləyəcəyik, neyləyəcəyik...həsəd aparacağıq!
3. Artilleriya sisteminin konstruktoru V.Q.Qrabin deyirmiş ki, 1942-ci il ərəfəsində Stalin onu yanına çağırır və soruşur:
-Sizin topunuz Rusiyanı xilas etdi. İndi siz nə istəyirsiz- Sosialist Əməyi Qəhrəmanı, yoxsa Stalin mükafatı?
-Mənimçün fərqi yoxdur, yoldaş Stalin.
Hər ikisini verirlər.
4. İkinci Dünya Müharibəsi zamanı Baqramyanın komandanlığı altında olan qoşun hissələri hamıdan qabaq Baltik dənizinə gedib çıxır. Erməni general şəxsən özü butulkanı Baltik dənizinin suyundan doldurub adyudantına verərək Moskvaya, Stalinə göndərir. O, təyyarə ilə yola düşür. Adyutant yolda olarkən almanlar əks hücuma keçərək Baqramyanı Baltik sahillərindən atırlar. Adyutantın Moskvaya gəlişinə qədər artıq bu barədə məlumat olsa da o, bu bunu bilmirdi. Çünki təyyarədə radio yox idi. Beləliklə, məğrur adyutant Stalinin kabinetinə daxil olaraq pafosla, təntənə ilə bildirir:
-Yoldaş Stalin, general Baqramyan sizə Baltik dənizinin suyundan yollayıb!
Stalin butulkanı alıb əlində bir neçə dəqiqə fırlayaraq adyutanta qaytarır və deyir:
-Bunu qaytar Baqramyana, de ki, hardan götürüb qaytarıb töksün yerinə.
5. 1939-cu ildə “Qatar şərqə gedir” filminə baxırmışlar. Qatar gedir və dayanacaqda dayanır...
-Bu hansı dayanacaqdı? –deyə Stalin soruşur.
-Demyanovka.
-Bax, burda mən düşürəm, - deyən Stalin zaldan çıxır.
6. Kömür sənayesi naziri postuna namizədlik müzakirə edilirmiş.
Şaxtalardan birinin direktoru olan Zasyadkonun namizədliyini irəli sürürlər. Kimsə etiraz edir:
- Hər şey yaxşıdır, lakin o spirtli içki aludəçisidir.
- Onu mənim yanıma çağırın, - Stalin deyir.
Zasyadko gəlir. Onunla söhbət zamanı Stalin içki təklif edir.
- Məmnuniyyətlə, - deyən Zasyadka stəkana araq süzür:
- Sizin sağlığınıza, yoldaş Stalin! – deyərək içir və söhbətinə davam edir.
Stalin onu diqqətlə müşahidə edərək ikincini təklif edir. Zasyadka ikinci stəkanı da birnəfəsə başına çəkir. Stalin üçüncünü təklif edəndə onun müsahibi stəkanı kənara itələyib deyir:
- Zasyadka həddini bilir.
Razılaşırlar. Siyasi Büronun iclasında yenidən nazir namizədliyi məsələsi qaldırılarkən onun içki aludəçisi olduğu bir daha vurğulanır. Stalin qəlyanla var-gəl edərək deyir:
-Zasyadka həddini bilir!
Beləliklə, Zasyadka uzun illər kömür sənayesinə rəhbərlik edir...
7. Bir general-polkovnik vəziyyətlə bağlı Stalinə məruzə edir. Ali baş komandan bundan çox razı görünür və hətta iki dəfə razılıq əlaməti olaraq başını tərpədir. Məruzəni bitirən hərbi rəis susur. Stalin soruşur: “Siz yenə nəsə demək istəyirsiz?”
“Bəli, mənim şəxsi xahişim var. Almaniyada olarkən mənimçün maraqlı olan bəzi əşyalar almışdım. Lakin nəzarət məntəqəsindən onları buraxmadılar. Əgər mümkündürsə xahiş edərdim onlar mənə qaytarılsın”.
“Mümkündür. Raport yazın, mən əmr verərəm”.
General-polkovnik əvvəlcədən hazırlanmış raportu cibindən çıxarır. Stalin əmr verir. Xahiş edən dönə-dönə təşəkkür edir.
“Minnətdarlığa ehtiyac yoxdur”, - Stalin deyir.
Raportdakı əmrdə: “Polkovnikə onun köhnə-kürüşü qaytarılsın. İ.Stalin”, sözlərini oxuyan general Stalinə müraciət edir: “Burada səhv var, yoldaş Stalin. Mən polkovnik yox, general-polkovnikəm”.
“Yox, burada hər şey düz yazılıb, yoldaş polkovnik”, - Stalin cavab verir.
8. 1938-ci ildə admiral İ.İsakov Hərbi-Dəniz Donanması xalq komissarı müavini idi. 1946-cı ildə Stalin onu yanına çağırır və deyir ki, İsakovun Baş Dəniz Donanmasının, yəni bu ildən adı dəyişdirilən Hərbi Dəniz Donanmasının baş qərargah rəisi təyin etməklə bağlı fikir var.
İsakov cavab verir: “Yoldaş Stalin, sizə bildirməliyəm ki, məndə çox çiddi nöqsan var: mənim bir ayağım amputasiya olunub”.
“Bu sizin məlumat verməyi lazım bildiyiniz yeganə çatışmayan cəhətinizdir?”
“Bəli”, - admiral təsdiqləyir.
“Bizdə əvvəlki qərargah rəisi başsız idi. Belə də, işləyirdi. Sizdə ancaq ayaq yoxdur; bu, qorxulu deyil”, - Stalin söhbəti bitirir.
9. Müharibədən sonra Stalin öyrənir ki, professor K. Moskva ətrafında bahalı bağ evi tikdirib. O, professoru yanına çağırıb soruşur: “Bu doğrudur ki, siz neçə minəsə bağ evi tikdirmisiz?”.
“Doğrudur, yoldaş Stalin”, - professor etiraf edir. “Uşaq evi bu bağı onlara hədiyyə etdiyinizə görə sizə təşəkkür edir”, - deyə Stalin bildirir və onu Novosibirskə müəllimlik etməyə göndərir.
10. 1936-cı ilin payızında Qərbdə İosif Stalinin ağır xəstəlikdən vəfat etdiyi barədə şayiə yayılır. “Associated Press” agentliyinin müxbiri Çarlz Nitter informasiyanı səhih mənbədən öyrənməyi qərara alır. O, Kremlə gedir və Stalinə belə bir sual olan məktub yollayır: bu şayiəni təsdiq, yoxsa inkar etməli?
Stalin jurnalistə dərhal çcavab verir: “Lütfkar əlahəzrət! Xarici mətbuatdan mənə məlumdur ki, mən artıq çoxdan bu günahkar dünyanı tərk edib o dünyaya köçmüşəm. Xarici mətbuata isə inamsız yanaşmaq olmaz. Əgər siz sivilizasiyalı insanlar siyahısından silinmək istəmirsinizsə, xahiş edirəm bu məlumata inanın və mənim o tərəfdəki sakitlikdə rahatlığımı pozmayın.
26 oktyabr,1936-cı il. Hörmətlə İ.Stalin”.
11. Stalin Bədii Teatrda tamaşaya baxmağa gedir. Stanislavski onu qarşılayır, əlini ona uzadaraq əsl soyadını deyir: “Alekseyev”.
“Cuqaşvili”, - Stalin də öz soyadını deyib, onun əlini sıxır və öz kreslosuna tərəf gedir.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər