Nə üçün İmam Mehdi (ə.f) orta əsrlərdə dünyaya gəlib? |
Müəllif: Admin | Bölmə: Sual-Cavab | Vaxt: 15-01-2016, 11:39 | Şərh sayı: (0) | Baxılıb: 341
Nə üçün İmam Mehdi (ə.f) orta əsrlərdə dünyaya gəlib?
Sual: Bir insan uzaq gələcəkdə bir işi reallaşdıracaqsa, onun uzaq keçmişdə dünyaya gəlməsinin nə mənası var?
Cavab: Bəzən belə bir sual verirlər ki, əgər Allah-taala bəşəriyyətin tarixinin sonunda dünyanı ədalətlə doldurmağı iradə etmişdirsə və bu işi icra etmək üçün ilahi bir rəhbərə ehtiyac duyulursa, həmin şəxsin dünyada ədalətli hökumətin qurulmasından əvvəl dünyaya gəlməsinin nə anlamı var? Nə üçün İmamı (ə.f) ona ehtiyac duyulan zamanda yaratmır?
Bu suala cavab vermək üçün aşağıdakı məsələlərə göz gəzdirək:
Əqli və nəqli dəlillərdən istifadə edərək deyə bilərik ki, yer üzü heç zaman Allahın vəlisi, höccəti olmadan qala bilməz. Bu həm “təşri”, həm də “təkvini” feyz səbəbindəndir. Bu məsələni öz yerində sübuta yetirməyə çalışacağıq.
Yeni elm bu mətləbi istisnasız sübut edir ki, aləm tədrici hərəkət əsasında sona çatmaqdadır. Bu mətləb Allahın qüdrəti ilə ziddiyyət təşkil etməsin deyə, hər bir şey tədrici hərəkətə malikdir. Necə ki Allah-taala yer və göyləri bir anda deyil[1], altı günə yaratdı[2]. Görəsən, Allah onları bir anda yaratmaqda aciz idimi? Nə üçün bir insanın nütfəsi ana bətnində doqquz ay qalaraq öz təbii şərtlərinə uyğun hərəkət etməlidir ki, normal fiziki quruluşa malik bir insana çevrilsin? Dünyada ədalətli hökumətin qurulmasının da hökmü həmin cürdür. Allah-taala həmin zamanın işlərini qabaqcadan tədarük görür.
İntizarın fəlsəfəsi ilə çox əlaqəlidir. Yəni varlığı məlum olan, lakin qeyb həyatını yaşayan bir kəsi gözləmək, onun intizarında olmaq, hələ yaranmamış və gələcəkdə dünyaya qədəm qoyacaq bir kəsi gözləyib, onun intizarını çəkməkdən daha dəqiq və məntiqlidir.
[1]Bəzən sual verirlər ki, Allah-taala hər şeyi bir anda yarada bilməzdimi? Bu, onun qüdrətinin natamamlığı demək deyilmi? Əslində bir dəvə iynənin ucundan keçə bilmirsə, nöqsan Allahın qüdrətində deyil, bəlkə dəvənin vücudunun yekəliyindədir ki, iynənin deşiyindən keçə bilmir. Və ya iynənin deşiyindədir ki, dəvənin keçməsi üçün böyüyə bilmir.
[2]Yer və göylərin altı günə yaranması da onların qüdrətinin altı gün ərzində yaranmaya ehtiyac duyulmasındadır. Varlıq hərəkətə, tədrici inkişafa ehtiyaclıdır. Altı gün dedikdə özümüz üçün təyin etdiyimiz zaman sistemi nəzərdə tutulmur. Ola bilər ki, Quranda qeyd edilən bir gün anlamı biz bildiyimiz milyonlarla ili əhatə etsin.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər