Yaxşılıq etmək, pis əməllərdən çəkinmək və insanlar arasında sülh yaratmaq barəsindəki andlarınıza Allahı (Allahın adını) hədəf (dəstavüz) etməyin! Allah eşidən və biləndir! (Bəqərə surəsi,ayə 224)

-
İmam Hüseyn (ə.s) buyurur: Çox and içməkdən çəkin. Çünki insan dörd səbəbə and içir: 1. Özündə kiçiklik və nöqsan hiss etdiyi üçün çalışır ki,and içməklə xalq onun sözünü təsdiq etsin. 2. Sözünü sübut etməkdə acizdir və öz məqsədinə çatmağa görə and içir.
3. Xalqın töhməti,ittihamı qarşısındadır.Belə fikirləşir ki,and içməsə onun sözünü qəbul etməyəcəklər.4. Boş yerə and içməyə adət edib. (Əl-Hüseyn,səh 164)

-
İmam Sadiq (ə.s): Allaha, doğru da olsa, yalan da olsa and içməyin. Çünki Allah-taala buyurmuşdur: «Allahı öz andlarınıza vasitə etməyin. (əl-Kafi,cild 7, səh.434)

-
Allah Təala buyurur: Mən öz rəhmətimi yalandan and içən şəxsə şamil etmərəm. (Səvabul-Əmal,səh 261)
-
Allahın Peyğəmbəri (s.a.v.v) buyurur: Yalandan and içməkdən çəkinin.Çünki bu iş evləri sakinsiz qoyar.
(Səvabul-Əmal, səh.270, hədis 3)
-
İmam Sadiq (ə.s): Məcburən yalandan and içmək özündən sonra qalan övladlara yoxsulluq gətirər. (Biharul-Ənvar, cild 104, səh.209, hədis 19)
-
İmam Əli (ə.s) buyurur: Zalıma and içdirmək istəyən vaxt ona «Mən Allahın qüvvət və qüdrətindən uzaq olum!» dedizdirərək and içirdin.Çünki əgər yalandan buna and içmiş olsa çox tez zamanda cəzasına çatar. Ancaq «And olsun Allaha Ondan başqa Allah yoxdur» desə Allah cəza verməyə tələsməz.Çünki Allah Təalanı vahidliyi ilə mədh edibdir.(Nəhcül Bəlağə,hikmət 253)