Avropa 100 il əvvəlki problemi yenidən yaşayır |
Müəllif: Admin | Bölmə: Xəbərlər | Vaxt: 18-01-2016, 07:50 | Şərh sayı: (0) | Baxılıb: 211
Avropa 100 il əvvəlki problemi yenidən yaşayır
Almaniyada yeni il şənliklərindən sonra miqrantlar əleyhinə etirazlar artıb. Hətta sağçı qruplar hökumətə qarşı ciddi tələblər irəli sürür, miqrant axının dayandırılmasını, hətta gəlmələrin geri göndərilmələrini tələb edirlər.Əslində müəyyən mənada haqlı tələbdir. Çünki ortada ciddi, narahatlıq doğuran faktlar var. Məsələn Azadlıq radiosunun məlumatına görə, yalnız yeni il gecəsi Almaniyada 500 qadına miqrantlar tərəfindən seksual zorakılıq, təcavüz edilib. Köln şəhəri polisi isə hazırda 331-i seksual təcavüz olmaqla, 652 şikayəti araşdırır. Bunların demək olar ki, hamısında cinayəti törədən miqrantlardır.
Alman poilisinin və dövlət məmurlarının rəqəmlərinə şübhə ilə yanaşanlar da var. Hətta bunun Merkelə qarşı siyasi təzyiq vasitəsi olduğunu iddia edənlər də çoxdur. Amma Avropaya gedən tanışlar da yalnız Almaniya da deyil, bütövlükdə qitədə vəziyyətin heç də yaxşı olmadığını söylәyirlәr.
Əslində məsələ çox sadədir. Burda mədəniyyət fərqindən də danışmaq olmaz. Çünki Avropada milyonlarla Afrikalı, Asiyalı müsəlman yaşayır. Onlar son 100 ildə müxtəlif zamanlarda Avropaya yerləşmiş insanlardır və bir qismi Avropa cəmiyyətinə inteqrasiya olunub. Təbii ki, olmayan böyük bir kütlə də var. Bu haqda bir qədər sonra.
Amma bu gün Avropada miqrant cinayətlərinin bir səbəbi var – müharibə. Liviya, Suriya kimi qanlı, qəddar müharibə bölgələrindən axışaraq Avropaya yerləşən bu insanlar özləri ilə birlikdə savaşın dəhşət və travmalarını da gətiriblər. 2007-ci ildə Suriyaya gedəndə birinci gün mənə dedilər ki, gecə çox gec vaxtlarda fələstinlilərin yaşadığı məhəllələrdə ehtiyatlı ol. O zaman Suriya çox əmin-aman bir ölkə idi, gecənin istənilən zamanında küçədə rahat dolaşa bilirdin. Amma mənə xəbərdarlıq edənlər fələstinlilərin yaşadığı məhlələrdə gecələr dava-dalaş, soyğun, bıçaqlaşma hallarının olduğunu bilirdilər. O zaman Suriya sabit ölkə idi, amma fələstinlilər taravmalı, savaşın ağırlığını üzərlərində gəzdirən, hər kəsə qəzəbli insanlar idilər.
İndi eyni taleyi suriyalılar yaşayır. Suriyalılar Almaniyada etidkləri zorakılıqların 100 qat daha dəhşətlilərinə öz ölkələrində şahidlik ediblər. Üstəlik, keçirdikləri məhrumiyyətlər və Avropada əldə etdikləri imtiyazlar hamısı birləşəndə o insanların böyük çoxluğunun psixologiyasına mənfi təsir göstərir.
Hər nə qədər humanizm aktı hesab olunsa da, düşünürəm ki, kütləvi qaçqın axını və Avropaya insaların köçməsi çıxış yolu deyil. Birincisi, Avropaya gedib çıxan çox az bir qismdir, daha böyük sayda insanlar hələ də ölkələrində və qonşu dövlətlərin ərazlәrində çətinlikdədir. Onların vəziyyətinin düzəldilməsi üçün lazımı siyasi, maddi, humanitar və sair yardımlar kompleks şəkildə olmalıdır. Suriyada münaqişənin həll olunması, daha yaxın ərazidə toplanan milyonlarla insanın təhsil, sağlıq və sair kimi məişət problemlərinin həlli daha vacibdir.
Avropa bir dəfə 20-ci əsrdə müstəmləkələrini itirən zaman gəlmə böhranı yaşayıb. Yaxın Şərqdə, Afrikada Fransa koloniyalarında xidmət edən insanlar koloniyaların müstəqillik əldə etməsindən sonra qaçaraq Britaniya, Fransa kimi müstəmləkə mərkəzlərinə pənah apardılar. Amma o zamankı Avropa cəmiyyətləri (bu gün olduğu kimi – K.R.) kütləvi şəkildə gələn afrikalı və müsəlmanları qəbul etməyə hazır deyildi. Bu səbəbdən də Əlcəzairdən, Mərakeşdən və başqa müstəmləkələrdən Fransaya sığınan insanlar Paris kənarında düşərgələrə yerləşdirildilər. Bu insanlar artıq 3-cü nəsil olmalarına baxmayaraq böyük ölçüdə Fransa cəmiyyətinə inteqrasiya olunmayıblar. Vaxtaşırı Fransa cəmiyyətində bu problem özünü büruzə verir. Və problem bu gün də aktualdır.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər