Azərbaycanda ilk dəfə: Nardaranda qadın polislər |
Müəllif: Admin | Bölmə: Xəbərlər | Vaxt: 1-12-2015, 18:52 | Şərh sayı: (0) | Baxılıb: 384
Azərbaycanda ilk dəfə: Nardaranda qadın polislər
Bu gün səhər saatlarından hüquq-mühafizə orqanları tərəfindən Naradaranda növbəti əməliyyat keçirilib.
Daxili İşlər Nazirliyinin, Daxili Qoşunların və nizami polis hissələrinin məhdud sayda xüsusi texnikası, şəxsi heyəti qəsəbəyə daxil olub, müəyyən edilmiş yerlərdə postlar qoyulub və hazırda xüsusi əməliyyat zonasında Baş Prokurorluğun, Daxili İşlər və Milli Təhlükəsizlik nazirliklərinin istintaq-əməliyyat qrupu fəaliyyət göstərir.
Milli.Az-ın əldə etdiyi məlumata görə, əməliyyat zamanı DİN əməkdaşları sakinlərə qarşı olduqca həssas davranıblar. Belə ki, qəsəbə sakinləri olan qadınları kişi polis əməkdaşları əvəzinə xanım əməkdaşları yoxlayıblar.
Azərbaycanda hüquq-mühafizə orqanlarının indiyədək həyata keçirdikləri əməliyyatlar arasında ilk dəfədir ki, xanım polislər genişmiqyaslı nəzarət yoxlama proseslərinə cəlb olunublar.
Qeyd edək ki, dünya təcrübəsində xüsusi təyinatlı polislər əməliyyata gedərkən onlar arasında ancaq kişilər olur, qadınlar belə əməliyyatlara cəlb olunmurlar. Ancaq DİN Nardaran sakinlərinə anlayışlı yanaşdığı üçün orada keçirilən əməliyyata xanım polisləri də cəlb edib.
Ceyhun Ələkbərov
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər