Nardaranda əməliyyat keçirilib, ölən və yaralananlar var |
Müəllif: Admin | Bölmə: Xəbərlər | Vaxt: 26-11-2015, 20:24 | Şərh sayı: (0) | Baxılıb: 1220
Nardaranda əməliyyat keçirilib, ölən və yaralananlar var
Bakıda xüsusi əməliyyat keçirilib.
İslam.az-ın APA-ya istinadən verdiyi xəbərə görə, Bakının Nardaran qəsəbəsində keçirilən əməliyyat zamanı hüquq-mühafizə orqanları əməkdaşları müqavimətlə qarşılaşıblar. Nəticədə atışma olub. Baş verən atışma zamanı ölən və yaralananların olduğu bildirilir.
Əməliyyat zamanı bir neçə nəfər saxlanılıb.
Sabunçu rayon Polis İdarəsindən APA-ya əməliyyat keçirildiyini təsdiqləyiblər.
Baş Prokurorluğun mətbuat xidmətindən APA-nın sorğusuna cavab olaraq bildirilib ki, baş vermiş insidentlə bağlı prokurorluq tərəfindən müvafiq araşdırmalar aparılır, nəticəsi barədə ictimaiyyətə məlumat veriləcək.
Azadliq.org hadisə nəticəsində iki nəfərin həlak olduğu haqda xəbər verir. Sayt həmçinin Hacı Taleh Bağırzadənin saxlandığı haqda məlumat yayıldığını bildirir. Nardaran ağasaqqalı Hacı Natiq Kərimov AzadlıqRadiosuna hadisənin baş verməsini təsdiqləyib. Amma dəqiq məlumatı olmadığını bildirib: "İndi mən özüm Bakıdayam. Elə xəbəri telefonla mənə bildirdirlər. Dəqiq bilmirəm nə və nə üçün baş verib".
Sabunçu Rayon Prokurorluğundan “Qafqazinfo”ya Nardaran qəsəbəsində əməliyyat keçirilməsi haqda xəbər təsdiqlənib.
Baş Prokurorluğun Mətbuat Xidmətinin rəhbəri Eldar Sultanov “Qafqazinfo”ya açıqlamasında bildirib ki, qeyd edilənlərlə bağlı Baş Prokurorluq tərəfindən müvafiq araşdırmalar aparılır. İctimaiyyətə məlumat veriləcək.
Sabunçu Rayon Xəstəxanasından "Qafqazinfo"ya verilən məlumata görə, hadisədən sonra 3 nəfər xəstəxanaya gətirilib.
İslamazeri.az saytının xəbərinə görə, ilahiyyatçı Zülfüqar Mikayılzadə də həbs olunub.
"Qafqazinfo"nun əməkdaşları hazırda Sabunçu xəstəxanası kimi tanınan 3 saylı şəhər Klinik Xəstəxanasındadırlar. Buraya gətirilən 3 nəfərin yaxınları və polis əməkdaşalrı hazırda xəstəxananın qarşısındadır.
APA-nın hazırda xəstəxananın qarşısında olan əməkdaşı xəbər verir ki, xəstəxanaya çatdırılan zaman həlak olan şəxs polis əməkdaşıdır. Məlumata görə, hadisə nəticəsində daha bir neçə polis əməkdaşı yaralanıb. Bildirilir ki, əməliyyat zamanı polisə silahlı müqavimət göstərilib.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər