"Azərenerji" 250-yə yaxın işçisi ilə müqaviləni uzatmadı |
Müəllif: Admin | Bölmə: Xəbərlər | Vaxt: 20-01-2016, 20:33 | Şərh sayı: (0) | Baxılıb: 257
"Azərenerji" 250-yə yaxın işçisi ilə müqaviləni uzatmadı
"Azərenerji" Açıq Səhmdar Cəmiyyəti (ASC) kütləvi ixtisarların aparıldığı və ixtisara düşən işçilərə kompensasiya ödənilməməsi barədə bəzi KİV-də yayılan məlumatlara münasibət bildirib.“Azərenerji” ASC-nin mətbuat xidmətindən verilən məlumata əsasən, son illər həyata keçirilmiş məqsədyönlü tədbirlər nəticəsində enerji sistemi yenidən qurulub və modernləşdirilib, maddi-texniki baza müasirləşdirilib.
"Bu zaman yeni və müasir texnika və texnologiyalar tətbiq edilib ki, bu da hər bir işçidən müvafiq biliklər, yüksək peşə hazırlığı tələb edir. Səhmdar cəmiyyətin tabeçiliyində olan müəssisələrdə çalışan, lakin ixtisas və bilik səviyyəsi bu tələblərə cavab verməyən 250 nəfərədək işçi ilə ötən ilin sonunda başa çatan əmək müqaviləsinin müddəti uzadılmayıb, onların hər birinə, mövcud əmək qanunvericiliyinə əsasən, müvafiq kompensasiya ödənilib.
“Azərenerji” ASC ixtisas və bilik səviyyəsi enerji sisteminin müasir texnoloji tələblərinə və idarəetmə prinsiplərinə cavab verən mütəxəssislərin müsabiqə əsasında işə qəbulunu davam etdirir", - deyə məlumatda bildirilir.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər