Qənaət rejimi dövründə idman yarışlarına yanaşma necə olacaq? |
Müəllif: Admin | Bölmə: Xəbərlər | Vaxt: 13-01-2016, 22:35 | Şərh sayı: (0) | Baxılıb: 285
Qənaət rejimi dövründə idman yarışlarına yanaşma necə olacaq?
Belə olan təqdirdə, ictimaiyyətdə ən çox müzakirə edilən mövzulardan biri də qarşıdan gələn “Formula 1” yarışları ilə bağlıdır. Hökumət qənaət rejimi dövründə bu tipli beynəlxalq yarışları dayandırmalıdırmı?
Məsələ ilə bağlı musavat.com-a deputat Zahid Oruc danışıb. O, bildirib ki, insanların hazırkı şəraitdə bu kimi beynəlxalq yarışlara devalvasiya konteksində yanaşması təbiidir və anlaşılandır: “Burada əlahiddə bir məqam yoxdur. Təbii ki, münasibətlər dəyişkəndir və nisbi xarakter daşıyır. Bir il öncə bəlkə də bir çoxları bunu normal sayardılar. Bununla belə, indi cəmiyyətdə insanlar hər bir məsələyə qarşı həssas olublar. Azərbaycanda vəsaitləri özünə çəkən istənilən tədbir insanlarda qıcıq doğura bilər. Lakin məsələnin başqa bir tərəfi də budur ki, bəyəm I Avropa Oyunları devalvasiyanın səbəbidir? Bu, doğru yanaşma deyil. İqtisadiyyat hansısa bir rels üzərində qurulursa, o resursdan müəyyən dövr asılı olursa və bu hal sönəndə özünün təsirlərini hiss etdirəcəkdir. Hazırkı şəraitdə insanlar istənilən vəziyyəti sanki rentgen şüasından keçirərək, qiymətləndirirlər. Baxın, I Avropa Oyunlarının yarış stadionları və onun çevrəsində qurulan digər infrastrukturlar da bura gələn idmançılarla birlikdə xarici ölkələrə getməyib ki..? Sadəcə olaraq, indi fəal bir şəkildə o stadionları özəlləşməyə açmaq, idarəetmələrə vermək və ondan faydalanmaq gərəkdir”.
Z.Oruc bildirib ki, böhran vəziyyətində əvvəlki dövrdə sərf olunan vəsaitlərin “ölü kapital”dan azad edilməsi, durumdan çıxmaq üçün açar rolunu oynaya bilər: “Formula 1” bəlkə də Azərbaycan cəmiyyətində olmasa da, Avropa məkanında uzun bir tarixi olan, hər zaman da cazibədar olub, böyük tamaşaçı auditoriyası toplayan yarışdır. Bu yarış üçün müxtəlif yerlərə gedib, orada vəsaitlər xərcləyən adamlar var. Müxtəlif ölkələrdə bu rəqəmlər də fərqlidir. Məndə olan məlumata görə, “Formula 1” yarışına yönələn vəsaitlər çox da böyük deyil. Kimsə bunun 12, hətta 300 milyon olduğunu söyləyir. Ancaq belə deyil. Hesab edirəm ki, burada xərclər aşağıdır və bunu da fərqli formada qarşılamaq imkanları var. Yəni burada müxtəlif qurumlar var ki, bu işin koordinasiyasını həyata keçirlər və əldə etdikləri tamaşaçı kütləsindən də qazanmaq istəyərlər. Belə olan təqdirdə, dövlət yükü bu qüvvələrlə, müxtəlif menecment qurumları ilə paylaşa bilər. O cümlədən, keçirilməsi nəzərdə tutulan Şahmat Olimpiadası üçün də söylədiklərim keçərlidir”.
Z.Oruc daha sonra bildirib: “Hazırda vətəndaşlarımızın kredit borclarının, süni və ya təbii qiymət artımlarının səbəbinin “Formula 1” olduğunu düşünmürəm. Sosial psixologiya elə qurulub ki, insanlar daha əvvəl müsbət kontekstdə gördüyü bir şeyə sonradan mənfi formada yanaşa bilirlər. Ancaq qənaət rejimində bir neçə manatın qorunması naminə dünya üçün çox normal qarşılanan bir tədbirdən kənarda qalmaq da doğru deyil”.
musavat.com
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər