Yalançı mehdilərin iddialarının qəbul olunmasına zəmin yaradan səbəblər |
Müəllif: Admin | Bölmə: Slide, Məqalələr | Vaxt: 15-01-2016, 12:02 | Şərh sayı: (0) | Baxılıb: 393
Yalançı mehdilərin iddialarının qəbul olunmasına zəmin yaradan səbəblər
Yalançı mehdilərin iddialarının qəbul olunmasına zəmin yaradan səbəblərYalançı rəhbərlik iddiasında olanların camaat tərəfindən qəbul olunması məsələsi bütün dövrlərin aktual mövzusu olmuşdur. Hətta canmaatın yalançı iddiaçıları rəhbər kimi qəbul etmələri o həddə yetimişdir ki, məsum imamlar öz hədislərində də bunlara işarə etmişlər. İmam Baqirin (ə) nəql etdiyi hədisdə hər iddiaçının havadarı olması məsələsi öz əksini tapır:
لَیسَ مِن أَحَدٍ إِلَی أَن یَخرُجَ الدَّجَّالُ إِلَّا سَیَجِدُ مَن یُبایِعُه
“Onunla beyət edəcək fərdləri tapmayıncaya qədər və Dəccalın zühurunadək camaatı özünə tərəf (onunla beyət etsinlər deyə) çağıran bir nəfər də olmayacaq.” [1]
Hədisin məzmunu bundan ibarətdir ki, hansısa bir rəhbərlik və məhdilik iddiası edən şəxsin ətrafında onu dəstəkləyən və onunla beyət edən fərdlər olmazsa, onun iddiası puç və əbəs sayılar. Lakin təəssüflər olsun ki, bütün dövrlərdə bu iddiada olan şəxslərin havadarları, tərəfdarları və onlara beyət edən şəxslərin varlığının şahidi olmuşuq.
Yalançı Mehdilərin iddialarının qəbul olunmasına zəmin yaradan amillər kimi mədəniyyət kasadlığını, ictimai və siyasi fəsadı, iqtisadi problemləri və s.-ni göstərmək olar. Çünki bunlar həmişə sadə və qapalı təfəkkür tərzinə malik olan insanların aldanmasında rol oynayan amillərdəndir.
Cəhalət, kor-koranə tabeçilik, məhdəviyyət iddiasında olanların yaranmasına və onların iddiasının qəbul olunmasında xüsusi rol oynayan amillərdəndir.
Yalançı Mehdilər barədə danışdıqda zehnimizdə canlanan ilk sual bu şəxslərin yalançı iddialarla bir qrup insanı aldatmaları və onlardan öz məqsədlərinə çatmaq üçün necə sui-istifadə etmələri barədə olacaqdır.
Bu sualın cavabını İmam Əlinin (ə) insanları tanımaq barədə buyurduğu hikmətli kəlamları arasında tapmaq olar:
النَّاسُ ثَلَاثَةٌ: فَعَالِمٌ رَبَّانِيٌّ، وَمُتَعَلِّمٌ عَلَى سَبِيلِ نَجَاةٍ، وَهَمَجٌ رَعَاعٌ أَتْبَاعُ كُلِّ نَاعِقٍ، يَمِيلُونَ مَعَ كُلِّ رِيحٍ، لَمْ يَسْتَضِيئُوا بِنُورِ الْعِلْمِ، وَلَمْ يَلْجَئُوا إِلَى رُكْنٍ وَثِيقٍ
“İnsanlar üç dəstədir: Rəbbani alimlər, nicat yoluna qədəm qoymaq üçün elm axtarışında olanlar, hər səsin ardınca qaçıb, hər küləyin əsdiyi istiqamətdə hərəkət edən axmaqlar. Onlar elm nuru ilə aydınlanmayıblar. Möhkəm sütunlara pənah aparmayıblar (söykənməyiblər).”
İmam Əli (ə) insanları 3 qrupa bölür:
Həqiqəti tanıyıb əqidəvi, ictimai və fərdi rəftarları doğru və həqiqi özüllərə dayanan şəxslər. İmam Əli (ə) belə şəxsləri “Rəbbani alimlər” kimi yad edir.
Nicat yolunun və həqiqi maarifin dalınca olan şəxsləri İmam Əli (ə) “nicat yoluna qədəm qoyub elm axtarışında olanlar” kimi yad edir.
Bu qrup insanlar isə nə həqiqəti tanıyıb, nə də onun tanınması yolunda bir qədəm atıb. İmam (ə) öz kəlamında belə şəxsləri “həməcun rəaa – هَمَجٌ رَعَاعٌ“ adlandırır. “Həməc – هَمَجٌ“ qoyunun və ya ulağın üzünə qonan həşəratın (ağcaqanadın) adıdır. Bəziləri bu sözü milçək kimi məna etmişlər.[2] ”Rəaa – رَعَاعٌ“ sözü isə şüursuz mənasını daşıyır.[3]
İmam Əli (ə) bu qrup insanları şüursuz milçəklərə bənzətmişdir. Milçəklər heyvanların dalınca düşüb oyan-buyana getdikləri kimi belə şəxslər də özlərindən böyük nadanların arxasınca gedərlər. Və hər iddiaçının çağırışını haqq və ya batil olduğunu araşdırmadan qəbul edərlər.
[1]Əl-Kafi, c/8, səh/296, hədis/456.
[2]Ən-nihyə, c/5, səh/272.
[3]Qamus əl-muhit, c/3, səh/30
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər