Ermənistan və Dağlıq Qarabağın... MÜFTİSİ! |
Müəllif: Admin | Bölmə: Məqalələr | Vaxt: 23-06-2016, 21:17 | Şərh sayı: (0) | Baxılıb: 368
Ermənistan və Dağlıq Qarabağın... MÜFTİSİ!
Bu gün mediada belə bir xəbər yayıldı: “Ermənistan və Qarabağ... müftisi Arsen Safaryan.. (müfti və Safaryan haa!), QMİ sədri Allahşükür Paşazadəni disputa çağırıb”. Deyilənə görə bu erməni, disput zamanı Paşazadənin elmi və insani keyfiyyət baxımından çox aşağı səviyyədə olmasını isbatlayacağına əmindir.Əvvəla qeyd edək ki, “Ermənistan və Qarabağ müftisi” ifadəsi eynən “Ermənistan Dəniz Donanması” ifadəsi qədər absurd və gülüncdür. Ermənistanda və yaxud işğal edilmiş Qarabağda bir dənə də olsun yerli müsəlman var ki, müftisi də olsun? Safaryan kimin müftisidir?
Xəbərdə deyilir ki, guya o, 2015-ci ildə bu vəzifəyə SEÇİLİB. Yenə də bir sual gəlir meydana: onu kim seçib?
Əlbəttə, bizi ermənilərin həyasız və utanmaz iddiaları və bəyanatları ilə artıq təəccübləndirmək olmaz. Əgər bir xalq tam ciddiliklə az qala Adəm peyğəmbərin də erməni olduğunu iddia edirsə, o zaman hansı uydurmanı ərsəyə gətirə bilməz ki?
Amma bununla belə sual yaranır: xristianlığı az qala Həzrət İsadan da 2000 il əvvəl qəbul etdiyini iddia edən ermənilərin bu müfti söhbəti nəyinə lazımdır axı?
Bizcə məsələ belədir: ermənilər görür ki, son illərdə müsəlman ölkələri yekdilliklə Ermənistanın işğalçı siyasətini pisləyir və Azərbaycanın haqq mövqeyini dəstəkləyirlər. Bu ilin aprelində isə bunu lap açıq gördülər. Elə bu səbəbdən də “müfti kartı” ortaya atılıb. Məqsəd Azərbaycanın İslam arealında qazandığı nüfuza xələl gətirmək, müsəlman dövlətlərinə bir növ “Ermənistanda və Qarabağda da din qardaşlarınız yaşayır” ismarıcını çatdırmaqdır.
Hətta bəzi müsəlman ölkələrində, erməni səfirlərinin Ermənistanı az qala müsəlman ölkəsi kimi təqdim etmək cəhdləri haqda da ara sıra məlumatlar gəlir.
Ayıq olmalıyıq. Belə “müfti”lər haqda yalanlarla özümüz küyə getməməli, başqalarını da ayıltmalıyıq. Ermənilərin əsil iç üzünü, imkanımız çatan hər yerdə din qardaşlarımıza anlatmalıyıq. Onsuz da ermənilərdən Qərb ölkələrində beynəlxalq təbliğatda bəzən geri qalırıq, elə olmasın ki, bir gün müsəlman dünyasında da ermənilərin “ağ göyərçin” obrazı haqda məlumatlar eşidək.
islam.az
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər