Nardarandakı Rahimə Xanım ziyarətgah-məscidinin qeydiyyatı üçün müraciət olunub |
Müəllif: Admin | Bölmə: Xəbərlər | Vaxt: 14-01-2016, 08:40 | Şərh sayı: (0) | Baxılıb: 2565
Nardarandakı Rahimə Xanım ziyarətgah-məscidinin qeydiyyatı üçün müraciət olunub
Nardaranda qeydiyyatsız fəaliyyət göstərdiyinə görə bağlanan Rəhimə Xanım ziyarətgah-məscidinin qeydiyyata alınması üçün Qafqaz Müsəlmanları İdarəsinə müraciət edilib.Bunu APA-ya açıqlamasında Qafqaz Müsəlmanları İdarəsinin (QMİ) təşkilati məsələlər şöbəsinin müdiri Hacı Əlirza Qafarov deyib. O bildirib ki, Rəhimə Xanım məscid-ziyarətgahının dini icması qeydiyyatla bağlı QMİ-yə müraciət edib: “Biz uyğun gördük və sənədlərin toplanması üçün göstəriş verdik. Onlar sənədlərini toplayıb bizə təqdim edəcəklər və biz də aidiyyəti üzrə rəy verib, Dini Qurumlarla İş üzrə Dövlət Komitəsinə yollayacağıq. Güman edirəm ki, məscid-ziyarətgah tezliklə qeydiyyata alınacaq və qanunauyğun fəaliyyət göstərəcək”.
Qeyd edək ki, Nardarandakı hadisələrdən sonra qəsəbə üzrə yalnız Cümə məscidi qeydiyyatı olduğu üçün fəaliyyətini davam etdirib. Digər məscidlər - Rəhimə Xanım məscidi, Qulam Əli məscidi, Kiçik məscidi və Ağa məscidi isə qeydiyyatları olmadığı üçün fəaliyyətini dayandırıb. Dini Qurumlarla İş üzrə Dövlət Komitəsinin sədri Mübariz Qurbanlı bildirib ki, həmin məscidlər sənədlərini toplayıb, QMİ-yə verməli və QMİ də öz rəyi ilə birlikdə sənədləri komitəyə təqdim etməlidir.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər