“BP Azerbaijan”ın 50 əməkdaşı işdən çıxarıldı? |
Müəllif: Admin | Bölmə: Xəbərlər | Vaxt: 13-01-2016, 15:01 | Şərh sayı: (0) | Baxılıb: 248
“BP Azerbaijan”ın 50 əməkdaşı işdən çıxarıldı?
Böyük Britaniyanın neft-qaz şirkəti BP qarşıdakı iki il ərzində fəaliyyət göstərdiyi bəzi ölkələrdə kəşfiyyat və hasilat sahəsində 4 min iş yerini ixtisar edəcək.“APA-Economics”in məlumatına görə, bu barədə BP-nin yaydığı məlumatda qeyd olunub.
Şirkətdən bildirilib ki, Anqola, Azərbaycanda, eləcə də Meksika körfəzi və Şimal dənizində kəşfiyyat və hasilatla məşğul olan 24 min işçidən 4 mini ixtisar olunacaq.
Məlumata əsasən, 2017-ci ilin dekabr ayına kimi davam edəcək ixtisarlara səbəb kimi tələbatın az olması səbəbindən neftin qiymətinin aşağı olması, dolların mökəmlənməsi və ehtiyatların artması ilə izah olunur. “Bütün bu amillər daha rəqabət qabiliyyətli olmağı və iqtisadi vəziyyətin çətinliyini etiraf etməyi şərtləndirir. Biz uzun müddət əvvəl neftin qiymətinin aşağı düşməkdə davam edəcəyini gözlədiyimizi bəyan etmişdik və görünən odur ki, bu proqnoz özünü doğruldur”, - deyə məlumatda vurğulanıb.
“APA-Economics”in əldə etdiyi məlumata görə, BP-nin Azərbaycan nümayəndəliyinin 50-yə yaxın əməkdaşı işdən azad olunub. Bu barədə işdən çıxarılan əməkdaşlar məlumat verib.
“BP-Azərbaijan” şirkətinin mətbuat xidmətinin rəhbəri Tamam Bayatlı isə “APA-Economics”ə bu məlumatı təkzib edib və faktı təsdiqləməyib.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər