RSS
 

Login:
Şifrə:
» » Belə avtovağzalla hansı turizmdən danışasan...

Xəbər lenti

Yoluxucu xəstəliklər mövzusu dini mənbələrdə
Yoluxucu xəstəliklər mövzusu dini mənbələrdə...
"BİZ PEYĞƏMBƏRLƏR MİRAS QOYMURUQ" hədisinin dəlil göstərilməsi və onun cavabi
"BİZ PEYĞƏMBƏRLƏR MİRAS QOYMURUQ" hədisinin dəlil göstərilməsi və onun cavabi...
Vəhdət - günümüzün əsas ehtiyacı
Vəhdət - günümüzün əsas ehtiyacı...
Azərbaycan ədəbiyyatında İmam Hüseyn (ə) və Məhərrəmlik mövzusu
Azərbaycan ədəbiyyatında İmam Hüseyn (ə) və Məhərrəmlik mövzusu...
Siffeyn savaşı
Siffeyn savaşı...
Mübarək Ramazan ayında xüsusi diqqət edilməli 4 məqam: Ramazan ayının əməlləri
Mübarək Ramazan ayında xüsusi diqqət edilməli 4 məqam: Ramazan ayının əməlləri...
Ruhuna zülm edilən məzlum imam (İkinci hissə)
Ruhuna zülm edilən məzlum imam (İkinci hissə)...
İmam Zamana (ə.f) qarşı müxalifətin səbəbləri
İmam Zamana (ə.f) qarşı müxalifətin səbəbləri...
İzdivacda vasitəçilik
İzdivacda vasitəçilik...
Hədislərdə vəhdətə çağırış
Hədislərdə vəhdətə çağırış...

Dini Üsiyyət

Saytı bəyəndin?

Bəli
Xeyr

Namaz vaxtları

Saat

Son Şərhlər

FaceBook

Qan yaddaşımız

Dini yьkləmələr


Hacı Sahib


Hacı Şahin


Ocaq Necad ağa


Firuqi ağa


Mir Cəfər ağa


Hacı Qürbət


Hacı Əhliman


Hacı Ələmdar


Hacı Ramil


Hacı Samir


Hacı Vasif

Reklam





Online SMS Yaz!
Online Sms:

Belə avtovağzalla hansı turizmdən danışasan...

 
Müəllif: Admin | Bölmə: Xəbərlər | Vaxt: 29-12-2015, 20:36 | Şərh sayı: (0) | Baxılıb: 689

Belə avtovağzalla hansı turizmdən danışasan...


Belə avtovağzalla hansı turizmdən danışasan...


Zaqatala hələ sovet dövründən SSRİ-nin turizm sektorunun incisi sayılırdı. Buraya hətta xaricdən də dincəlməyə gəlirdilər. Yay aylarında burada hər millətdən və irqdən olan adamlara rast gələrdin. Təəssüf ki, bunu indi yalnız yaşlı nəslin nümayəndələri xatırlayırlar.

İndi Zaqatalaya başqa yerlərdən gələnlər həddən artıq azdır. Onlar da ya Azərbaycanın başqa yerlərindən gələnlər, ya da ölkəmizdə işləyən əcnəbilərdir.

Bəs nə baş verir? Bir vaxtların elitar turizm mərkəzi sayılan Zaqatala indi insanların böyük şəhərlərdən qaçdığı, təbiət qoynuna daha çox çıxmağa çalışdığı bu günlərdə öz əhəmiyyətini niyə itirib?

Üzr istəyirik, tualetsiz avtovağzal...

Hər bir obyektin özünə uyğun vacib atributları var. Məsələn, asılqan teatrdan ötrü vacib sayılır.

Siz heç, üsr istəyirik, ayaqyolusu olmayan avtovağzal görmüsünüzmü? Yox? Onda təcili olaraq Zaqatalaya gedin. Şəhər avtovağzalının nəhəng ərazisində tualet tapa bilməyəcəksiniz. İctimai yeri tualetsiz necə təsəvvür etmək olar? İllah da hər gün yüzlərlə, minlərlə adamın toplaşdığı bir məkanı...

Yaxşı, tutaq ki, yerli adamlar avtobusların hərəkət qrafikini bilir, vaxtında gəlib-gedirlər, belə deyək ki, tualetə ehtiyacları olmur. Bəs qonaqlar, nabələd adamlar dərdini kimə, hara desinlər?!

Hələ bu da hamısı deyil. Bir hektara yaxın ərazisi olan avtovağzalın mərkəzində 70-ci illər üslubunda və elə həmin vaxt şüşədən tikilən ikimərtəbəli bina var. Lakin bu "şüşə qala"ya giriş qapısı bərk-bərk bağlıdır. Onun içində (hər halda qıraqdan görünən birinci mərtəbəsində) heç nə yoxdur. Bura bir vaxtlar, görünür, gözləmə zalı olub. İndi isə oraya daxil olmağa heç kəsə icazə verilmir. Avtovağzalın sahibi Aydın müəllimdən başqa heç kəsə!

Yaxınlıqdakı çayxanada oturub növbəti avtobusun yola düşməsini gözləyən yerli sərnişinlər bizimlə söhbətlərində avtovağzalın sahibini - Aydın Mehdiyevi belə, yəni "Aydın müəllim" kimi təqdim etdilər.

Yüzlərlə sərnişin burada avtobusları açıq havada, yağışın-qarın, qızmar günəşin altında gözləməyə məcburdur. Əlbəttə, Zaqatalada hörmətli şəxs sayılan Aydın müəllimin rahatlığı naminə bunlara da dözmək olar, bu - xırda şeydir. Adamlar buna vərdiş ediblər. Durub dözəcəklər...

"Boşboğaz"lar isə çay içə-içə Aydın müəllimin ünvanına yeni-yeni ittihamlar yağdırırlar. Onları indi yazaq, vəziyyəti sonra təhlil edərik. Yerli sakinlərin sözlərinə görə, avtovağzalda əvvəllər tualet olub, lakin bu obyektin sahibi cibini pulla doldurmaq naminə həmin o primitiv ayaqyolunun tikildiyi ərazini üstündəki bina ilə birgə satıb. O vaxtdan bəri avtovağzalın xidmətindən istifadə edən şəxslər buna ehtiyac yarananda tualet axtarışına çıxır, avtovağzalın dörd bir yanını fırlanırlar.

Heç də həmişə belə olmayıb...

Elə düşünməyin ki, burada həmişə belə olub. Əsla. Sovet inşaatçısı 40 il əvvəl belə sosial obyekt - tualetsiz avtovağzal tikməzdi, tikə bilməzdi. Onu buna görə sadəcə olaraq türməyə basardılar.

Buradakı bu idbar mənzərə obyektin Aydın müəllim tərəfindən özəlləşdirilməsindən sonra yaranıb. Adam torpağı tutub satıb - tualet yoxa çıxıb. Zalın qapılarını bağlatdırıb - gözləmə zalı, ana və uşaq otağı, bufet, sürücülərin istirahət otağı yoxa çıxıb.

Bir sözlə, Aydın müəllim sehrbaz kimi insanların rahatlığı üçün nəzərdə tutulan hər şeyi tədricən məhv edib. Artıq nə sərnişinlərin, nə də şəhərlərarası marşrutlarda işləyən avtobus sürücülərinin bu xidmətlər, bu rahatlıq barədə daha heç təsəvvürü də yoxdur.

Belə vəziyyətdən hamıdan çox əziyyət çəkənlər isə əlbəttə ki, Bakı-Zaqatala-Bakı reysi ilə işləyən avtobusların sürücüləridir. 6-7 saat sükan arxasında oturub yüz kilometrlərlə yol gələn yorğun sürücülərin halını təsəvvür edin. Bəs bu insanlar harada dincəlməli, çay içməli, gözlərinin acısını almalıdır? Avtobusu sahibsiz qoyub getmək də olmur axı.

Ona görə də zavallılar geri qayıdana qədər elə avtobusdaca oturub dincəlməyə məcburdurlar. Zaqatalaya gələndən bir müddət sonra yenidən geriyə - uzaq, ağır yola çıxmağa hazırlaşan bu yorğun-arğın, yarıac-yarıtox adamların taleyi heç kəsi maraqlandırmır. Daha heç sürücülər də nəsə tələb etmirlər. Artıq vərdişkar olublar. Şikayət etməyə, bəlkə də, qorxurlar.

Bəlkə, elə bu cür də olmalıdır? Bəlkə, o köhnə sovet qaydaları pis idi? Belə deyək də, ana öz balasını çox sevirsə, onu harada və necə gəldi yedirə, pampersini harada gəldi dəyişə bilər - istəyir şaxta dondursun, istəyir gün yandırsın. Belə olan halda ana və uşaq otağı nəyə gərəkdir axı?!

Avtovağzalın sahibi sürücünün harada və necə dincəlməsi, ac-susuz, yoxsa tox olması haqda nəyə görə düşünməlidir? Bunun dərdini qoy sürücü özü çəksin...

Gözləmə zalını açıb istifadəyə vermək isə əsla olmaz. Ətrafda gör nə qədər avara, bomj var. Hamısı doluşacaq bura, axırı, Allah bilir, nə olar...

Lakin insanlara xidmət göstərən obyektin rəhbəri belə düşünə bilməz və düşünməməlidir. Axı onun bütün biznesi sərnişinlərə xidmət etmək, onlara daha rahat şərait yaratmaq üzərində qurulub. Əks halda manat qazanmaq üçün qəpiyə qızırğanmayan başqa və daha fərasətli adam tapılacaq. Təəccüblüsü də odur ki, beləsi indiyə qədər niyə tapılmayıb. Kim onu adam yerinə qoymayan belə avtovağzal rəhbəri ilə işləmək istəyər?!

Nə kassa var, nə də dispetçer...

Bu saydıqlarımız hələ ikinci dərəcəli məsələlərdir. Avtovağzal üçün daha vacib olanlar hələ bunlar da deyil. Əgər mexanizm dəqiq işləsə, başqa qüsurlara yenə birtəhər dözmək olar.

Bütün avtovağzallarda ümumi iş mexanizmi belədir: gəlib biletini alırsan, avtobusa oturub mənzil başına sağ-salamat çatırsan. Zaqatalada isə bu mexanizm işləmir. Daha doğrusu, işləyir, amma lazımi şəkildə yox. Biz Zaqatala avtovağzalında nə dispetçer xidməti gördük, nə də dispetçerin özünü...

Buradakı yeganə kassaya yaxınlaşmağına bəndsən ki, avtobus sürücüsü o dəqiqə başının üstünü alır və xidmətini sırımağa başlayır: "Avtobusda boş yer var, pulu elə özümə ver..."

Halbuki bu xidməti kassa göstərməlidir. Əks halda kassa nə üçündür?! Əlbəttə, sərnişinlərə bilet satmaq üçün. Bu, təkcə sərnişinlərin yox, çox vaxt gediş haqqını özləri yığan, heç kəsə də bilet verməyən sürücülərin də rahatlığı üçün lazımdır. Sürücülərin gediş haqqını yığıb heç kəsə bilet verməməsi isə həm də maliyyə pozuntusudur. Buna görə məsuliyyət nəzərdə tutulur.

Bundan əlavə, müasir avtovağzalın azı bir girişi, bir də çıxışı olmalıdır ki, maşınlar bir-birinə mane olmasın, toqquşmasın. Zaqatala avtovağzalı bu baxımdan yaxşı nümunədir, çünki burada 4 giriş-çıxış var.

Amma Aydın müəllim onları öz biznesinin xətrinə sözün hərfi mənasında metal borular və beton plitələrlə bağlayıb. Yəqin, kefi belə istəyib. Özü də sürücülər bir giriş qapısından girib-çıxmağa vərdiş edənə yaxın o girişi boru və plitələrlə bağlayıb digərini açırlar. Həmin açıq giriş də daimi nəzarətdə olur.

Avtovağzalın sahibi öz obyektində belə "yenidənqurma" ilə məşğuldur. Qalan vacib işləri isə çoxdan unudub. Məsələn, tələb olunduğu kimi, böyük perron tikməyi. Axı avtobusun az qala yarım metrə çatan pilləkənindən düşüb-çıxmaq yaşlı adamlar, əliuşaqlı qadınlar üçün o qədər də asan deyil. Perron tikmək elə də çətin deyil. Amma orada bunu, çətin ki, kimsə nə vaxtsa tikə...

Nazirlik və icra hakimiyyəti hara baxır?

Niyə çətin ki? Ona görə ki, xozeyin bunu istəmir. Əks halda bu çatışmazlıqlar çoxdan aradan qaldırılmışdı. Əgər Nəqliyyat Nazirliyi və onun Sərnişindaşıma Departamenti avtovağzallara dair tələblərə riayət olunmasını tələb etsəydi, burada hər şey qaydasına düşərdi. İndiyə qədər də məlum deyil ki, sürücülər maşınlarını harada yuyub təmizləyirlər, texniki bxışdan harada keçirirlər. Burada müvafiq qurğular və şərait yoxdur. Xozeyin isə bu işləri geniş asfalt meydançada görməyə icazə vermir.

Çoxbilmiş rayon sakinləri deyirlər ki, Aydın müəllimin Bakıda güclü arxası var deyə nazirliyin bütün tövsiyə-tələblərinə boş şey kimi baxır.

Heç olmasa FHN bu xozeyindən qapılardan heç olmasa birini təhlükəsizlik üçün açmağı tələb etməlidir.

Sıx meşədə adi bir budağın kəsilməsini də diqqətdən qaçırmayan Ekologiya və Təbii Sərvətlər Nazirliyinin iti gözlərinin hara baxdığını anlamaq da çətindir. Çirkli avtobuslar şəhərin mərkəzində saatlarla dayanır, öz miskin görkəmləri ilə avtovağzalın onsuz da qeyri-estetik olan görünüşünü daha da ağırlaşdırırlar. Avtovağzalın sahibi isə sadəlövhlüyümüzdən az qala tualetlə səhv salacağımız balaca bir tikilini çayxana adı ilə icarəyə verir.

Lakin yerli sakinlərdən eşitdiklərimizin yanında hələ bu da xırda məsələdir.

Həmin söhbətlərdən belə məlum olur ki, Zaqataladan Bakıya gedən avtobuslarda son günlərə qədər Zaqatala meşələrindən kəsilmiş qiymətli ağaclardan hazırlanan materiallar daşınırmış. Sərnişinlərin etirazlarına isə məhəl qoyan yox imiş. Bu da səbəbsiz deyil.

Virtualaz.org saytının da bu yaxınlarda xəbər verdiyi kimi, hazırda həbsdə olan MTN generalı Akif Çovdarovun cinayətkar qruplaşması Zaqatala meşələrinin çox hissəsini kəsib-doğrayıb. Meşələrdə kəsilən qiymətli ağac növlərindən hazırlanmış parketi və digər materialları sərnişin avtobuslarında, minlərlə adamın gözü qabağında daşımaq isə artıq aşkar cinayətdir. Bütün dövlət orqanlarının diqqətini cəlb etməli olan cinayət. Cinayətkarlıqla mübarizə aparmalı olan dövlət qurumlarının nədən susması məsələsinə yəqin ki, istintaq aydınlıq gətirəcək. Amma bəs avtovağzalın sahibi cinayətkarlara niyə yardım edib? Bunu anlamaq çətin deyil. Səbəb varlanmaq ehtirasıdır, acgözlük və hərislikdir.

Lakin bir məqam da var. Əgər adıçəkilən və çəkilməyən nazirlik və dövlət qurumları uzaqdadırsa, bəs rayonun icra strukturları, xüsusilə də Zaqatala Rayon İcra Hakimiyyəti (RİH) hara baxır? RİH avtovağzal sahibini çoxdan doğru yola gəlməyə məcbur etməli idi. Əgər təkcə elə bir avtovağzalda, özü də gözünün düz qabağında bu qədər problem varsa, onda rayon mərkəzi böyük turist axınına necə iddia edə bilər? Axı rayona gələn qonaqlar Zaqatala və onun turizm mərkəzi statusu barədə elə bu avtovağzala baxıb mühakimə yürüdürlər. Əgər avtovağzalın sahibi tualeti satırsa, buradakı bütün tikililərin qapısını qıfıllayırsa, bura gələn qonaqlarda hansı qənaətin hasil olacağını, onun burada qalmaq istəyib-istəməyəcəyini təsəvvür etmək çətin deyil.

Yerli hakimiyyətin üzərində düşünməli olduğu daha bir vacib sual isə budur: mənəvi və fiziki baxımdan köhnəlmiş bu avtovağzalı Zaqatala şəhərinin mərkəzində saxlamağa dəyərmi?

Hamımız aydın başa düşürük ki, avtovağzal şəhərin mərkəzində yox, kənarında olmalıdır. Bu, artıq zamanın tələbidir. Məqsəd də şəhərə nəqliyyat axınını mümkün qədər azaltmaq, onun ekoloji vəziyyətini yaxşılaşdırmaqdır. Bir vaxtlar Zaqatala şəhərinin kənarında tikilən yerli avtovağzal indi rayonun düz mərkəzindədir. Bundan əlavə, yerli hakimiyyət orqanları avtovağzalın düz yanında Bayraq Meydanı tikib. Milli atributumuz olan bayrağımız artıq süquta uğrayan, tənəzzül dövrünü yaşayan bu obyektin fonunda dalğalanır ki, bu da Bayraq Meydanında tikilmiş müasir otelin, bankların yerli filiallarının, firma mağazalarının ümumi arxitekturasına heç cür uyğun gəlmir, ümumi ansamblla heç cür səsləşmir.

Turizm mərkəzi adına iddia edən bir şəhərin hakimiyyət orqanları mərkəzi küçədə bu qədər avtomobil sıxlığına, avtovağzalın cəmi bir giriş-çıxışının olmasına necə yol verə bilər axı? Axı hər hansı bir avtobusun avtovağzala daxil olmaq və ya oradan çıxmaq cəhdi bu ərazidə xaos və tıxaclar yaradır.

Bəli, hər teatr asılqandan başladığı kimi şəhər də avtovağzaldan başlayır. Şəhərə gələn qonağın oradan razı qalıb-qalmaması əsasən avtovağzalın onda yaratdığı təəssüratdan asılıdır. Zaqatala rayon rəhbərliyinin bu şəhərə ötən əsrdən miras qalan avtovağzala artıq ayıq nəzərlərlə baxmasının, ona real qiymət verməsinin vaxtı çoxdan gəlib çatıb.

Virtualaz.org saytı Zaqatalanın keçmiş turistik şöhrətinin bərpa olunmasına mane olan bütün qüsur və çatışmazlıqları üzə çıxarmaq üçün araşdırmalarını davam etdirəcək.



Şərhlər

 
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Banner

Sizin Reklam Burada

------------------------
------------------------

En Son Yükləmələr

Seyyid Peyman - En insan
Seyyid Peyman - Zeynəb Zeynəb
Hacı Sahib - Səfərdə olanın orucu
Hacı Sahib - Oruc tutan su içə bilər?
Hacı Sahib - Dəstəmazın danışması
Rusif Ucar - Üsyan
Hacı Sahib - İntizar
Hacı Sahib - İntizar çəkmək
Hacı Sahib - Kiçik günahı unutmaq
Hacı Şahin - Dini ehtiyac
Hacı Şahin - Diqqət eləmək
Hacı Şahin - Din təbliğ etmək
Hacı Eldayaq - Allah üçün
Hacı Eldayaq - Allahı unuduruq
Hacı Eldayaq - Allahımızı ucuz satırıq
Azərbaycan İlahi nəğmələr qrupu Hacı Möhübbət - Şah səlamun aleyk
Azərbaycan İlahi nəğmələr qrupu - Ağam Əbəlfəz
Azərbaycan İlahi nəğmələr qrupu - Əli kimdir
Seyyid Peyman - Şah salamun aleyk
Hacı Sahib - Şəban ayının əməlləri
Vasif Vəsfinur - Xanım Zeynəb
Vasif Vəsfinur - Əbəlfəz
Kamran Fərat - Vətən marşı
Hacı Eldayaq - Rəcəb ayinın duası
Hacı Eldayaq - Rəcəb ayının savabı
Hacı Eldayaq - Rəcəb ayında oruc olmaq
Hacı Samir - İmam Əli (ə) qızını Ömərə veribmi
Hacı Samir - Qiyamətin peşmançılığı
Hacı Samir - Bəni İsrail
Hacı Ramil - İnsanın batini və zahiri
Hacı Ramil - İnsan öləndən sonra
Hacı Ramil - Həsəd
Hacı Zahir Mirzəvi - Günahlardan yoruldum
Hacı Zahir Mirzəvi - Ağlama ey nuri eynim
Hadi Kazemi - Kərbəladır vətənim
Hadi Kazemi & Rza İgidoğlu - Su görəndə
Mamed Sadiq - Həzrət Əli
Mamed Sadiq - Hüseynim deyərəm
Mamed Sadiq - Gözlədiyim vardı mənim
Hacı Şahin - Coun
Hacı Şahin - Arzu və dua
Hacı Şahin - Allahın rəhminə sığınmaq
Hacı Sahib - Novruz Bayramının namazı
Hacı Sahib - Novruz Bayramının duası
Hacı Sahib - Novruz günü İslamda
Hacı Eldayaq - Bəhlul Danəndə və Harun ər Rəşid
Hacı Eldayaq - İmamın alimlərlə bəhsi
Hacı Eldayaq - Allahın qüdrəti
Hacı Eldayaq - Ana haqqı
Hacı Eldayaq - Ağlamaq
Hacı Sahib - Şəhidin haqqı
Hacı Sahib - Şəhidliyə şövq
Şəhidlik haqqında
Hacı Sahib - Şəhidlər haqqında
Fizuli Fəzli - Cəfəri Sadiq
Əbu Bəkr Cayır - Zeynəbim
Əhli-Beyt qrupu - Can Zeynəb
İntizar qrupu - Can Hüseynim
Heydəri Kərrar qrupu - İmam Rza
Hacı Sahib - xanım Zəhranın təkvini vilayəti
Hacı Sahib - Xanım Zəhranın şəfaəti
Hacı Ramil - Zəhracan
Elşən Xəzər - Ya Zəhra
Hacı Samir - Xanım Zəhra buyurur
Hacı Şahin - Xanım Zəhraya təvəssül
Vasif Vəsfinur - Zəhradadır dərmanın
Vasif Vəsfinur - Allah Allah
Vasif Vəsfinur - Əli oğlu Həsən
Vasif Vəsfinur - Qara zindanlara qardaş
Hacı Əhliman - Namaz qılanın ictimai vəzifəsi
Hacı Əhliman - Azanı gözəl səsli biri oxumalıdır
Hacı Əhliman - Hicablı xanım facebookda
Hacı Əhliman - Dindarın ailədə rəftarı
Hacı Əhliman - Geyiminizə fikir verin
Vasif Vəsfinur - İnsan bilə bilməz
Ağa Maştağalı Tərlan Maştağalı - İmamət tərəfə
Ağa Maştağalı Tərlan Maştağalı - İmamət tərəfə
Ammar Halwachi - Haydar
Hacı Zahir Mirzəvi - Əbəlfəz
Hacı Mehdi Dərbəndi - Xudaya
Hacı Ramil - Bədgüman insanlar
Hacı Ramil - Ailədə kişi və qadın
Hacı Ramil - Bəlanı tezləşdirən günahlar
Kamran Fərat - Zeynəb
Hacı Sahib - Yeni ili qeyd eləmək olar?
Muhəmməd Nardarani - Ya İmam Zaman
Muhəmməd Nardarani - Məzlum Həsən Əskəri
Badi Kubə - Ey vay Ruqəyyəm
Zühur İlahi nəğmələr qrupu - Gəl anacan
Dönməz Nuri Pərvin Quluzadə - Ya Hüseyn
Vasif Vəsfinur - Tərəfdarı-Hüseynəm
Vasif Vəsfinur - Ruqəyyə
Vasif Vəsfinur - Muxtaram
 

Ən Çox Oxunanlar

Təqvim

«    Sentyabr 2020    »
BeÇaÇCaCŞB
 123456
78910111213
14151617181920
21222324252627
282930 

Quran Dinlə

Eşq Vilayəti

Banner

Hicab bağlamaq dərsləri


--------

--------

--------

--------

--------

--------

--------

 
 
Created by Donamor