HƏZRƏT ÜMMÜL BƏNIN |
Müəllif: Admin | Bölmə: Slide, Xanimlar üçün | Vaxt: 28-03-2016, 22:19 | Şərh sayı: (0) | Baxılıb: 590
HƏZRƏT ÜMMÜL BƏNIN
Əli ibn Əbu Talib əleyhissalam qardaşı Əqil ilə məsləhətləşib ondan istədi ki, həzərətə elə bir nəsildən xanım tapsın ki, şücaətli övladlar dünyaya gətirsin. Həzrət Əlinin (ə) bu cür istəyində məqsəd nə olduğunu heç kəs hətta Əqilin özü belə başa düşmədi. Zaman keçdi Kərbəla hadisəsi bu sirrin üstündən pərdələri çəkdi. Sən, Ey Fatimeyi Kəlabiyə! İffətinlə şöhrət qazanmışdın... O zaman sənin kimi xanımlar olsa da nə üçün həzrət səni bəyəndi amma bunu bilirəm ki, sən Heydərin (ə) evində gəlin oldun.
Yenə bəziləri qeybət etməyə başlamışlar ki, bundan sonra Həsən, Hüseyn, Zeynəb və Ümmü Külsüm günləri daha da qara olacaq.
Lakin sən mərifətini elə o zaman göstərərək həzrət Mövla Əli (ə) ilə şərt kəsdin ki, bundan sonra məni Fatimə çağırma. Hər dəfə məni o gövhərin adı ilə çağıranda uşaqların anaları üçün ağladığını görürəm. Əlinin (ə) evinə gəldiyin birinci gündən Zeynəbə (s) ərz etdin ki, mən bu evin gəlini yox xidmətçisi sən isə evin xanımısan. Bax bu cür başladı yaşayışınız və camaatın bəhanəsi kəsildi, amma Allah Əliyə (ə) və sənə bir övlad əta etdikdən sonra yenə də hər kəs bir söz deməyə başladı. Biri dedi: daha bitti hər şey, bu da sonu, daha Zəhranın (s) övladları gözdən düşəcək amma... .
Həmin gün Əli (ə) və övladları süfrə başında oturmuşlar. Abbası qucağına alıb asta-asta onların yanına gedib Abbası Zəhra (s) balalarının başına dolandıraraq hamını heyran etdin.
Abbasım sizə fəda olsun! Yavaşca deyib ağlayırdın. Abbasım sənə fəda olsun Həsən can! Abbasım sənə fəda olsun Zeynəb can! Abbasım sənə fəda olsun Ümmü Külsüm! Nəhayət Abbasını Hüseynə (ə) fəda etdin.
Adın Fatimə idi amma Fatimə deyə çağırılmaq istəmirdin. İlk dəfə Fatimə çağırıldıqda oturub göylərin və yerin xanımlar xanımı olan həzrət Fatiməyə (s) ahu zar edib ağladın. Özünü onun əzəməti ilə müqayisə edib dedin: “Məni Fatimə çağırma”. Fatimə peyğəmbərin (s) Kövsəri və varlıq aləminin anasıdır. Əgər ləyaqətim varsa mən onun kəniziyəm.
Bəli düzdür ki, sən Peyğəmbərin (s) Kövsəri deyildin amma amma onun məktəbinin məzunu idin. Lakin bu gün Bəqi qəbristanlığı yeni qonağını qəbul edir. Bu gün sən Fatimə binti Əsədin və imam Həsənin (ə) qəbri kənarında torpağa tapşırıldın.
Əziz və hörmətli mömin bacı və qardaşlar Həzrət Əlinin (ə) ləyaqətli köməyi həzrət Ümmül Bəninin vəfatı günü münasibəti ilə öndə həzrət Sahib Zamana (əc) sonra siz əziz bacı qardaşlara başağlığı deyir Allahdan o xanımı bizlərə şəfaətçi qərar verməsini diləyirik.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər