Allah İSTƏDİYİNİ düz yola yönəldər, yoxsa İSTƏYƏNİ? Quran səhv tərcümə olunubmu? |
Müəllif: Admin | Bölmə: Məqalələr | Vaxt: 24-02-2016, 15:30 | Şərh sayı: (0) | Baxılıb: 1899
Allah İSTƏDİYİNİ düz yola yönəldər, yoxsa İSTƏYƏNİ? Quran səhv tərcümə olunubmu?
İslama görə Allah insanı yaradıb və ona iradə azadlığı bəxş edib. Bununla belə, bəzi Quran ayələrinə istinad edənlər qeyd olunan tezisi şübhə altına alırlar. Məsələn, “Ənam” surəsinin 39-cu ayəsində Rəbbimiz buyurur: “Allah istədiyini azdırar, istədiyini isə düz yola yönəldər”. “Bəqərə” surəsinin 213-cü ayəsində də oxuyuruq: “Allah istədiyini düz yola yönəldər”. Bəs, Allah Özü bəndələrini düz yola yönəldir və zəlalətə uğradırsa, o zaman insanın funksiyası nədən ibarətdir? İnsanın iradə azadlığı nə ilə ifadə olunur? Bu suallarımızın cavablandırılması üçün ilahiyyatçı Mirmehdi Darafərinə müraciət etdik:- Bu cür ayələr Quranda var. İlk baxışdan insanlar belə düşünürlər ki, artıq bununla iradə azadlığının məhdudlaşdırılması bəlli olur. Çünki Allah buyurur ki, “Biz istədiyimizi hidayət edərik, istədiyimizi isə zəlalətə uğradarıq”. Amma gərək nəzər saldığımız ayələrdən öncə gələn ayələrə də diqqət yetirək ki, Rəbbimizin buyurduqlarını anlayaq. Allah buyurur “Biz istədiyimizi hidayət edərik”. Tanrımız çatdırmaq istəyir ki, yəni hidayət Ondandır. Yəni hər bir işin təməli Allahdır, Ondan xəbərsiz heç bir şey meydana gəlməz. Belə bir sual verməliyik ki, insan nə iş görür ki, Allah onu hidayət edir ya da ki zəlil edir? Cavabını arasaq görərik ki, Allah əvvəlcədən xəbərdarlıq edir: əgər bu işi görsən, Biz səni hidayət edərik, yox, bu işi görsən, səni zəlalətə düçar edərik. Yenə də insanın iradə azadlığı ortaya gəlir. Hər kəs seçimini özü edir. Lakin kim yaxşı iş görsə, Allah Onu hidayət edəcək. Bəziləri isə zülm törədər, pis işlər görər. Allah elələrini tərbiyələndirər, müxtəlif yollarla haqqa dəvət edər. Amma bunlar fayda vermədikdə, artıq vəd olunduğu kimi, onlar zəlalətə düçar olarlar.
- Bu yaxınlarda mətbuatda qeyd edilən ayələrdəki ifadənin ərəb dilindən düz tərcümə olunmadığını iddia edənlərin mövqeyi ortaya qoyuldu. İddia olunurdu ki, “Allah İSTƏDİYİNİ azdırar, ISTƏDİYİNİ isə düz yola yönəldər” yox, əslində “Allah ISTƏYƏNİ azdırar, ISTƏYƏNİ isə düz yola yönəldər”. Yəni kim Allahdan düz yola yönəlməsini diləsə, Allah da buna cavab olaraq onu düz yola yönəldər. Ərəb dili və Quran mütəxəssisi kimi bu iddialara münasibətiniz necədir?
- Tərcümə səhv deyil. Sadəcə insanlar o ifadəni düzgün anlamırlar. Yəni ərəb dilindən tərcümədə məhz “istədiyini düz yola yönəldər” olmalıdır. Mənasını isə artıq qeyd etdim, bu ayələri məhz belə dəyərləndirməliyik. Bir daha təkrar edirəm ki, tərcümədə səhv yoxdur. Quranı oxuyanlar da düzgün anlamlıdırlar bu ayələri: öz əməlləri ilə hidayətə layiq olanları Allah hidayət edəcək, zəlalətə layiq olanları isə zəlil edəcək.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər