Azərbaycan İranın gömrük xidmətləri ilə əlaqələri genişləndirir |
Müəllif: Admin | Bölmə: Xəbərlər | Vaxt: 2-02-2016, 11:23 | Şərh sayı: (0) | Baxılıb: 251
Azərbaycan İranın gömrük xidmətləri ilə əlaqələri genişləndirir
Fevralın 1-də İran İslam Respublikasının Culfa Gömrük İdarəsində İran İslam Respublikası və Azərbaycan Respublikası gömrük xidmətlərini təmsil edən nümayəndə heyətləri arasında görüş keçirilib.DGK-nın mətbuat xidmətindən musavat.com-a daxil olan məlumata görə, görüşdə Azərbaycan tərəfdən Dövlət Gömrük Komitəsi sədrinin birinci müavini, gömrük xidməti general-leytenantı Səfər Mehdiyev və Naxçıvan Dövlət Gömrük Komitəsinin sədri, gömrük xidməti general-leytenantı Asəf Məmmədov, İran İslam Respublikası tərəfdən isə bu ölkənin Şərqi Azərbaycan Regional Gömrük İdarəsinin rəisi Ələsgər Abbaszadə və İran Gömrük Xidmətinin Beynəlxalq Əlaqələr İdarəsinin rəisi Əhəd Pərahan iştirak edib. Görüş çərçivəsində dövlətdaxili prosedurlara təqdim etmək məqsədilə iki dövlətin gömrük xidmətləri arasında gömrük işi sahəsində qarşılıqlı inzibati yardım, eləcə də mal və nəqliyyat vasitələri haqqında məlumatların elektron qaydada əvvəlcədən ötürülməsini nəzərdə tutan sənəd lahiyələrinin işlənib hazırlanması, həmçinin Azərbaycan və İran arasında fəaliyyət göstərən sərhəd-keçid məntəqələrinin 24 saatlıq rejimə keçidlə bağlı işlərin davam etdirilməsi və digər ümumi maraq doğuran məsələlər ətrafında müzakirələr aparılıb.
Görüş zamanı iki dövlətin ərazilərindən istifadə etməklə tranzit daşımalarının artırılması üçün daha münbit şəraitin yarandığı və gömrük işi sahəsində əməkdaşlığın daim inkişaf etdiyi diqqətə çatdırılaraq bu əməkdaşlığın daha da gücləndirilməsi istiqamətində müvafiq addımların atılması haqqında razılıq əldə olunub.
Xatırladaq ki, görüşdə İran İslam Respublikasının Naxçıvandakı Baş konsulunun müavini Əli Məhəmmədi də iştirak edib.
Gündəlikdə duran məsələlərin müzakirəsi məqsədilə nümayəndə heyətlərinin görüşləri fevralın 2-də Naxçıvan Muxtar Respublikasında davam etdiriləcək.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər