“Qətnamələr keçsə, bu, həmsədrlərə şapalaq olacaq” |
Müəllif: Admin | Bölmə: Xəbərlər | Vaxt: 26-01-2016, 23:09 | Şərh sayı: (0) | Baxılıb: 239
“Qətnamələr keçsə, bu, həmsədrlərə şapalaq olacaq”
Elxan Mehdiyev: “ATƏT-in Mins qrupunun anti-Azərbaycan bəyənatlarının başında duran amerikalı həmsədr Uorlikdir” “Minsk qrupu həmsədrlərinin əsl niyyətlərini ən yaxşı bilən və başa düşən onlarla bu danışıqları aparan xarici işlər naziri və dövlət başçısıdır. Əgər onlar lazım bilsəydilər, həmsədrlərlə bağlı qərar verərdilər. 2008-ci ilin məlum BMT Baş Məclsində onlar Azərbaycanın əleyhinə səs verdikdən sonra, Azərbaycan tərəfi müəyyən addımlar atmaq istədi, amma sonra yenidən geri çəkildi. Mən indi də bir addım atılacağını gözləmirəm”.
Konfliktoloq Elxan Mehdiyev Musavat.com-a AŞPA-da bu gün müzakirəyə çıxarılacaq Ermənistanın işğalı və Sərsəng su anbarından təhdid vasitəsi kimi istifadə edilməsinə dair qətnamə layihələrinə ATƏT-in Minsk qrupunun həmsədrlərinin etirazını şərh edərkən bunları bildirdi. Ekspert qeyd etdi ki, Həmsədrlərin tutduğu mövqe heç bir vasitəçiliyə sığmır: “Vasitəçilər bəyanat vermir, başqa təşkilatların münaqişə ilə bağlı mövqelərini şərh etmir. Bu vasitəçilər “məndən başqa heç bir vasitəçi olmayacaq” prinsipi ilə hərəkət edir və heç kimin bu işə qarışmasını istəmir. Digər tərəfdən, bu vasitəçilər ATƏT-in yaratdığı vasitəçilərdir. Həqiqətə qalsa, ATƏT bir nüfuzu olan və təsiri olan təşkilat deyil. “Soyuq müharibə”nin qalığıdır və seçki və insan hüquqları məsələləri ilə məşğul olur. ATƏT-in həll etdiyi və təsir etdiyi heç bir məsələ yoxdur. Rusiya onu təhlükəsizlik təşkilatı etmək istəyirdi, amma Qərb bu istəyi rədd etdi”.
E.Mehdiyevin sözlərinə görə, AŞPA və AŞ daha nüfuzlu təşkilatdır, çünki konkret olaraq Avropada böyük təsirə malikdir: “Bu baxımdan ATƏT bu işlə məşğul olursa, niyə Avropa Şurası da məşğul olmasın ki? Minsk qrupuna ATƏT mandat verib, Avropa Şurası da öz qrupuna mandat verəcək”. Konfliktoloqun sözlərinə görə, Minsk Qrupu 20 ildir bu məsələni, “heç kimin xəbəri olmasın” prinsipi ilə ustalıqla monopoliyaya alaraq lokallaşdırıb: “İndi beynəlxalq aləmdə yeni nəslin faktiki olaraq erməni işğalından xəbəri yoxdur, deyə bilərik. Onların məqsədi təmas xəttində sülhməramlı qüvvələr statusu kimi beynəlxalq müşahidəçilər yerləşdirmək və müasir avadanlıqla təmas xəttini monitorinq etmək və işğal qüvvələri üçün rahatlıq yaratmaqdır”.
E.Mehdiyev hesab edir ki, ATƏT-in Minsk qrupunun anti-Azərbaycan bəyənatlarının başında duran amerikalı həmsədr Uorlikdir: “O, öncə öz bəyanatlarını fərdi qaydada verir və sonra da diger həmsədrlərə də qəbul etdirir. Ümumiyyətlə, təəccüblü də olsa, bu işdə Ermənistan daha çox İrəvandakı Amerika səfirliyi ilə işləyir, nəinki Rusiya səfirliyi ilə. Rusiyada bu iş XİN-in geniş bürokratiyasından keçsə də, ABŞ-da Uorlik daha müstəqil hərəkət edir. Səbəbindən biri də odur ki, ABŞ höküməti üçün bu, aşağı səviyyəli bir məsəldir. ABŞ-ın İrəvanndakı əvvəlki səfiri Heffern bu işdə xüsusi canfəşanlıq edirdi. Görünən odur ki, indiki səfir Heffern kimi olmasa da, bu işi davam etdirir. Digər tərəfdən, Uorlikin özü ABŞ-dakı radikal erməni təşkilatı olan Ermənii Milli Komitəsi ilə geniş əlaqələr qurub və hal-hazırda o, bu ermənilərin telefon zənglərinin basqısı altındadır. Uorlik də onlara anlamla yanaşır və bu AŞPA məsələsində də ilkin olaraq Uorlik fərdi olaraq etiraz etd, sonra isə həmsədlər adından bəyanat yaydı. Ümumiyyətlə, bu praktikanı daha çox cənab Uorlik inkişaf etdirir. Onun son 3 ildə atdığı addımların və bəyanatların xronikasını dərc edə bilərik. Məncə, o İsrail-Fələstin danışıqlarında istifadə olunan metodları buraya tətbiq etməyə çalışır. Bütün bu “prosesə” zərər vuran ifadələrin hamısı Ərəb-İsrail danışıqlarında istifadə olunan dildir. Amerikalıların da münaqişə həlli ilə bağlı baxışları ancaq Ərəb-İsrail danışıqları metodu üzərində köklənib. Bu isə bizim maraqlarımıza heç uyğun deyil. Onun detallarını açıqlasaq, fəlakətli səhnə ilə üzləşərik. Yaxşı ki, hələlik Uorlik Dağlıq Qarabağın ətraf rayonlarının qaytarılmasından danışır. Əvvəlki həmsədr Bradke vasitəçilik edəndən sonra artıq bu rayonların qaytarılmasını da sual altına qoyub”.
E.Mehdiyev 26 yanvar AŞPA müzakirələrini də dəyərləndirdi: “AŞPA-da bu sənədlərin qəbul edilməsi də sual altındadır. Çünki ABŞ və Fransanın Avropada nüfuzu böyükdür və Avropadakı hakimiyyət partiyası deputatlarına bu qətnamələrin əleyhinə səs vermək göstərişi artıq verilib. Arzu edək ki, bu qətnamələr keçsin. Keçsə, bu, həmsədrlərə bir şapalaq olacaq”.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər