Britaniya hökuməti müsəlman qadınlar üçün fond yaradıb |
Müəllif: Admin | Bölmə: Xəbərlər | Vaxt: 18-01-2016, 16:35 | Şərh sayı: (0) | Baxılıb: 241
Britaniya hökuməti müsəlman qadınlar üçün fond yaradıb
Böyük Britaniya hökuməti ölkədə yaşayan müsəlman qadınlara ingilis dilinin öyrədilməsi üçün 20 milyon funt-sterlinq həcmində (29 milyon ABŞ dolları) fond təsis edib. Novator.az xəbər verir ki, bunu Böyük Britaniyanın baş naziri Devid Kemeron yanvarın 18-də “Tayms” qəzetində çıxan məqaləsində bildirib.Baş nazirin fikrincə, bu addım Böyük Britaniyada həmrəy cəmiyyətin yaranmasına yardım edəcək və müsəlman ailələrə qarşı diskriminasiyanı, sosial təcridolunmanı aradan qaldıracaq.
Kemeron passiv tolerantlıq erasına və cinsi mənsubiyyətə görə ayrı-seçkiliyə son qoymağa çağırıb: “Bu problemə münasibəti dəyişmək lazımdır. Bura Böyük Britaniyadır. Burada qadınlar və qızlar geyimini, yaşayışını və kimi sevdiklərini seçməkdə azaddırlar. Məhz bizim dəyərlərimiz bu ölkəni indiki halına gətirib çıxarıb və biz bu dəyərləri gələcək nəsillərə ötürə bilmək üçün müdafiə etməliyik”.
Kemeron qeyd edib ki, hazırda Böyük Britaniyada ingilis dilində danışmayan 190 min müsəlman qadın yaşayır: “Hökumətin qiymətləndirməsinə görə, bu, cəmiyyətdə sosial gərginlik riskini artırır və ingilis dilini bilməyən ayrı-ayrı insanların radikallaşmasına aparır. Məhz buna görə də hökumət hərəkətə keçmək qərarına gəlib”.
İngilis dili kurslarının könüllü olduğunu və məktəblərdə, sosial mərkəzlərdə, hətta evlərdə də keçiriləcəyini deyən baş nazir bütün tədris xərclərini hökumətin öz üzərinə götürdüyünü vurğulayıb.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər