13 saylı cəzaçəkmə müəssisəsində məhbuslara yemək verilmir? |
Müəllif: Admin | Bölmə: Xəbərlər | Vaxt: 9-01-2016, 23:22 | Şərh sayı: (0) | Baxılıb: 295
13 saylı cəzaçəkmə müəssisəsində məhbuslara yemək verilmir?
Nigar Yaqublu: “Adi çayı belə vermək imkanları yoxdur”Yaşar İsakov: “Qida rasionu qanunvericiliyin tələblərinə uyğundur vә lazım olan səviyyədədir”
Siyasi məhbus Tofiq Yaqublunun saxlandığı 13 saylı cəzaçəkmə müəssisəsində vəziyyət kritikləşib.
Bu barədə T.Yaqublunun qızı Nigar Yaqublu sosial şəbəkədəki statusunda xәbәr paylaşıb. N.Yaqublu yazıb ki, artıq 13 saylı cəzaçəkmə müəssisəsindəki durumla bağlı həyəcan təbili çalmaq lazımdır: “Krizis həbsxanadan da yan keçməyib. Belə ki, artıq məhbuslara yemək verə bilmirlər. Onsuz da keyfiyyətsiz olan yeməklərin indi bir yaxantıdan fərqi yoxdur. Məhbuslar neçə gündür, acdırlar. Adi çayı belə vermək imkanları yoxdur. Həm bu soyuq havada çöldə saxlanılırlar, həm də duzsuz, yağsız yemək verirlər. Bu məsələ ilə bağlı əlaqədar qurumlar hara baxırlar?”
Musavat.com N.Yaqublunun qaldırdığı bu problemlə bağlı Penitensiar Xidmətin ictimaiyyətlə əlaqələr şöbəsinin rəhbəri Yaşar İsakovla əlaqə saxlayıb. Y.İsakov bizə açıqlamasında bildirdi ki, bütün cəzaçəkmə müəssisələrində və istintaq təcridxanalarında maddi- məişət şəraiti, o cümlədən qida rasionu qanunvericiliyin tələblərinə uyğundur vә lazım olan səviyyədədir: “Müəssisələrin qış mövsümünə hazırlığı ilə bağlı bütün zəruri tədbirlər vaxtında görülmüş, xüsusi kontingentin saxlanılması, qidalanması, istiliyin təmin edilməsi, su, qaz, işıq təminatı ilə bağlı heç bir çətinlik yaşanmır”.
musavat.com
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər