Bakının mərkəzində uşaqların ölüm oyunu |
Müəllif: Admin | Bölmə: Xəbərlər | Vaxt: 13-10-2015, 20:25 | Şərh sayı: (0) | Baxılıb: 416
Bakının mərkəzində uşaqların ölüm oyunu
Bakının mərkəzində uşaqların "dilənmə oyunu" yolda təhlükəli vəziyyət yaradıb.
Anar Bağırov adlı oxucu Milli.Az-a ünvanladığı müraciətində qeyd edib ki, bu gün Bakıda kiçik yaşlı uşaqların yolun ortasında həm özlərinin, həm də digərlərinin həyatı üçün təhlükə yaratdığının şahidi olub: "Mərkəzi Univermaqdan Dram Teatrına tərəf gedən yolda, Şahmat məktəbinin qarşısında 3-4 uşaq avtomobillərə yaxınlaşıb dilənirdilər. Lakin bəzən istədiklərini əldə etməyəndə maşındakılardan əl çəkmir, hətta artıq hərəkət etməkdə olan avtomobilin qapısından, şüşəsindən və güzgüsündən sallanırdılar. Avtomobildəki sürücü və sərnişinlər də uşaqların bu xatasından uzaq olsunlar deyə, çıxarıb onlara pul verirdilər ki, canlarını birtəhər qurtarsınlar. Ərazinin müşahidə kameralarının nəzarətində olmasına baxmayaraq, orada olduğum müddətdə heç bir polis gəlib bu təhlükənin qarşısını almağa çalışmadı".
Oxucunun fikrincə, azyaşlıların bu cür təhlükəli "dilənmə üsulu" həm uşaqların, həm də digər hərəkət iştirakçılarının həyatı üçün təhlükə yaratdığından bununla bağlı dərhal ciddi tədbir görülməlidir.
Məsələ ilə bağlı Yasamal Rayon Polis İdarəsinin 26-cı Polis Bölməsi ilə əlaqə saxladıq. Bölmədən Milli.Az-a onlara adıçəkilən ərazidə belə halların baş verdiyi barədə məlumatın daxil olmadığını desələr də, faktla bağlı ərazinin sahə müvəkkili tərəfindən müvafiq tədbir görüləcəyinə söz verdilər.
İlkin İzzət
Milli.Az
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər