Erməni mərmisinin dağıtdığı məktəbin təmirinə başlanıldı |
Müəllif: Admin | Bölmə: Xəbərlər | Vaxt: 13-04-2016, 18:21 | Şərh sayı: (0) | Baxılıb: 235
Erməni mərmisinin dağıtdığı məktəbin təmirinə başlanıldı
Aprelin 2-dən 5-dək erməni silahlı birləşmələrinin cəbhədə törətdiyi təxribat nəticəsində Ağdam rayonunda dağılmış fərdi yaşayış evləri və inzibati binaların bərpasına başlanılır.Ixlas.Az bildirir ki, bu barədə Trend-ə Ağdam rayon İcra Hakimiyyətinin başçısı Raqub Məmmədov məlumat verib.
İcra başçısı bildirib ki, ermənilərin ağır artilleriya zərbəsi nəticəsində dağılmış orta məktəb binası da artıq bərpa edilir: "Orta məktəbə mərmi düşmüşdü və binanın bir hissəsi dağılmışdı. Artıq həmin dağılan ərazi sökülüb və bərpa işlərinə başlanıb. Binanın dam örtüyü tam sökülüb".
R.Məmmədov deyib ki, bununla yanaşı, rayon ərazisində ermənilərin atəşi nəticəsində dağıdılmış ev və digər obyektlərin də bərpası ilə əlaqədar hesablama işləri yekunlaşmaq üzrədir: "Hazırda müvafiq komissiya işini bitirmək üzrədir. Dəymiş ziyan müəyyənləşib, smeta sənədləri hazırlanıb. Yaxın günlərdə həmin evlərin və binaların da təmirinə başlanacaq".
Rayon ərazisindəki son durum barədə danışan R.Məmmədov deyib ki, atəşkəs olsa da, ermənilər cəbhəboyu ərazilərdə atəşkəsi pozur, avtomat və pulemyotlardan ara-sıra atəş açırlar. Azərbaycan Silahlı Qüvvələrinin cavab atəşi ilə düşmən susdurulur.
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər