Evlənməyin qaydaları və rahibliklə məşğul olmağın qadağan olması haqqında |
Müəllif: Admin | Bölmə: Məqalələr | Vaxt: 7-06-2015, 13:10 | Şərh sayı: (0) | Baxılıb: 478
Evlənməyin qaydaları və rahibliklə məşğul olmağın qadağan olması haqqında
İmam Sadiq (ə) buyurmuşdur: Qadınlara məhəbbət göstərmək bir çox peyğəmbərlərin yaxşı xüsusiyyətlərindən olmuşdur.Sonra buna əlavə olaraq belə buyurmuşdur: İmanlı olan hər bir şəxsin, hər bir şeyinin çox olmasına səbəb qadınlara göstərdiyi məhəbbətdən irəli gəlmişdir. Hər kəsin həyat yoldaşına qarşı məhəbbəti çox olsa imanı daha yüksək səviyyəyə çatmış olar.
Səkin Nəxəi (Yəmən qəbilələrindən olan bir şəxs) ibadət məqsədi ilə xoş iyli ətirlər vurmağa,gözəl qadınlara və ləziz yeməklərdən istifadə etməməyə üstünlük vermişdi. Günlərin bir günündə bu barədə imam Sadiq (ə)-a bir məktub yazır.İmam Sadiq (ə) məktubun cavabında bu sözləri yazır: Amma Peyğəmbər (s) bir neçə qadın saxlardı və ləziz yeməklərdən (ət, bal və s.) yeyərdi (Hədisin mənası budur ki, imam Sadiq (ə) demək istəyir ki, Peyğəmbər (s) bu işləri gördüyü halda sən nə üçün bunları tərk etmisən?!) Peyğəmbər (s) buyurmuşdur: Nikah edən şəxs elə bil ki, öz dininin yarısını qorumuşdur. Sonra əlavə edərək buyurur: bu işinizlə Allahdan qorxub bəzi günahlar törətməzsiniz. Sizin içərinizdə ən pis şəxs səbəbsiz yerə subay qalan şəxsdir. Peyğəmbər (s) öz tövsiyələrini davam edərək buyurur: Axı mömin olan bir şəxsi, hansı səbəblər evlənməkdən çəkindirə bilər. Bilin ki, evlənmək ilə Allah-təala ona bol ruzi nəsib edər. Bir də bunu yadınızda saxlayın ki, hər kim mənim adətlərimə riayət etmək istəsə bilsin ki, adətlərimdən biri də qadınlara məhəbbət göstərib, onları sevməkdir. İmam Məhəmməd Baqir (ə) buyurmuşdur: Evli bir şəxsin iki rükət namazı subay şəxsin gecədən səhərə qədər qıldığı namazdan və gündüzlər tutduğu orucdan daha fəzilətlidir. Peyğəmbər (s) buyurub: Hər kim fəqirlik (kasıbçılıq) ucbatından evlənməsə Allaha qarşı yaxşı ümid bəslənməmişdir (yəni kasıbçılığı bəhanə edib subay qalmaq olmaz və hər kim belə etsə Allahdan ümidini kəsmişdir) çünki, Allah-təala belə buyurur:
(İn yəkunu fuqəraə yuğnihimullahu min fəzlih)
Yəni əgər onlar fəqir olsalar Allah-təala onları öz nemətləri ilə ehtiyacsız edər.
İmam Sadiq (ə)-dan belə nəql olunmuşdur:Osman ibni Yəcuzun həyat yoldaşı Peyğəmbərin yanına gəlib öz ərindən belə şikayət edir: Ey Allahın rəsulu ərim gündüzlər oruc tutur, gecələrini də namazla başa vurur və mənə heç yaxın düşmür.
Peyğəmbər (s) bu sözlərdən əsəbləşib Osmanın yanına gəlir və belə deyir: Ey Osman, Allah-təala məni rahiblik üçün sizə peyğəmbər göndərməmişdir. (Rəhbaniyyət mövcud olan təriqətlərdən biridir, keçmişdə indiki dövrə nisbətən daha çox camaat arasında yayılmışdı, bu dinə yönələn şəxslər dünyadan tamam əllərini üzüb kənara çəkilib yalnız ibadətlə məşğul olur və dünyəvi işlərlə əsla maraqlanmazdılar, yəni dünyada baş verən hadisələrə əhəmiyyət verməzlər) əksinə asan bir din olan islam üçün göndərilmişəm və mən özüm namaz qılıb, oruc tuturam və nəhayət qadınlarıma da diqqətliyəm. Buna əsasən hər kim mənim dinimdədirsə gərək mənim adətlərimi də yerinə yetirsin və mənim adətlərimdən biri də ailə həyatı qurduğum qadına qarşı diqqətli olmaqdır. Başqa bir hədisdə deyilir: Günlərin bir günündə üç qadın Peyğəmbər (s)-ın yanına gəlib şikayətlənirlər. Biri deyir mənim ərim ət yemir, ikinci qadın ərinin xoş iyli ətir istifadə etməməsindən, üçüncü qadın isə ərinin ona qarşı meyilsiz olduğundan şikayətlənir. Peyğəmbər (s) bu şikayətləri axıra qədər dinlədikdən sonra çox əsəbləşir və dərhal bayıra çıxıb məscidə gedir və minbərə çıxıb Allah-təalaya şükr və təzim etdikdən sonra belə bir söhbətə başlayır: "Nə üçün mənim səhabəmin bəziləri ət yemir, ətirdən istifadə etmirlər və nəhayət öz qadınlarına qarşı rəğbətləri yoxdur?! Bir halda ki, özüm ət yeyir, ətir də istifadə edirəm və öz qadınlarıma rəğbət və meylim var. Bir sözlə hər kim mənim adətlərimə riayət etməsə məndən deyildir.” Digər bir hədisdə deyilir: Bir qadın Peyğəmbər (s)-ın yanına gəlib ərinin ona qarşı meyilsiz olduğundan şikayətlənir. Peyğəmbər (s) qadını dinlədikdən sonra ona belə bir məsləhət görür ki, özünə gözəl ətirlər vursun. Belə etməklə ərin sənə qarşı meyli artar. Qadın Peyğəmbərə (s) belə cavab verir daha elə bir ətir qalmayıb ki, onu vurmayım amma ərim əsla buna etina etmir. Peyğəmbər (s) qadına belə buyurur: Əgər ərin, sənə qarşı olan rəğbətin nə qədər savabı olduğunu bilsəydi daha səndən uzaqlaşmazdı. Sonra belə buyurdu: Ərin səninlə yaxınlıq etdikdən sonra Allah-təala ağacın yarpaqları töküldüyü kimi onun günahlarını ondan uzaqlaşdırar, çimdikdən sonra isə onun günahları ondan tam şəkildə aralanar.(uzaqlaşar.)
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər