Zühur əsrində Azərbaycanda baş verəcək hadisələr |
Müəllif: Admin | Bölmə: Məqalələr | Vaxt: 16-08-2015, 23:15 | Şərh sayı: (0) | Baxılıb: 1252
Zühur əsrində Azərbaycanda baş verəcək hadisələr
“Azərbaycan bizim üçün hökmən lazımdır. Heç bir şey onun qarşısında müqavimət göstərə bilməyəcəkdir. Bizim inqilabçımız qiyam edən zaman, hətta qarın üzərində sürünə-sürünə getməklə olsa belə, ona doğru tələsin.” (“Qeybəti Numani”, səh.170)
Bu hədisin məfhumu belə də ola bilər. Azərbaycanda, hidayətçi bir hərəkat başlanacaq ki, bu ölkədə, yaxud onun əhalisinin tərəindən baş verəcək, bundan sonra ona yaxın olan nişanələrin başlanacağı vaxta qədər gözləmək lazımdır. Aşağıdakı rəvayətdən də aydın olduğu kimi, bu hadisənin ruslarla qarşılaşma zamanı olduğuna ehtimal verilir: “Türklər üçün iki qiyam baş verəcəkdir ki, onlardan birində Azərbaycan viran olacaqdır. Digər qiyam da Cəzirədən başlanacaqdır ki, hiclədə olan gəlinləri vəhşətə salacaqdır. Məhz bu zaman Allah-taala müsəlmanlara kömək edəcək, Allahın böyük qurbanlığı da onların arasında vücuda gələcəkdir.” (“Əl-məlahimu vəl-fitən”, səh.32)
Bu rəvayət təklikdə araşdırıldıqda, ehtimal üzrə, onu monqolların İslam ölkələrinə hücumu kimi yozmaq olar. Belə ki, onlar ilk mərhələdə Azərbaycana çatmış və oranı dağıtmışlar, daha sonra Fərat sahillərinə və müsəlmanlara qarşı hücum edərək qələbə çalmış, “Caluq” çeşməsində və başqa yerlərdə böyük qurbanlıqlar vermişdilər.
Amma bu rəvayətləri əvvəldə qeyd olunan rəvayətlərlə birlikdə nəzərə aldıqda belə ehtimal verilir ki, məqsəd ruslar olsun ki, onların ikinci dünya müharibəsindən əvvəl və sonrakı qiyamı, eləcə də zühurun yaxın əlamətlərinin görünməsindən öncə Azərbaycanı işğal etmələri ola bilər.
İkinci qiyam da Cəzirə səmtindəndir ki, bu da İraq-Suriya arasında yerləşən Qirqisiyada bir yerin adıdır. Onlar bu məntəqədə Süfyani ilə müharibə aparacaqlar. Müsəlmanların oradakı bilavasitə qələbələri də zalım düşmənlərin həlak olması ilə baş verəcəkdir. Gələcəkdə görəcəyiniz kimi, Qirqisiyadakı çarpışmalarda hidayətçi bir bayraq, yaxud öz ardınca müsəlamnların qələbəsini gətirən bir hərəkat yoxdur. İmamların və peyğəmbərin (s) bu hadisə barəsində müjdə verməsi də məhz buna görədir ki, bu müharibədə zalımlar özlərinin bəzi havadarlarının qılıncları (silahları) ilə məhv ediləcəklər.
Digər rəvayətlərdə türklərin Cəzirədə və Fərat sahillərində düşərgə salması gösərilir ki, yenə də ehtimal üzrə türklər dedikdə, ruslar nəzərdə tutulur. Çünki onların bu məntəqəyə gəlişi rumluların Fələstin sahillərində və Rəmlədə düşərgə salması ilə eyni zamana təsadüf edir. Əvvəlcə işarə etdiyimiz kimi, Qirqisiya Cəzirənin yaxınlığında yerləşən bir məntəqənin adıdır ki, Diyarbəkir və Cəzireyi-Rəbiə adı ilə məşhurdur. Tarix kitablarında ümumi şəkildə qeyd olunan “Cəzirə” də Ərəbistan yarımadası, yaxud başqa yarımadalar deyil, məhz həmin məntəqədir. Bu məsələnin də monqol türklərinin yeddinci hicri əsrində Cəzirəyə və Fərata gəlib düşərgə salmaları ilə zidiyyət yoxdur. Çünki bəziləri onu o həzrətin zühuruna yaxın olan əlamətlərdən hesab etmişlər, halbuki, zühurun yaxın əlamətlərindən biri onların əvvəlcə həmin yerdə düşərgə salmaları, sonra isə Qirqisiyada Süfyani ilə müharibə aparmalarıdır.
Həmin münasibətlə monqolların fitnəçi hərəkatlarının və İslam ölkələrinə hücum etmələrini göstərən rəvayətlər Peyğəmbəri-Əkrəmin (s) möcüzəli şəkildə qeybdən xəbər verdiyi hadisələr sırasındadır. Müsəlmanlar onları bilir və İslamın əvvəllərindən etibarən nəql edirdilər. Monqolların hücumu zamanı və ondan sonrakı dövrlərdə də bu qəbildən olan rəvayətlər daha çox yayılmış idi. Eyni halda, bu kimi rəvayətlər onların törətdiyi fitnələrin yatırılmasını və müsəlmanların qələbə çalmasını xatırladır. Amma, onlar da Həzrət Məhdinin (ə.f) zühuruna işarə edilmir. Bu, bizim türklərlə əlaqədar bəhs etdiyimiz rəvayətlərdə də qeyd olunmuşdur.
İndi isə, monqolların hücumlarını göstərən rəvayətlərin nümunələrini Həzrət Əlidən (ə) nəql edirik: “Sanki elə bir qövmü görürəm ki, onlarəın üzləri çəkiclə döyülən qalxanlar kimidir. Onlar ipək və kətandan toxunmuş paltarlar geyinmiş, əsil atları öz ardınca çəkirdilər. Orada o qədər ölüm və qətl hadisələri olacaqdır ki, yaralılar ölülərin cəsədləri üzərindən keçiriləcəkdir. Bu müharibədə qaçanların sayı əsirlərin sayından çox azdır. İmamın (ə) köməkçilərindən biri soruşdu; “Ya Əmirəlmöminin! Siz qeyb elmini bilirsiniz?!” Əli (ə) təbəssüm edərək Bəni-Kəlb qəbiləsindən olan o kişiyə dedi: “Ey Kəlbi qardaş! Bu qeyb elmi deyildir, əksinə bir növ agahlıqdır ki, mən onu elmin sahibi Rəsulallahdan (s) öyrənmişəm. Çünki, qeyb elmi yalnız Qiyamət və Allah-taalanın bu ayədə buyurduğu şeylərlə əlaqədardır: “Yalnız Allahdır ki, Qiyamətin baş verəcəyi zamanı bilir; həmçinin yalnız Odur ki, yağışı nazil edir, bətnlərdə olanlardan xəbərdarır. Heç kəs bilmir ki, ömrü nə vaxt sona çatacaqdır”. Allah-taala bilir ki, bətndə olan oğlandır, yoxsa qızdır; çirkindir, yoxsa gözəl; əliaçıqdır yoxsa paxıl; bədbəxtdir yoxsa xoşbəxt. O, kimin Cəhənnəm oduna yanacaq olması, kimin də Behiştdə və Peyğəmbərlə (s) yanaşı olacağını bilir. Buna əsasən Allahdan başqa heç bir kəsin bilmədiyi qeyb elmi məhz bunlardır. Bundan başqa deyilənlər isə, Allah-taalanın Öz Peyğəmbərinə (s) öyrətdiyi elmlərdir. Peyğəmbər (s) də onları mənə öyrətmiş, sonra mənim barəmdə dua etmişdir ki, Allah–taala onu mənim qəlbimdə yerləşdirsin.” (“Nəhcul-bəlağə”, 128-ci xütbə).
Şeyx Əli Kurani
Tercume etdi.M.Əlizadə
Oxşar Xəbərlər:
İnformasiya
Qonaq qrupunda olanlar istifadəçilər bu xəbərə şərh əlavə edə bilməz.
Qonaq qrupunda olanlar istifadəçilər bu xəbərə şərh əlavə edə bilməz.
Şərhlər